හිරිකඩක්

31

#හිරිකඩක්_31

නුඝාද් උන්නේ ඔහුගේ කුටියෙහි සයනය මත වාඩිවීගෙනය. සයනය මත සුවසේ නිදන් හුන්නේ ඔහුගේ ලෙයම දුවනා කිරිකැටියාය. දෙදණ මත වැලමිටි තබාන උඩුකය ඉදිරියට නවාගෙන නුඝාද් උන්නේ දෝතින්ම හිස බදාගෙනය.

සයනයට මෙපිටින් වූ සෝපාව මත වාඩිවීගෙන හුන්නේ නුඝාද්ගේ මිතුරා නවීන්ය. ඔහුට මදක් එහාපසින් බිත්තියට පිටදීගෙන උන්නේ ශනුද්ය. දෙමිතුරන් දෙදෙනාගේම මුහුණ මත තැවරී තිබුණේ අන්ද මන්දව ගිය හැඟුම්ය. සිදුවූ සියල්ල ඔවුනට පවසා අහවර කළ නුඝාද් උන්නේත් තවමත් මේ සිදුවූ දෙය සිතාගත නොහැකි අයුරින්ය.

"මේක ෆිල්ම් එකක් එහෙම නෙමෙයිනේ? මට නිකන් පිස්සු වගේ බන්!"

දෑතින්ම හිසකේ පසුපසට ඇදගනිමින් ශනූද් විමසන්නට වූයේ වියවුල්ව ගිය හැඟුම් දෙනෙතෙහි තබාගෙනය.

"යකෝ මේ පැය ගාණට මේ හැමදේම අප්සයිඩ් ඩවුන් ගැහුවණේ. පිස්සුවක් බන්! "

හිසත් කසමින් ශනුද් පවසන්නට වූයේ නවීන් තවමත් අන්ද මන්ද වීගෙන බලන් හිඳිද්දීය.

"උඹට ශුවර්ද? මේ ධූර්යාගෙම ළමයා කියලා?"

නවින් විමසන්නට වූයේ බැරෑරුම් බැල්මක් දෙනෙතෙහි රඳවාගෙනය.

"ඇයි උඹ එහෙම අහන්නේ?"

නුඝාද් විමසන්නට වූයේ නවීන්ගේ පැනය ඔහුගේ සිතට අළුත් තිගැස්මක් එක් කරලද්දීය.

"ධූර්යා බොරු කරනවාද කියලා නෙමේ මචං මට අහන්න ඕනෙ වුණේ. මූ කීවා වගේ මේක අමු පිස්සුවක් බන්!

දරුවෙක්? මෙච්චර දෙයක් ඒ කෙල්ල හංගන් හිටියෙ කොහොමද?

අනික දරුවෙක් හම්බෙලා ටික කාලයක් යනකල් අම්මෙක්ගෙ බොඩි එකේ වෙනස්කම් තියනවා.

මං කියන්නේ උඹ ධූර්යාව හිරකරගෙන හිටියා, අසනීප වෙලා ඉද්දි මමත් යන්තම් චෙක් කරා උඹට මතකනේ. එහෙම තියෙද්දිත් මට මේක ට්‍රැක් වුණේ නෑ."

නවීන් බැරෑරුම්ව පවසාලද්දි නුඝාද්ට සයනයෙන් නැගිටුණේ ඉබේටමය.

"උඹ කියන්න යන්නේ මේ දරුවා ධූර්යාගෙ නෙමෙයි කියලද?"

නුඝාද් විමසද්දී නවීන් හිස දෙපසට සැලුයේ නැහැයි කියන්නටය.