හිරිකඩක්

45

#හිරිකඩක්_45

"Laila!!!"
(ලයිලා!)

තමා ඉදිරිපස හිඳිනා පුද්ගලයාගේ හිසට ලයිලා පහරදුන් වග වැටහෙද්දී ඩැරන් ලයිලාට සැර දැම්මේ ලයිලා අත වූ දිගු ලී මිටත් රැගෙන පසුපසට අඩියක් තබද්දීය.

"what the hell you b...."
(මොන මගු&ක්ද ගෑ..)

අත වූ රුධිරය දෙස බලා නුඝාද් කෑ ගැසුවේ තමා පහරදුන්නද ඔහුගේ රුධිරය දැක බියපත්ව හුන් තරුණිය තිගැස්සී යද්දී.

"I'm so sorry sir. I don't know but I was worried that this man gonna hurt you... That's why I.. I"
(අනේ මට සමාවෙන්න සර්. මේ මනුස්සයා සර්ට කරදරයක් කරයි කියලා මග බය හිතුණේ. මට මොනවා වුණාද දන්නෑ. ඒකයි මං.. අනේ මං)

ලයිලා කලබලයෙන් නිදහසට හේතු පවසාලද්දී ඩැරන් අත ඉදිරියට දමා සන් කළේ ඇයට නිහඬ වන ලෙසටය.

"Atleast now you calm down man."
(දැන්වත් පොඩ්ඩක් තමුන් සන්සුන් වෙනවා.)

ඩැරන් එය පවසාලූයේ තරමක් නිවුණ හඬින්ය. නමුදු නුඝාද්ගේ නෙතු නැවතී තිබුණේ ධූර්යා අබියසය. නුඝාද්ට පහරදෙනා දර්ශනය දැක ඇය උන්නේ කලබල වීගෙනය. ඔහුගේ නළලින් වැගිරෙනා රුධිරය ඇයව හොඳටෝම කලබල කරවාය.

"උන් එනවා... උන් එනවා...

මගෙ දරුවා...

මගෙ දරුවා ගෙනියන්න උන් එනවා...."

ධූර්යා මුමුණන්නට ගත්තේ සියල්ලන්ගේම අවධානය ඇය වෙතට යද්දීය. රුධිරය වෑහුණු තුවාලය මත තිබූ නුඝාද්ගේ අත ඉබේටම පහළට වැටුණේ ඔහු දෙනෙත් විසල්ව යද්දීය. ඩැරන්ට මුවා වීගෙන තමාගෙන් සැඟවෙන්නට තැත් කරනා ඇයව ඔහුට පෙනුණේ හැංගිමුත්තන් කරන්නට තනනා කුඩා දරුවෙකු මෙන්ය. වීඩියෝ පටයේදීත් ඔහුට ඇයගේ හැසිරීමෙහි අමුත්තක් පෙනුණද ඔහුට එය හරියාකාරව ග්‍රහණය කරගත හැකිවූයේ නැතිය.

තමා ඉදිරියේ හිඳිනා නන්නාඳුනන පුද්ගලයාට මුවාවීගෙන හුන් ඇයගේ හිස තිබුණේ බිමට නැඹුරු වීගෙනය. අමුතු හැසිරීමක් පෙන්වමින් ඇය මොනවාදෝ මුමුණමින් හිස දෙපසට චලනය කරන්නේ අමුතු උවන බිමට නැඹුරු කරගෙනය.

"ධූ...ර්...යා..."

නුඝාද්ගේ දෙතොල් චලනය වූවා පමණක්ය. හඬක් පිටවූයේ නැතිය. ඔහු ඒ තරමටම කලබල වීගෙනය. දෑස් ඉදිරියේ ඉඳිනා ඇයගේ එම හැසිරීමට සුලමුල නොදන්නා ඔහුගේ ළය වේගයෙන්ම ගැහෙන්නට ගත්‍තේ ඉබේටමය.