හිරිකඩක්

25

#හිරිකඩක්_25

“What's happening?”
(මොකක්ද ඔතන වෙන්නේ?)

නුඝාද්ගේ උරහිස කපා පසෙකට ගොස් මුවාවී හුන් කුලී සේවකයාගෙන් එලෙස විමසූයේ සියල්ලෙහිම පාලනය අත වූ පුද්ගලයාය.

“He's following her.”
(ඔහු ඇය පස්සෙන් පන්නනවා)

“Still? With that wound on him?”
(තාම? ඒ තුවාලෙත් තියාගෙන?)

“Yes”
(ඔව්)

“Stab him again... ah nah may be a little cut on his thigh or leg. Do whatever stop him without many troubles.”
(එයාට ආයෙ පිහි-යෙන් අනින්න... අහ් එක්කෝ එයාගෙ කකුල හරි කලවා හරි පොඩ්ඩක් කප-ලා දාන්න. මොකක් නමුත් ලොකු කරදර හදන්නැතුව එයා අරයගෙ පස්සෙන් පන්නන එක නතර කරලා දාන්න.)

නුඝාද්ගේ උරහිසෙන් රුධිරය ගලනා ස්ථානය අතින් තදකරාන ඔහු ධූර්යා පසුපස හඹා යමින් උන්නේ ඔහුට ඇයව මගහැරගත නොහැකි නිසාවෙන්ය. තමා ධූර්යාව සොයාගත් පසුව ධූර්යා ඒ තාක් හෝ ආරක්ෂිතව උන්නේ නිරන්තරයෙන් තමා ඇය පැනයාවියැයි ඇය වටා යෙදූ ආරක්ෂක පවුර නිසාවෙන් බව ඔහු දැන් හොඳින් දන්නේය. ධූර්යාගේ පිහි ඇනුමෙන් පසුව තවත් එය සවිමත් ආරක්ෂාවක් වද්දී ඔවුනට ධූර්යාට කිට්ටු වන්නට එය බාධාවක් වූ බව ඔහුට හොඳින්ම වැටහේ.

එමෙන්ම ඔහුට සිතුණේ ඔවුනට ධූර්යාව මරා දමන්නට අවැසි නොවන වගකුත් ඇයව තමාට විරුද්ධව පාලනය කරගන්නට අවැසි බවකුත්ය. කෙසේ නමුදු මේ නොදන්නා සතුරා ධූර්යාගේ සතුරකු නොවන වගත් තමාගේ සතුරකුම වන බවත් ඔහු දැන් හොඳාකාරවම වටහාගෙන අවසන්ය.

'උන් ගාවට කිට්ටු වෙන්න මට තියන එකම බ්‍රිජ් එක තමුසෙ ධූර්යා! ශිට් මට මේක කලින් තේරුම් ගියෙ නැත්තෙ ඇයි!'

එලෙස සිතමින්ම ඔහු දිගින් දිගටම ධූර්යාව ලුහුබැන්දේය. නොනවත්වාම දිව යද්දී උරහිස ආශ්‍රිත මස්පිඩු චලනය වන නිසාවෙනුත්, රුධිර සංසරණය වේගවත් වන නිසාවෙනුත් අඟල් හතරක පමණ එතරම් නොගැඹුරු කැපුමෙන් නොනවත්වාම රුධිරය ගලන්නට විය. නමුදු ඔහු නැවතුණේ නැතිය. එක් අතකින් තුවාලය තදකර අල්වාන ඇය පසුපසින් දිගටම ලුහුබැන්දේ තුවාලය මත්තේ තදව ඇති ඇඟිලි වල ඇඟිලි කරු අස්සෙන් රුධිරය කාන්දු වී මැණික් කටුවේ සිට පහළටත් ගලන් යද්දීය.