#හිරිකඩක්_63
ඇය බැල්ම හදවත උණුහුම් කරවන්නේය. ඇතුල් බිත්ති වලින් පටන් ගත් හිරියක් නහරවල් වල උඩුදුවන්නාක් මෙන් දැනිණ.
"හ්හ්..."
ඉඳින් ඈ කම්මුල් මැදිවී ගියේ ඔහු පුළුල් දෙඅත්ල මධ්යටය. හැඟුම් දහරා ඉවසා දරාන සිටිය නොහැකි තැන එහෙමම නැඹුරු වූ නුඝාද්ගේ දෙතොල් නතරව ගියේ ඈ සියුමැලි ලවන්පත් මත්තේය.
හාදුව කෙටිය. තත්පරයක්වත් දිගු නැතිය. නමුදු ඒ මිලිතත්පර ගණනාව තුළ හදවතට බරවූ හැඟුම්වලට වාරු දීගෙන සිව්නෙත වැසී ගියේය.
ඈ දෙතොලින් ඔහු මිදුණ මොහොතේ සිව්නෙත විවර වූයේ හෙමිහිටය. සාවියකගේ මෙන් බැල්මක් තැවරුණු ඈ දෙනෙතෙහි ඔහු බැල්ම යලිඳු පැටලී යන්නට වූයේය.
එක් හාදුවකින් හැඟීම් කැටිකොට තබන්නට් බැරිය. නැවතත් නැවී ඔහු දෙතොල මත තැබුවේ තවත් කෙටි හාදුවක්ය. ඉඳින් ඇය සාවියක මෙන් තවත් බලන් හිඳිනවාය.
ඇය සිපගෙන ඇතිවීමක් නැතුවා සේ හැඟුම් ගොඩගැහෙන්නේය. නැවතත් ඈ දෙතොල මත නතරව ගියේ කෙටි හාදුවක්ය.
ඇයත් ඒ සියල්ලට ඉඩදීගෙන ඔහු මත්තේම දෑස් තබන් හිඳිනවාය. ඒ බැල්ම ඔහුට තවත් රුකුල් දෙන්නේය.
"ඔහොම බලන් ඉද්දි මට ඇතියි කියලා හිතෙන්නෑනෙ ධූර්යා..."
ඈ පිරුණු කොපුල් මත්තෙහි වූ ඔහු අතෙහි මහපටැඟිල්ල කොපුල මත්තේ එහෙ මෙහෙ චලනය වන්නට දී ඔහු මුමුණන්නේ මෘදු ස්වරයකින්ය. තමා එලෙස පැවසූවද ඇය පෙර බැල්මෙන්ම තවමත් බලන් හිඳිනවාය. ඉඳින් සිපනොගෙන ඉන්නට බැරිය. එවරනම් ඈ ලවන්පත් මත තැවරුණ ඔහු හාදුව තරමක් දඟකාරය.
"ඔහොම බලන් ඉද්දි මට ඇතිවෙන්නෑ කියලා දන්න නිසාමද බලන් ඉන්නේ ම්ම්?"
ස්වරය මෘදුය. පෙර ඇයව මරන් කන්නට තරන් රුදුරු වූ ඔහු දෙනෙත අද ඈ නමින් වූ සෞම්ය හැඟුමකින් නැහැවී ගොසින්ය. විටෙක හදවතත් පුදුමාකාරය. වෛරය බැඳුණු තැන්වල ප්රේමය පැළකරන්නේ හිතුවක්කාරයෙන්ය.
උණුහුම් හැඟුම් වලින් නැහැවී පීරී ඉතිරී යන හදවතෙහි ගැස්මත් අමුතුය. නෙතු මානයේ තබාන බවුන් වඩන්නට නුඝාද්ගේ හිතට අවැසි නැතුවා වාගේය. පෙර සිපුම් ඔහුට මදිය. දැනෙන්නේත් නැති තරම්ය.
YOU ARE READING
හිරිකඩක්
Romanceවෛරයම පිරුණු හිතකට, ඉහේවිද දිනෙක ප්රේමයෙන් පිරුණු හිරිකඩක්? විඳීවිද ඔවුන් දිනෙක, වේදනාවෙන් අවශේෂ වූ ප්රේමයක්? නුඝාද් ❤️ ධූර්යා