يوم الثلاثاء الساعه ٦:٣٠مغرب
—
لفت لاختها وهي توزع الكريم على وجهها: انا ابي اعرف وش جو اهلي حاطين عزيمه بنص الاسبوع
رفعت راسها من بين الاكياس وهي محيوسه: مايضرهم شي بس عجله ذابحتهم
لفت ميار تبدا ميكب وقربت بتاخذ الفرشه وانخرشت من شهقت اختها لفت لها : وشفيك
رفعت راسها الجادل من بين الاكياس رفعت الفستان لها : شوفي مو معه الحزام
ميار: احسن قايله لك جهزيه بدولاب
الجادل شوي وتصيح : كنت حاطته بالكيس هذا عشان مايضيعون وحاطه كل شي احتاجه اليوم
ميار : ليش ماتأكدتي من قبل
الجادل بعصبيه: متاكده ومجهزتهمم بذا الكيس ورمته برجلها
لفت ميار تكمل ميكب بهمس: هذا حال ثنتين بغرفه
—
٧:١٠م
بصاله تحت ..
ام صقر : منار ترا ماباقي شي وتجي لطيفه والبنات
تبخر الصاله وتمشي بالبخور: اي الله يحيهم
ام صقر وقفت: الحين وينهم هذولا ماينزلون قربت لدرج من تحت وبدت تناديهم
الجادل حطت اخر لمساتها وختمتها بعطر : يلا نازلين
ولفت لاختها ميار : وش باقي لك؟ ناظرت فيها تسكر الكعب
ميار رفعت راسها لاختها: خلاص ننزل؟
اكتفت الجادل تهز راسها ونزلو لامهم تحت
على نزلتهم طلعت منار من قسم الحريم ماسكه البخور
منار ناظرت فيهم وابتسمت : الله الله عليكم وش بقيتو لي
ناظرت ميار فيها : انتي خلصتي علينا الجمال يام سعود
كملت الجادل : وخلصتي علينا ترطيب الطبيعي خلقه
ضحكت منار : يحق لي طبعاً ورفعت شعرها للخلف بتكبر
ميار : وعع
منار : وانا اختكم اعجبت فيكم لو اني خطابه زوجتكم
رفعت يدها لفمها الجادل بحياء
انتبهت ميار للجادل : وعع يقالك استحيتي
منار : لايشوفها صقر ما يصدق
كشرت الجادل ولفت لامهم جايه ببخور جديد
منار : يمه تو هذا ماخلص الي معي
ام صقر : عطيهم يتبخرون البنات والي معي بحطه عند الاستقبال
هزت راسها منار وتقدمت تعطيه الجادل
منار : خوذيه واذا خلصتو حطيه بالمطبخ
الجادل : طيب
—
اثمار : قالت لي انه ماباقي شي على التدريب ولازم ادور مكان اتدرب فيه
ام اثمار : وش اخترتي
رفعت رجلها تتربع فوق الكنب : اخترت بريده اكيد
ام اثمار: اي زين الله يوفقك يابنتي ويكتب لك الخيره
اثمار : امين
دخلت روان: السلام عليكم
ام اثمار : صح النوم
روان جلست مقابل امها : يمه الله يخليك خليني امسي واصحصح
اثمار لفت لها : مريتي رانو تجهز لك اكل
هزت راسها روان بمعنى اي
ام اثمار: يابنتي مايجوز تنامين كل هالوقت ولا تاكلين شي
على الاقل قومي كولي وارجعيي نامي
ناظرت روان بامها وهزت راسها بمعنى اي :
تنهدت ام اثمار : اعلمك واعلمك بس ماش
ووقفت: اقوم اجهز للعشاء وطلعت
لفت اثمار لروان: فيك شي
روان ناظرت : بسم الله ان سكتت قلتو فيها شي وان تكلمت هاوشتوني
اثمار : طيب ترا سالت مايجوز اسألك يعني
روان قربت لاختها: لا مافيني شي بس طبيعي قايمه مغرب يعني بنفسس
ناظرت اثمار باختها : اي زين انا بروح فوق اذا جاء ابوي ناديني وطلعت
ودخلت رانو باكل لروان وبدت تاكل
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
