ناظرت منار بالبنات تجهل سمو لفت لرفيف الي تنادي سمو لفت بعيونها تناظر وينها عرفت انها الي جالسه جنب اثمار ناظرت فيها وفي شعرها وبفتسانها همست : جمال وذوق واخلاق حرام فيك ياصقر
ناظرت الجادل بمنار : وششو
منار وقفت : بعدين اقولكم
وقفت تدخل داخل عند الحريم جلست على الكنب وارسلت لصقر : ماجت يقولون ماتحب الطلعات
-
بدو الرجال يروحون مابقى الا ابو صقر وابو فيصل
ناظر سهم بالوقت وكانت الساعه ١١:٤٠ تأفف ناظر بنياف واشر له نروح؟ طلع جواله نياف يرسل لاهله لكن مااحد يرد الكل مبسوط ولاهي
وقف ابو فيصل : يلا ياعيال يلا يايبه ناظر بعقاب : الحمدلله على التمام ومبروك لهم ابتسم عقاب ووقف مشى فيصل لجده يمشيه يطلعه برا طلعو برا ابو فيصل وعائلته اتصل فيصل على سمو : سم ؟
فيصل : يلا احنا برا
سمو : اوكيه
-
بعد ربع ساعه الكل مشى تبقى سهم وعقاب بالمجلس انتظر سهم الين طلع ابو صقر ووقف ناظر بعقاب : مع السلامه وقف عقاب يناظر فيه : تسلم ياسهم مارديتني
سهم : ماقدر اردك انت تببي الولد وانا ابي الابو
ابتسم عقاب وهمس : الله يرحمه رفع عيونه لسهم: ماتشوف شر وانتبه لسياره طلع سهم لسيارته
ناظر عقاب بالاوراق مسكها وطاح جوال سهم : اووه
نزل الجوال بجنبه واخذ الاوراق لاثمار دخل عند السيب الي يطلع لقسم الحريم : اثمار؟
اثمار : هلا يبه جت لمه : سم ؟
عقاب : فيه احد ؟
اثمار : اي باقي كم وحده بس
عقاب : يالليل اجل تعالي للمجلس
اثمار : طيب بس بشوف امي واجيك
عقاب لف للمجلس وسمع صوت شخص ناظر داخل عند المجلس وشاف سهم يدور جواله
عقاب قرب ومسك الجوال : هذا هو
اخذه سهم : ماعليش نسيته ماانتبهت
عقاب : عادي يابوي عادي
لف عقاب لصوت الكعب الي قريب منهم ناظر بسهم الي يناظر بالباب ينتظرون الي بيدخل لهم
دخلت اثمار بالمجلس مبتسمه: لو تشوف رو،، سكتت تشوف سهم انصدمت تناظر فيه
ناظر سهم فيها بصدمه وناظر بعقاب
انصدمت اثمار الوضع الي هي فيه حالياً وضع موتر ومخيف ابوك وشخص !
طلع سهم ووقف عند سيارته مصدوم : مستحيل ذي !
ناظر بانعكاس وجهه بالشباك همس : جميله !
-
الصباح 8:30
سكرت المنبه وهي لو بيدها تبكي بكت ناظر بسقف بعيون كلها نوم سمت بالله اعتدلت بجلوسها دخلت روان لابسه بجامتها : ابي انامم قربت لسرير اثمار وطاحت عليه : ابي انام بغرفتك وقولي لامي داومت
ضحكت اثمار تبعدها عن رجلها : مستحيل
اعتدلت بجلوسها روان : احس ببكي ابي انام
اثمار : حتى انا امس اخذت لين ٣ مانمت من الكرف
لفو لدخول امهم : يلا قومو جهزو ناظرت باثمار ابوك طلع بدري يقول اثمار تروح مع السواق
هزت راسها اثمار راحت روان لغرفتها تجهز
-
وقف صقر عند بيت منار يدق الجرس فتح الباب عبدالرحمن : صقر ! حياك
دخل صقر المجلس : جيت لمنار بموضوع يخصني وابيها ضروري
عبدالرحمن : طيب دقايق دخل داخل ناظر بمنار جايه لجهه : مين؟
عبدالرحممن : صقر
منار ابتمست: زين بروح اشوفه راحت للمجلش وناظرت فيه : هلا باخوي وقف صقر : هلا
سلمت عليه وجلست بجنبه : شفيك جاي
صقر : منجدك ماجت البنت؟
منار : لا يقولو،، قاطعها : مستحيل ملكة فيصل بحسبة اخوها
منار : مدري االصدق بس تخيل
صقر : وشو
منار : جت وحده جميله اخلاق وجمال لف الجهه الثانيه صقر كملت منار : يقالها سمو لف لها : بس قسم اضلمها او خطبناها لك
صقر : وشو وشو !
منار : كنت اكذب عليك
صقر : وجع قسم قايم من النوم بدري عشان اتأكد
منار: والله البنت غير
صقر : شرايك تخطبينها
منار : اقولك اظلمها!
صقر : انا والله الي ضلمت نفسي يوم اخترتك عون
وقف وقفت معه منار تضحك : خلاص ههه امزح امزح هههههه
جلس صقر : متى تخطبينها؟
-
بالمستشفى وقف سهم عند مكتب مشعل يناظر بمكتب اثمار تذكر زينتها امس وفستانها بلع ريقه دخل داخل المكتب : سلام
مشعل وقف : وعليكم السلام حياك
جلس سهم : اليوم وش بنسوي ؟
مشعل : اليوم بتروح تشرف على الغرف والاسياب مين الي ماعنده غرفه يعني زي كالعاده بس هالمره معك اثمار !
سهم وقف : زين يلا اجل طلع برا وناظر باثمار بمكتبها
بعد ساعه تقريباً وقف سهم عند مكتبها يناظر بمشعل الي يتكلم مع اثمار ناظر من بعيد باثمار لاحظ انها بالمستشفى ماتحط مكيب ولا اي شي حتى عطر ابتسم بهدوء اعجبه هالشي وهو هالشي فاقده بالمشتفى دايم يجون البنات وعطورهم ريحتها قويه
عند مشعل
اثمار : طيب وين الاوراق
مدها مشعل : هذي شوفي هنا موجود الطابق الثاني وتكتبين كم شخص ماعنده غرفه ووو الين الاخير وترا فيه قسم حوادث بتروحين له
انصدمت اثمار : لا ماعليش مااحب هالشي
مدت الاوراق له بقوه ناظر سهم واستغرب قرب لهم ووقف قدام مشعل واثمار بجنبهم
سهم : ايش ؟
سهم: ايش ؟
مشعل : ماتبي قسم الحوادث
اثمار ناظرت بسهم : انا اخاف من الحوادث ماعليش ماقدر اروح
سهم ناظر باثمار : حنا هنا نعطيك الخبر بدون نشاورك هذا وانتي متدربه تعطينا وش ودك وش ماودك
عقدت حواجبها اثمار تناظر فيه : ماقد رفضت شي عطيتوني الا هالمره لاني اخاف
ناظر سهم بمشعل : امس قلت بيجون الاشراف من كليتها
هز راسه مشعل كمل سهم : خلهم يجوني انا ابلغهم عنها ناظرت اثمار بصدمه منه نطق مشعل : بس بينقصونها درجات
سهم : اي خلهم ينقصون ناقص شغلها اساسا
اثمار بقهر وصوت يرجف : بروح
ناظر سهم : امشي معي بنبدا
مشا سهم ووراه اثمار بالاوراق تقيم بلعت ريقها من الخوف تكره الحواداث وطاريها وماتحب ابداً تشوف المصابين تخاف
وقف سهم عند قسم الجراحه ناظر بالاطباء وقف مع واحد منهم وبدا يستفسر واثمار معاه تقيم لف لقسم الاطفال وناظر بصغيرين الي يجون لتطعيم وغيره واثمار معاه تقيم لف لسيب طويل وله بوابه غير دخلت مع غرفه لها باب اخر وقف عند الباب يفتحه سهم
ناظرت اثمار بالغرفه وبلعت ريقها من اللوحه المكتوب فيها قسم الحوادث بلعت ريقها ناظر بسهم فتح الباب وطلع للقسم ناظرت بالغرفه المشتركه فيها اشخاص يصيحون مسكت رقبتها تفركها من المنظر الي تشوفه ناظر سهم بالغرفه وناظر بمشرفها وتكلم معه اما اثمار فكانت مو معه حتى ماقيمت قسم الحواداث لف سهم بدون يناظر فيها ومشى للسيب الي فيه اغلب المصابين الان يدورون لهم غرف ويشوفون حالتهم مشت اثمار وراه تناظر بالاشخاص الي يونون همست : اهه من الونين ناظرت بالبوابه الي طلعت صوت انذار ان شخص مصاب جاي ناظرت بالدكاتره يركضون وسهم معهم اذا رنت البوابه ف معناها مصاب قوي بلعت ريقها تناظر بالشخص الي يدفونه وكيف الدم مغطيه ويصيح من الالم بلعت ريقها من شكله لف سهم يدور اثمار ناظر فيها تناظر بالي يدفونه قدامها للغرفه المشتركه بلعت ريقها ركضت للغرفه الي دخلو منها لقسم الحوادث دخلت تحس نفسها بتستفرغ لفت تدور زباله شافتها جنب المكتب استفرغت يكرم القارى رغم ان بطنها فاضي لفت لدخول سهم : وراك مامشيتي وراي
وقفت بتعب من الاستفراغ الي استغرغته وبطنها فاضي من الصيام
ناظرت فيه : خاف ربك سهم مدير مسشتفى ماتقدر تجيب لهم غرف
سهم: عندهم غرف بس هذولا الي اصابتهم هينه
اثمار : مافيه هينه يونون يونون تعرف انت وش الونين !
ناظر سهم فيها تدوخ مسكت راسها حاولت ترفع تناظر بسهم اخذ سهم الاوراق منها يحطها على المكتب
اثمار بهمس ودوخه : ابي مويا
ناظر سهم فيها : طيب بس اجلسي قرب لها الكرسي تجلس ناظر فيها واقفه ماتجلس لف لباب الغرفه طلع برا وقف بسيب يناظر باحد لكنه ماشاف قرب لثلاجه الي عند البوابه اخذ علبه مويا وركض للغرفه فتح الباب : جبت جبت ناظر بصدمه فيها طايحه بالارض مغمي عليها بلع ريقه وقف على باب الغرفه : جيبو سرير بسرعه ركض احد الدكاتره يجيب سرير دخل بسرير وقرب سهم لاثمار ناظر يتاكد انصدم قرب لراسها ابعد طرحتها شوي ناظر بدم الي تحت راسها انصدم لف بيقوم وانتبه للكرسي طالع منه حديده كبيره يعني ان الكرسي منكسر دفن بقوه برجله : مانتبهت الله يقلعه انه مكسور ناظر بالدكتوره تشيل اثمار هي والسستر ناظر فيهم يدفونها بالسرير بالباب الي جو معه طلع سهم معهم يناظر فيهم يدخلونها بغرفه مشتركه وقفهم سهم : لا انتظرو ناظرت الدكتوره بسهم : ايش !
سهم : ودوها غرفه خاصه
دفوها لدور الثالث ودخلوها بغرفه خاصه بدو ينظفون لها جرح راسها ويخيطونه حطو لها المغذي وطلعو برا
أنت تقرأ
"خذني على قد الوله واشتياقي ترا الكرم بالحب حاجة عظيمة"
Cerita Pendekمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
