හිරිකඩක්

61

#හිරිකඩක්_61

සියල්ල වැටහෙණා විට තමා බොහෝ ප්‍රමාද යැයි සිත මොරගෑවද නුඝාද් අදිටන් කරගත්තේ ජීවිතයේ ඉතිරි කාලය තුළ තමා හැකි උපරිමයෙන් ඇයට සහනයක් දෙනවායැයි කියාය. කිසිදා නොලද සතුට, සැනසීම ඇයගේ ජීවිතයට ඉහෙන්නට හරිනවා කියාය.

ඇයව තුරුළු කරගෙන උන්නද ඒ හිස්මුදුන සිපගත්තද එය ඔහුට මදි වාගේය. ඇයව තවත් තදින් තුරුළු කරගන්නට අවැසි වග සිත කීවද දැන් ඔහුට ඇයව එලෙස හෝ රිදවන්නට අවැසි නැතිය.

ඉඳින් ඔහු ඇය ගැන දැන උන්නේ නැතිය. ඇය දෙස ඔහු බැලුවේම වෛරයෙන් වද්දී ඔහු සිතුවේම ඇය මුදලට ආත්මය පාවා දුන් සටකපට තරුණියක් වගය. නමුදු තමා සියල්ල වරදවා වටහාගෙන ඇත. ධූර්යාගෙ අසරණකම, තමන්ගේ අයවලුන් වෙනුවෙන් තම ජීවිතයම දියකර දමා ඇති ඇය හුදෙක් කුඩා සුරදූතියක් වැනිය. ආදරණීයන් වෙනුවෙන්ම මුදු මොළොක් හිත ගල්කරාන ධූර්යා ඉහ දරන් උන්නද ඒ සියල්ලටම යටින් තිබී ඇත්තේ බිඳී රිදී ගිය ආත්මයක් වග දැන් ඔහු දන්නේය. තමා ඇයට කළ කී දෑ සියල්ලටම තමාට දිනක දඬුවම් ලැබිය යුතුයැයි කියා ඔහු යටිහිත වරෙක දොස් නගන්නේය. ඉඳින් තම සිඟිති දියණියගේ අවිහිංසකබව පැමිණ ඇත්තේ ඇයගේ මවගෙන් වග දැන් ඔහු දන්නේය. කුහුඹුවෙක් පවා නොරිද්දන අතිශය පිවිතුරු ආත්මයක් ඇයට දායාද වී ඇත්තේ තමාගෙන් නොව ඇයගේ මවගෙන්මය.

නුඝාද්ගේ හිත කීරි ගැහීගෙන ගියේ දින කිහිපයකට පෙර ධූර්යාව පිරික්සූ වෛද්‍යවරයා පැවසූ වදන්ය.

"It was totally wrong Mr.Nughad! There wasn't any severe injuries in her head or brain."
(ඒක සම්පූර්ණයෙන්ම වැරදියි මිස්ටර් නුඝාද්...මෙයාගෙ ඔලුවටවත් මොළේටවත් ලොකු හානියක් සිද්ධ වෙලා නෑ.)

වෛද්‍යවරයා පවසද්දී නුඝාද්ගේ දෙබැම රැළි වී ගියේ දෑස් විසල්ව යද්දීය. මින් පෙර ධූර්යාව පරීක්ෂා කළ වෛද්‍යදරුන් පැවසූයේ ධූර්යාගේ හිසට සිදුවූ අනතුර නිසාවෙන් මොළයට හානි වි ඇයගේ සිහිය මෙලෙස විකල්ව ඇති වගය.

"How's that possible doctor?"
(ඒක වෙන්නෙ කොහොමද ඩොක්ටර්?)

නුඝාද් විමසූයේ මින් පෙර ඇයව පරීක්ෂා කළ අනෙක් වෛද්‍යවරුන්ගේ අදහස් හා නිගමන නව විශේෂඥ වෛද්‍යවරයාට ගෙනහැර දක්වමින්ය.