အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)

အပိုင်း ၁၂၈ : နတ်ဘုရားတစ်ပါးအားရင်ဆိုင်ခဲ့သူများ (၂)

𝘜𝘯𝘪𝘤𝘰𝘥𝘦
𝘚𝘤𝘳𝘰𝘭𝘭 𝘥𝘰𝘸𝘯 𝘧𝘰𝘳 𝘡𝘢𝘸𝘨𝘺𝘪

စတားစထရင်းထဲအသန်မာဆုံးသောဖြစ်တည်မှုများအား ‘ကြယ်တာရာများ’ဟုခေါ်ဆိုလေ့ရှိကြသည်။ထိုသူတို့သည် ကမ္ဘာအနှံ့ရှိဇာတ်လမ်းများအား အထက်မှစူးစမ်းနေကြသည်။

သို့ပေသိ သူအရင်ကပြောခဲ့ဖူးသလိုကြယ်တာရာများကသာ ကြယ်တာများအားဆန့်ကျင်နိုင်သူများ မဟုတ်ကြ။ထိုအထဲတွင် ကြယ်တာရာတစ်ပါး၏လမ်းစဉ်အားစွန့်ပစ်ကာ နတ်ဆိုးဘုရင် သို့မဟုတ် သားရဲများအား မွေးဖွားစထဲကထိပ်ခေါင်၌ကြီးစိုးအုပ်ချုပ်နေကြသောနဂါးများဖြစ်လာကြသူများလည်းရှိကြသည်။

ဒါဆို လူသားတွေကျတော့ရော?လူသားတစ်ယောက်ရဲ့လမ်းစဉ်အတိုင်းမလျှောက်လှမ်းတဲ့ လူသားတစ်ယောက်က ကြယ်တာရာကိုဆန့်ကျင်နိုင်တဲ့အဆင့်အထိရောက်ရှိသွားကြရင်ရော?

အဖြေမှာသူ့မျက်စိအရှေ့လေးတင်ရှိနေ၏။

[စိတ်ဝင်စားစရာပဲ။မင်းကမင်းရဲ့တည်ရှိမှုကိုတခြားကမ္ဘာအတွက်စွန့်လွှတ်လိုက်တယ်ပေါ့?]

ခီးရီးအော့စ်ကသူ့identityအားတစ်ချက်ကြည့်ရုံမျှဖြင့်သိနိုင်သည်။ထိုလူက သူ့ဘေးရှိ ကြောင်အနေသောအာဆူကာရမ်အား ‌ဖျက်ခနဲကြည့်၏။

[မင်းရဲ့သတ္တိကြောင့်ဒီတစ်ကြိမ်တော့အလွတ်ပေးလိုက်မယ်။အဲ့မိန်းမကိုခေါ်သွားတော့]

ပြန်လာသူတစ်ယောက်။အထူးအရည်အချင်းများနှင့်မွေးဖွားလာသူဖြစ်ကာ စတားစထရင်း၏ကောင်းချီးပေးမှုဖြင့် လူသားတစ်ယောက်ဟူသောအမျိုးအစားမှကျော်လွန်ခဲ့သည်။

ပြန်လာသူများအနက်မှ ခီးရီးအော့စ်ရမ်ဒီသည် ထူးခြားသောတည်ရှိမှုဖြစ်ခဲ့သည်။သူသည် ပြန်လာသူများကြားထဲအလွန်အင်အားကြီးကာ ဒိုကဲဘီများဖန်တီးထားသောဇာတ်လမ်းများထဲဆွဲသွင်းမခံခဲ့ရလောက်သည်အထိ ပိုက်ဆံများရှာနိုင်ခဲ့၏။ထိုလူသည် ရှင်သန်ရာနည်းလမ်းများ၏လမ်းစဉ်အတိုင်း မပြုမူခဲ့သော ပြန်လာသူတစ်ယောက်ပင်။

“ကျွန်တော်ပြောစရာရှိတယ်”

[...ပြောစရာ?]