بعد مارفعت السفره رجعت لصاله واخذت ترمس الشاهي تشرب اردفت : ماشاءلله امس البنات حبيتهم وخصوصاً بنات ام صقر ياحلوهم
اثمار : اي مره حتى اخذونا برا وقعدنا نتقهوى حبيتهم الصدق
نجلاء : من اليوم وبعده تروحون معي لهم
روان : ان شاءلله ان شاءلله لفت لاثمار تضحك وضحكت اثمار
لفت نجلاء لهم : شفيكم
روان : حنا متى فكرنا نروح وبضحكه يمه دايم طلعاتك نكون مضغوطين انا واثمار
وضحكو اثمار وروان تذكرت اثمار لما امهم تقولهم يطلعون ويصرفون عندهم دراسه او شي بس عشان مايروحون لصحبات امهم
نجلاء : هذا انتم المفروض تكونون معي وين ما اروح
قامت اثمار بنقابها : بلبس النقل قرب لي
راحت نجلاء وراها: انتبهي لنفسك واقري اذكارك واليوم اسألي الدكتوره وين تصيرين حاولي بمدراس افضل لك
اثمار وهي تربط النقاب عند المرايا: ابشري ولا يهمك
وخلصت وطلعت تاخذ اغراضها وتطلع
روان : يلا يمه ترا خلصت
نجلاء : يلا خوذي المفتاح شغلي السياره بلبس عباتي واجيك
رقت فوق وطلعت روان
بعد ٥ دقايق
بسياره
نجلاء : تدرين من امس افكر اروح اشوف مدارسكم قبل
روان : صح خليها تشوف مدارسنا حتى فيه روضه يمه امس اشوفهم يبون موظفات
لفت نجلاء لها: موظفات! اختك تدريب ترا
روان : طيب عادي تتدرب ثم تتوظف
نجلاء : احس ودي تكون بمكان حلو ومناسب
روان : افضل يمه اثمار تختار وتشوف الي ترتاح فيه
هزت راسها نجلاء : صح الله يوفقها يارب
—
نزل من الدرج بهيبه يضبط الشماغ لفت الجادل بخوف لميار : ابوي نزل وهذا ماقام لسى
ميار جت ببتكلم وقاطعها ابوها : صباح الخير جهز الفطور؟
لفت الجادل وهي تفرش السفره : اي ابوي وقامت بصينيه بروح اجيب الشاهي
وجت ام صقر معها الخبز وجلست ولفت ميار لصاله وشافت صقر مانزل لسى والاكيد انه نايم لفت بتطلع وانتبهت لابوها يناديني الجادل ورجعت له: يوبه الجادل تجيب الشاهي
ابو صقر : تعالي انتي اجل توسطت الصاله وينه اخوك ليكون ماصحى لسى
ميار تلعثمت : الا يبه صحيته الفجر الحين يجي
ابو صقر : وينه ماشفته بصلاه الفجر !!
عرفت ان ابوها عرف انها تكذب: بروح اشو..قاطعها دخول صقر
صقر : السلام عليكم
مسكت قلبها حمدت ربها انه صحى ولا بيقوم الدنيا ابوها
تعدت صقر وطلعت وكانت على وشك تدخل الجادل ووقفت الجادل لها
الجادل : وش فيك
وقفت ميار : مافيني شي بس شوي ابوي عصب علي
الجادل : عادي يابنت روحي جيبي علب مويا
ابو صقر لف لصقر : اليوم بيجون موظفين مهمين ابيك تهتم فيهم
هز راسه صقر : ابشر
ابو صقر لف لام صقر : وشلون عزيمتكم امس
ام صقر : تجنن ماشاءلله التقديمات والعشاء كان نفس مانبي
ابو صقر : ماشاءلله حلو الحمدلله
ام صقر : اي والله تعبنا منار معنا ياقلبي عليها
صقر : يالله وينها منار ذي من زمان ماشفتها
ابو صقر: منجدك ورا ماتسير عليها
صقر : يبه زوجها غاثني ولا منار ودي اجيها بكل الاوقات
الجادل لفت له: تغدا عندها اليوم رجلها مسافر
لف صقر: صادقه؟
ميار: اي والله روح تغدا عندها وشوف سعود
ام صقر : وشرايك تجيبها لي هنا ونسولف معها احسن وتغدا
صقر : تم والله بجيبها ونجلس معها مشتاق لها
ووقف ابو صقر : انا بروح لدوام لخلصت تعال ومثل ماقلت لك
هز راسه صقر وطلع ابوه
لف صقر لميار : بتداومين اليوم ؟
هزت راسها : اي بداوم واساسا تاخرت
الجادل : اسحبي على الطابور حطت يدها على جبهتها: اووو ياقدميي
ضحكت ميار : قالت ايش ياقدمي ياشيخه مالك الا سنه بدون طابور
صقر : يقالك الحين جامعيه بدون طابور
ضحكت الجادل لف صقر لميار : بما انك سحبتي على الطابور دوري من يوصلك ووقف
وقفت معه ميار : صقرر لا ارجوك مو منجدك انا اختك ياخي حرامم عليك ابيك توصلني
ضحكك صقر بقوووه : يابنت هدي هدي
الجادل حاطها يدها على فمها تضحك :مافيه وقت مجهزه ههههههههههههههههههههه
كشرت ميار منهم ولفت : اقول لسواق احسن
أنت تقرأ
"خذني على قد الوله واشتياقي ترا الكرم بالحب حاجة عظيمة"
Contoمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
