හිරිකඩක්

41

#හිරිකඩක්_41

තවත් මොහොතක් ගෙවෙද්දී ධූර්යා ඉහළට එසවී ගියේ සවිමත් දෑතකින්ය. වතුරත් යන්තමින් පෙවී උන්නද පමා නොවීම ඇයව ඉහළට ගත් නිසාවෙන් හුස්ම අල්ලාගත් ධූර්යා උන්නේ කහිමින්ය.

"මගෙ දරු..වා... ම..ගේ"

ඇයව ගොඩට ගත් තරුණයා ඇයව ඉහළට රැගෙන යන්නට තැත් කරද්දී ධූර්යා ආපිට අතින් ඇද්දේ පසෙක වතුරට මෙපිටින් බෑවුමේ කුඩා පඳුරක රැඳී තිබූ දරුවා යැයි සිතා සිටිනා රෙදි ගුලිය ගන්නට යන්නටය.

"Hey what are you doing? Stop it. No"
(හේයි මොනවද ඔයා කරන්නෙ ආහ්? නවත්තන්න ඕක. එපා)

නමුදු එම ස්ථානයට ගියහොත් ඇයව යළිත් ලිස්සන නිසාවෙන් තරුණයා උන්නේ ඇයව අල්වාගනය.

"Okay okay wait. I'll bring it."
(හරි හරි ඉන්න. මම ඒක අරන් දෙන්නම්.)

ධූර්යාගේ හැසිරීම අමුතු වුවද ඇය ඉන්නා තත්වය ඔහුට ඒ මොහොතේ වැටහුණේ නැතිය.

"Listen. Don't make a mess and let me bring it to you."
(මේ අහන්න. මට ඒක ගේන්න දීලා කලබල නොකර ඉන්න.)

ඔහු පැවසූවද ධූර්යා දිගින් දිගටම දඟලන්නට වූයේ ඔහුගෙන් තම අත මුදවාගන්නටය.

"Seems like you don't understand what I'm saying."
(පේන් විදියට ඔයාට මම කියන දේ තේරෙන්නෙ නෑ වගේ)

ඔහුට නොතේරෙන භාෂාවත්, ඔහුගේ නිරීක්ෂණශීලී දෙනෙතට ධූර්යාගේ ළා දුඹුරු පැහැ සමත්, තද කළු පැහැ හිසකේත් හසුවද්දී ඔහු මුමුණාගත්තේ ඇය වෙනත් ජාතියක හෝ වෙනත් රටක අයෙකු වන්නට ඇතැයි ග්‍රහණහ වද්දීය.

"Look.. I'll .. bring it to ....you"
(අහන්න... ඔයාට ඒක... මම... ගෙනත් දෙන්නම්)

හැකි අයුරින් එක් අතකින් ධූර්යාව අල්වාන අනෙක් අතින් සන් කරමින් ඔහු පැවසූවද ඊළඟ මොහොතේ සිදුවූයේ නොසිතූ දෙයක්ය.

"Jesus! Ah"
(දෙයියනේ! ආහ්)

ඔහුට ධූර්යාව ඉබේටම අතහැරුණේ ධූර්යා කෝපයෙන් ඔහුගේ අතක් සපාකද්දීය. දරුවා ළඟට යන්නට නොදෙද්දී ඇය උමතුම තරමක් ආක්‍රමණශීලී වීගෙනය.

"මගෙ දරුවා... මගෙ දරුවා අරන් යන්න එපා..."

වැළහින්නියක මෙන් ඈ හඬා වැටෙන්නේ ඔහු කෙසේ හෝ ඇයව බලහත්කාරයෙන්ම රැගෙන විත් ට්‍රක් රථයේ පසුපසට ඔසවා දමද්දීය. එහි පසුපස කොටස වසාදමා ඔහු යළිත් ගියේ ඇයට එයි පිටතට එන්නට තරම් සිහිකල්පනාවක් නොඑද්දීය. ධූර්යා රෙදි ගුලිය ගන්නට දැරූ උත්සහය නිසාවෙන්ම ඇයගෙ රෙදි පොට්ටනියේ කුමක් හෝ ඇතැයි සිතූ ඔහු යළිත් පහළට බැසආවේ එය ආපසු ගන්නටය.