أنت تقرأ

"خذني على قد الوله واشتياقي ترا الكرم بالحب حاجة عظيمة"

Short Story

معرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"

بارت 10

1.7K 45 0 
                                    

                                              
-لاتلهيكم الروايه عن العباده🤎🤎-
رفع جواله ورد : هلا يالشايب
فيصل : مقبوله منك 
صقر : الله قل وش تبي
فيصل ضحك : تعرف يعني ههههههههههههههههههههه 
صقر : اي اعرف دايم ماتسكت الا تبي شي  
فيصل : ابي سيارتك بطلع مع الاهل للبر
 صقر :  ابشر تعال الان اخذها
فيصل : تسلم ياخوك وبعطيك سيارتي 
صقر : قل بالله اكيد بتعطيني 
فيصل : طيب بعد ١٠ دقايق جايك
صقر : زين وسكرو
منار رفعت عينها لصقر : ابي ارجع للبيت 
بيتكلم صقر وتكلمت امه : وين يامي اقعدي عندنا دام رجلتس مو فيه
منار مسكت ظهر امها: والله ودي يمه بس في اشغال ماخلصتها بالبيت
قام صقر : عادي بكرا اوديك 
منار :  مايمدي والله
صقر: خلاص الي ودك بس خليه شويات كذا بنروح بسياره خويي
هزت راسها منار ونادت سعود تجهزه هي هاليومين تحس نفسها تعبانه ومرهقه ماودها تقعد ودها تروح لبيتها ترتاح 
—-
وقف صقر عند البيت 
منار : ماتشوف شر ورد الزياره
ابتسم صقر : ابشري ولو انك ماطولتي 
هزت راسها منار : صح بس شسوي وراي اشغال
تقدم باس راسها : مع السلامه ونزلت
ومشى صقر 
تقدمت للباب وانصدمت
—
رفيف: شصار سهم تبي نياف معك بالمستشفى للان
هز راسه سهم باستغراب من سؤالها : اكيد ليش ؟
احلام : مدري قلنا يمكن بعد ماتشوف معدلاته تغير رايك وضحكت 
وضحكت رفيف : والله سهم ذا اخوك ماينفع تحطه بمستشفى
احلام ضحكت بصوت عالي: هذا على هالمعدلات ماينفع حتى تحطه صفاره فوق سياره الاسعاف 
ضحك سهم :لا ان شاءلله ينفع
ضحكت احلام بقوه ووقفت ضحك يوم شافت نياف جاي لمها والاكيد سمع كلامهم وفزت تركض ورا امها : يمه تكفيننن ابعدديه تقدم نياف لها : اجل صفاره اذا ماخليت اذانيك تصفر ماكون نياف
سهم ورفيف انهارو ضحك من خوف احلام
وام سهم تحاول في احلام تبعد عنها لكن مافي فايده: احلام ابعدي يامي مابيضرك
احلام : وين ابعد يمه هذا يحسبني واحد من اخوياه
انهار ضحك سهم : اخخ بطني ههههههههههههههههههههه 
ياربي نياف ابعد ههههههههههههههههههههه 
ميلت فمها احلام وتهزءت  بسهم : ياربي نياف ابعد ولفت بعصبيه له قوم قوم امسكه عني 
وقف سهم باعتدال لنياف : تبعد ولا
نياف لف له: لا شبتسوي وبدا يشمر اكمامه
سهم رفع ثوبه وربطه اعلمك وبدو يتطارحون
احلام وقفت على الكنب جنب امها : اوو سهم سهم 
رفيف نزلت تحت عند سهم ونياف 
وكان سهم ماسك راس نياف بالارض وهو فوقه 
سهم : تبعد ؟
نياف هز راسه اي
ووقف سهم وبحركه سريعه من نياف حرك رجل سهم برجله وطاح سهم وجاء فوقه : وشرايك ؟
ضحك سهم بقوه ووقف نياف يضحك
رفيف: حسافه كنت بسوي حركه المصارعين 
لفو لها سهم ونياف لها وتوجهو لها 
انخطف لون وجهها منهم : مو منجدكم ابعدوو يممممهه
مسكت راسها ام سهم 
وضحكو
"خذني على قد الوله واشتياقي ترا الكرم بالحب حاجة عظيمة" حيث تعيش القصص. اكتشف الآن