နောက်တစ်နေ့မနက်တွင် သူ့ထံရှိပစ္စည်းများအကုန်ကုန်လုနီးနီးပင်။ဂျောင်ဟီး၀န်မှာ Convenience storeအိတ်များအား မယုံကြည်နိုင်သလိုစိုက်ကြည့်နေသည်။
“ဘုရားရေ ရောင်းထွက်ကုန်ပြီလား?”
“အင်း”
”ဟ တကယ့်ဟာသပဲ။လူတိုင်းကြည့်ရုံပဲကြည့်နေကြပြီးခုမှ...”
“နောက်ပြီးအပယ်ခံအဖွဲ့တင်မဟုတ်ဘူး”
ညဉ့်လယ်လောက်ကလာသည့်ဧည့်သည်တွေမှာ အပယ်ခံအဖွဲ့မှ လူတွေတင်မဟုတ်။
“ ဂင်မ်ဒို့ဂျာရှီမင်းကအဆိုးဆုံးလမ်းကိုရွေးထားတာပဲ”
ထိုလူအားလုံးထဲမှ ချွန်းအင်ဟိုပင်။
“မင်းနောင်တရလိမ့်မယ်”
သူတွင်ရှိသောအစားအစာအားလုံးထဲမှတစ်၀က်ကိုအဓိကအဖွဲ့မှယူသွားခြင်းဖြစ်သည်။ဒါပေါ့ သူတို့လည်း ငွေပမာဏအတိအကျပေးချေခဲ့ရသည်။
ဂျောင်ဟီး၀န်မှာသူ့စကားကြားပြီးပြီးချင်းဒေါသထွက်နေလေသည်။
“နေပါဦး ဒါဆို အဓိကအဖွဲ့ကအစာတွေကိုထပ်ပြီးလက်ဝါးကြီးအုပ်တော့မယ်ပေါ့?”
“အဲ့လိုသဘောပဲ”
“မဟုတ်သေးဘူး။ဘာပါလိမ့်? ခင်ဗျားက လူတွေကြားထဲ အရောင်းအ၀ယ်မြှင့်တင်ခြင်းအားဖြင့် အဓိကအဖွဲ့ရဲ့အာဏာကိုလျှော့သွားအောင်လုပ်ဖို့လား?”
သူ မထင်ထားသည့်အမြင်မျိုးမို့ အနည်းငယ်လေးစားသွားရကာ ပြန်ဖြေလိုက်သည်။
”အမှန်ပဲ။တကယ့်ရည်ရွယ်ချက်က လူတွေကိုကိုယ့်သဘောဆန္ဒအလျောက်လှုပ်ရှားစေချင်တယ်”
“အဲ့ဒါဆို ဘာလို့အစာတွေကိုအဓိကအဖွဲ့ဆီရောင်းလိုက်ရတာလဲ?အခြေအနေတွေကမှမပြောင်းလဲတာ!”
“ပြောင်းလဲတာပေါ့။ဒင်္ဂါးတွေရလိုက်တယ်လေ”
“ဟမ်?”
သူ့ထံတွင်ဒင်္ဂါး၁၄၅၀ရှိနေပြီး ထိုပမာဏဟာ တစ်ညတာအတွက်ကြီးမားသော၀င်ငွေမျိုးပင်။
“ ဒို့ဂျာရှီဘာတွေတွေးနေမှန်းကိုမသိတော့ဘူး?
ဆန်းအာရှီငါတို့အဲ့လူကိုယုံလို့ရောရရဲ့လား?”
YOU ARE READING
အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)
Adventureအိုအာဗီရဲ့မြန်မာဘာသာပြန် အပိုင်း ၁ - အပိုင်း ၁၄၆ credit အပြည့်အစုံမပေးတာက CRမိမှာကြောက်လို့ပါ။စာရေးသူတွေရဲ့နာမည်ကိုပျက်စေလိုခြင်းအလျင်းမရှိပါ။ဝတ္ထုကို Eလိုဖတ်ချင်ပါက ကိုယ့်ဆီမှာ linkလာတောင်းလို့ရပါတယ်။သူကwebtoonလည်းရှိပါတယ်။ အိုအာဗီရဲ႕ျမန္မာဘာသာျပန္...
