හිරිකඩක්

15

🫧 🩶   #හිරිකඩක්_15
🩶🫧🩶

පොලිස් නිලධාරියා විමසද්දී නුඝාද්ගේ නෙතු ධූර්යා වෙතට යොමුවූයේත්, ඇය බාහුව මත වූ අතැඟිලි මදක් තදව ගියේත් ඇයව මදක් තිගස්සවාලමින්ය.

ඉඳින් ධූර්යාගේ නිහඬබව හමුවේ පොලිස් නිලධාරියාගේ සැකය මදක් වැඩි වද්දී ඔහු දෙබැම රැළිව ගියේ නුඝාද්ටත් මද කලබලයක් දැනෙද්දීය.

“What's really going on here hah?”
(මෙතන ඇත්තටම මොකක්ද වෙන්නේ ආ?)

ඉඳින් එක් තප්පරයකට පොලිස් නිලධාරියාට සියල්ල පවසා නුඝාද්ගෙන් පළායන්නටයැයි කියා ධූර්යාගේ සිත මුරගෑවාය. නමුදු ඇයගේ සිතෙහි අනෙක් පස ඇයගෙන් ඇසුව පැනයන් හමුවේ ඇය ඇයගේ යටිසිත ඉදිරියේම නිරුත්තරව ගියාය.

ඉඳින් ඔහුගෙන් පලායාමෙන් ඇයට තාවකාලික නිදහසක් මිස ඇයව පැටලී ඇති උගුලෙන් ඇයව නිදහස් වන්නේ නැතැයි කියා සැලවුණාය. මෙම කරුණු කාරණා පොලීසිය දක්වා දුරදිග ගියහොත් ඔහුටත් වඩා අමාරුවේ වැටෙන්නේ තමාම පමණක් බව පසක් වද්දී ධූර්යාගේ සිතට පැමිණි අදහස වාෂ්ප වී ගියේ ඉබේටමය.

“Actually... this is my girlfriend.”
(ඇත්තම කියනවනම් මේ ඉන්නෙ මගෙ ගර්ල්ෆ්‍රෙන්ඩ්.)

ගැඹුරුතම කල්පනාවක අතරමංව හුන් ධූර්යා පියවි සිහියට ගෙන ආවේ ඔහුගේ ඒ වදනුත්, ඈ උරහිසක් වටා මෘදුවට එතී ගිය ඔහුගේ අතක ස්පර්ෂයත්ය. හදවතත් මොහොතකට නතරව ගියා මෙන්ය. හුස්මත් නවතාන ඇයගේ විසල්වූ නෙතු නුඝාද් වෙතට ගෙන එද්දී මවාගත් සිනහවකින් ධූර්යා දෙස බලා නුඝාද් ඇයව තවත් තමා අබියසට ළං කරගන්නට වූයේ ධූර්යාගේ ගතත් එක් මොහොතකට අප්‍රාණිකව යනවා මෙන් දැනෙද්දීය.

'එයා කරන්නෙ රඟපෑමක් කියන එක අමතක කරන්න තරම් මෝඩ වෙන්න එපා ධූර්යා!'

ඉඳින් එය ඔහු පොලිස් නිලධාරියාගෙ බේරිමට කරනා රඟපෑමක් කියා හොඳාකාරවම දන්නා මුත් ප්‍රේමයම තැවරුණු ඈ ළය අභ්‍යන්තරයේ හැඟුම්, උණු බටර් මෙන් දියවී යන්නේ ඇයටත් නොදැනීමය. ඉඳින් තමාව කෙතරම් රිදවූවද, තමාව කෙතරම් පීඩාවට පත් කළද මේ හිඳින්නේ ඇය තම ප්‍රාණයටත් එහා කොන්දේසි විරහිතවම ප්‍රේම කරනා පිරිමියාය.