အမှန်အတိုင်း ဖွင့်ဟဝန်ခံပြီးသည့်နောက်တွင် ကျိုးချင်ပေါ် မှာ blind date မှ ရရှိလာခဲ့သည့် ဝန်ထုပ်ဝန်ပိုးကြီးအား နောက်ဆုံးတွင် လွှင့်ပစ်ထုတ်နိုင်လိုက်ပြီ ဖြစ်လေသည်။
ဖေယို့သည် သူ့ဖုန်း၌ မှတ်ထားသည့် ကျိုးချင်ပေါ် ၏ ဖုန်းနံပါတ်အား 'blind date နံပါတ် ၃၃ - ကျိုးချင်ပေါ် ' မှ ကျိုးချင်ပေါ် အဖြစ်သို့ ပြောင်းလဲနိုင်လိုက်ပြီ ဖြစ်လေသည်။
စာရင်းစစ်အလုပ်မှာ အချိန်ယူရသလို ရှုပ်လဲရှုပ်ထွေးလှ၏။ ချင်းရှန်သို့ စာရင်းစစ်အဖွဲ့ ရောက်ရှိလာပြီးသည့် နောက်တွင် ကျိုးချင်ပေါ် သည်လည်း ကုမ္ပဏီ၏ အရေးကိစ္စအား ကူညီကိုင်တွယ်ပေးရန် ဟူသော ခေါင်းစည်းဖြင့် အစ်ကိုဖြစ်သူထံမှ ဖေယို့၏ အဖွဲ့ထံသို့ ပစ်ထည့်ခြင်း ခံရလေသည်။
တကယ့်လက်တွေ့တွင် ကျိုးချင်ပေါ် မှာ ဖေယို့နှင့် ရက်အနည်းငယ်လောက် လုပ်ဖော်ကိုင်ဖက်ဘဝအား ဖြတ်သန်းပြီးနောက်တွင် သူ၏ ဘဝ၌ လူဘဝရေးရာ အဖုံဖုံအစုံစုံအား ကြုံတွေ့ပြီးပြီဟု ခံစားရလေသည်။
ဖေယို့၏ အလုပ်ချိန် ပုံပန်းသွင်ပြင်နှင့် နေ့စဉ်ဓူဝ ပုံစံဟန်ထားမှာ လုံးဝဥဿုံ ကွဲပြားလှသည်။ သူတို့နှစ်ဦးသား ပထမဆုံးအကြိမ် အလုပ်လုပ်ချိန်က ကြုံတွေ့ခဲ့ရသည့် ကသိကအောက်နိုင်သော အခြေအနေများမှာ နောက်ရက်များတွင်တော့ လုံးဝဥဿုံ ကွယ်ပျောက်သွားခဲ့ရသည်။
ရုံးခန်းရှိ လေသန့်စက်အတွင်းမှ ရေငွေ့လေးများမှာ တလူလူ ပျံ့လွင့်၍နေကာ ရေသန့်စက်မှ အချက်ပြ မီးရောင်လေးမှာလည်း စိမ်းတခါ နီတလှည့် အလီလီ ကူးပြောင်း၍ နေလေသည်။ အသစ်စက်စက် စာရွက်ဖျက်စက်လေးမှာလဲ တဝက်တိတိ ပြည့်နှက်နေဖြစ်ကာ ထောင့်နားလေးရှိ အမှိုက်ပုံးလေးအတွင်း၌လဲ ကော်ဖီခွက်တို့က နယ်ချဲ့စိုးမိုးထားနှင့်လေပြီ။
နေ့လယ်စာ စားချိန် တဖြည်းဖြည်း နီးကပ်လာပြီဖြစ်၍ အပြင်လောကဓာတ်၌ ထွန်းလင်းတောက်ပနေသည့် နေမင်းကြီးမှာ စူးရှလှသော အလင်းတန်လေးအား တစ်ဝက်ဖွင့်လှစ်ထားသော နေကာတရုတ်ကပ် ထံမှ အတွင်းသို့ ဖြာကျစောကာ အခန်းတွင်းရှိ လူတိုင်းအား မျက်စိကျိန်းသွားစေသည်။
YOU ARE READING
Ghosting လုပ်ခြင်းအား ခွင့်မပြု
Roman d'amourDate လုပ်လျှင် လိုက်နာရမည့် ပထမဆုံး စည်းကမ်း - Ghosting လုပ်ခြင်းအား လုံးဝ ခွင့်မပြု။ English name - No ghosting allowed Author name - Gu Yan English translator - cee This is fun translation and I don't own this novel. I don't have any permission t...
