" لعنة الزواج "
صمتت مريم لبرهة و هي تبتسم ثم اختفت ابتسامتها و هي تقول لكارما :
يعني مش علشان تعرفي تنتقمي!؟
انصدمت كارما مما قالته مريم و نظرت لعيونها مطولة ..مُبتَلِعَة لُعابها بإرتباك !
ليقطع شرودهما صوت أحدهم يقول بإستغراب:
انتقام ايه ؟
نظرت الفتاتان لإتجاه الصوت بصدمه و ارتباك ..و ابتلعت كارما لُعابها بخوف ،فيبدو أنها ستُطرَد مجددًا ..قريبًا!
كان يناظرهما بشك و ريبة لتجيبه كارما بتلعثم و توتر :
انتقام ؟هو احنا قولنا انتقام ؟
تعجب من إنكارها و قال بإستغراب:
ايوه قولتوا انتقام ..هتنتقموا من مين!؟
تحدثت مريم مداعبة لتغير الموضوع:
ايه يا عريس ما تركز بقى ده حتى فرحك بعد يومين ،احنا مقولناش انتقام خالص!
رفع كتفيه بلا مبالاة قائلاً بعدم اقتناع:
يبقى انا سمعت غلط ..
لتقول كارما بإبتسامة:
زمانك بس مش مركز علشان في دماغك حاجات كتير ..روح ارتاح يا علي !
علي بابتسامة عريضة و غرام:
هو انا فعلاً مش مركز ..مش قادر استوعب اني هتجوزها !
ضحكت مريم و كارما ،و قالت مريم بتساؤل:
انت بتدور على حاجة او كده ؟
أومأ علي برأسه قائلاً:
لا ..ده انا رايح اتطمن على زينة
كارما بجدية:
ايوه ..زمانها متوترة..
و أيدتها مريم قائلة :
فعلاً أي عروسة بتكون متوترة قبل فرحها!
قلق علي عليها و قال و هو يتابع سيره بإتجاههما :
طب انا هروح اشوفها ..
اومأت الفتاتين برأسيهما و قالت مريم:
و احنا هنحصلك نتطمن عليها..
غادر علي ذاهبًا لغرفة زينة ،و ظلت مريم و كارما في الممر ،لتقول مريم و هي تنظر لكارما بتفحص و شك:
مجاوبتنيش يعني ؟
كارما بإنكار و سخرية:
بتهزري بجد ؟..هستفيد ايه لما انتقم و بعدين هما عملوا ايه علشان انتقم منهم ؟
مريم بإبتسامة ذات مغزى:
مفيش داعي للإنكار يا كارما ..
تعجبت كارما من طريقتها ،لتتابع مريم ببرود و غموض:
أنت تقرأ
«أحفـاد الخديوي»
Romanceيسعى عمر للانتقام من قتلة والدته ، و أثناء رحلته يلتقي بأبناء عمته الميتة منذ سنوات.. و التي لم يكن يعلم عن وجودها أصلاً، ليبدأوا في التخطيط و محاولة الإيقاع بالمجرمين.. أو دعني أقول ..عائلتهم! و على متن هذا القارب.. يوجد أيضًا من هو أخطر من توقعا...
