Tilted Rays of Sunshine (AS#6) [completed]

39

Lumapit sa amin si Lomi at kung hindi siya tawagin ni Maye ay hindi maaalis ang tingin niya sa akin. He sat beside me. Kitang-kita ko ang mapanuyang tingin ni Maye sa akin na pati si Adi ay inasar pa si Lomi. 

"Lomi, baka maagawan ka ng partner ha? Bantayan mo nang maigi..." anito na ikinapula ko lalo at pasimpleng sinulyapan si Lomi na nakangisi kay Adi. 

"Hindi 'yan..." 

Kinakalma ko ang inner demons kong gustong-gustong kumawa at gusto na lamang paaminin si Lomi ngayon. Sabik na sabik ako sa antisipasyon sa mangyayari mamaya! Gusto ko, perfect lahat ng mangyayari para memorable! 

Aamin si Lomi ngayong gabi. 

Halos gusto ko na ngang magsimula agad ang cotillion kaso ang dami pang dada ng mc! Bakit hindi na lang simulan na agad? Hindi na ako mapakali!

Noong banggitin na magreready na for cotillion, kumabog na ang dibdib ko. Unti-unti nang nagwawala sa ribcage ko ang aking puso sa sobrang pananabik sa mangyayari! And Lomi looking so handsome right now doesn't alleviate my pounding heart.

Nakakawit ang aking kamay kay Lomi at nang iangat ko ang tingin sa akniya ay napanguso ako dahil nakatingin na rin siya. 

"Ba't gan'yan ka makatingin?" mahina kong tanong kahit na nalulusaw sa paraan ng kaniyang pagtitig sa akin. 

Nilipat ni Lomi ang tingin sa harap at nagpipigil pa rin ng ngisi. "Secret"

Secret ka d'yan!? Hindi na ako makahinga oh! Gusto ko nang halikan ka!

Moments later, the soft intro of Enchanted by Taylor Swift resonates with the place. Unti-unti na kaming naglakad papasok. 

Kinalma ko ang sarili at nagpatangay sa paglalakad ni Lomi. Pakiramdam ko, lumulutang ako sa sobrang saya at kaba, lalo na noong magharap kami ni Lomi at dalawang metro ang layo sa isa't isa. 

Your eyes whispered, "Have we met?"
'Cross the room your silhouette
Starts to make its way to me

My lips parted when Lomi and I locked eyes. Lumapit siya para pagtagpuin ang aming mga kamay bilang pagtanggap. We started with a small soft steps, swaying delicately to the music, and twirl me around--not tearing our eyes apart. 

And it was enchanting to meet you
All I can say is, 
I was enchanted to meet you

Ang aming kanang kamay ay nagtagpo sa pagitan namin at marahan kaming umikot doon, kasama ang aming mga matang malambot na nakatitig sa isa't isa. 

Inabot ni Lomi ang aking baywang at hinawakan ang aking kamay, habang marahan akong dinadala sa aming sayaw.

This night is sparkling, don't you let it go
I'm wonderstruck, blushing all the way home
I'll spend forever wondering if you knew
I was enchanted to meet you

Sa bawat pagtatagpo ng aming kamay ni Lomi, para niya akong hinatahak na yakapin siya. Sa bawat paglayo ko sa kaniya, para akong nangungulila. At sa bawat pagtatagpo ng aming mga mata, sumasabay ang puso ko sa pagsasaya. 

Lomi, hinintay kita at sa atin ang gabing 'to. Hindi pwedeng hindi magiging tayo.

We continued to dance together until the bridge dropped. 

Please don't be in love with someone else
Please don't have somebody waiting on you

My frustration started to take over me as I move from one man to another. Sa bawat pag-ikot ko at paglipat sa kamay ng mga lalaki, hinahanap ko si Lomi. Dahil baka hindi ako umabot sa kaniya kapag nawala siya sa paningin ko.