رجعت للغرفه ودخلت اشرت الدكتوره على السرير وجلست منار وبدت الدكتوره تشوف الشاشه ركزت الدكتوره بشاشه وقربتها لها اكثر وناظرت بمنار : انتي حامل
———
وقف سهم بعد ماخلص من الغدا غسل يدينه ورجع لهم
نياف : تدرون وش ودي
ناظر سهم : وش
نياف : اطلع بر معك
ضحك سهم
احلام : صدق سهم وشرايك نطلع هالسبت
سهم : عندكم دوام
رفيف نطقت بهدوء : عادي اسحب الاحد
احلام : كفو عليك ناظرت بسهم وانا ماعندي شي
ام سهم : السبت مافيه وقت احس خلوه الوكيند الجاي
نياف : اخص امي شعندك ليكون وغمز لها
ضربه سهم بالمنديل : ولد
ضحكت رفيف على كلمه نياف كلهم لفو لها بفرح
اشر سهم لرفيف تقوم معه : انا بروح لغرفتي اريح
قام واخذت شوي رفيف ولحقته
بالغرفه
دخل سهم وانتظر شوي ودخلت رفيف
تقدم سهم ومسك كتفها وتقدم للكرسي الموجود عند مكتبه الصغير جلست بلكرسي جلس على ركبته قدامها مسك يدها : رفيف يشهد الله اني ماعرف كيف اقولك ومن وين ابدا لفت راسها للجه الثانيه رفيف من حست بالموضوع
مسك وجهها سهم ولفه له: اسمعيني يارفيف ابي تعرفين هالكلمتين وتحطينهم براسك موضوعك مايخصك انتي لوحدك وبس موضوعك يخصني ويخص نياف يخصنا كلنا اعرفي يارفيف ان مستحيل بسمح لاحد يضرك مهما كان !
البنات هذولا بياخذون جزاهم الله يكفينا شرهم ويهديهم نزلت راسها رفيف كمل سهم: اليوم انا ونياف رحنا للمركز رفعت راسها له بخوف : لاتخافين ماقالو شي صدقيني كلهم نقدو علينا اننا متوترين الامر بسيط بسيط تخيلي انهم قالو بس تجين ونحقق معك وبعدها تطلعين
رفيف : كيف بس تحقيق بس انا مالي دخل ؟
سهم هز راسه بأيه : صح مالك دخل بس لازم هذي اشياء ضروريه
رفيف نزلت راسها: خايفه
سهم : من ايش تخافين احنا معك معك ومابنترك حتى التحقيق بندخل معك
رفيف تقدمت وحضنته بخووف وبكاء بدمووع : سهم الله لايحرمني منك
ابتسم سهم : ولا منك ياصغيرتنا
ابتعدت رفيف ومسحت دموعها بكفها : طيب بس نطلع من يومنا ومايطلبون شي
سكت سهم وكملت رفيف : يبون شي ثاني بعد ؟
سهم: يبون تحليل بسيط دم بس
رفيف ناظرت فيه : شيسون بدمي
سهم : لازم هذي عشان التحقيق وبس خلاص نطلع
رفيف : اكيد نطلع بدون ما يطلبون شي ثاني ؟
سهم : اكيددد والله
وقفت رفيف : متى نروح ؟
سهم وقف معها : الظهر ان شاءلله
هزت راسها رفيف وحضنته : ربي يسعدك سهم وجودك حولي هذا اكبر سعاده لي
حضنها سهم
—
بلعت ريقها بصعوبه : شلون
الدكتوره نزلت القلفز وناظرت ب منار : ايوا انتي حامل من شهرين واسبوعين والبيبي ميت بطنك من اسبوعين
جلست منار وهي تحس للان مو مستوعبه الي تقوله كملت الدكتوره: في طريقتين لتنزيله وانت اختاري
هزت راسها منار : ايش هي
الكتوره: في اعشاب اكتبها لك تستمرين عليها الى ما يطيح او نسوي لك عمليه تنظيف
منار : ايش الافضل ؟
الدكتوره : عملية التنظيف اكيد عشان مايبقى بقايا للجنين
وقفت منار وناظرت بدكتوره : ابي عمليه متى تكون
الدكتوره : بعد يومين
اخذت الملف وطلعت برا وقفت عند البوابه وطلعت جوالها تتصل على عبدالرحمن
اتصلت ولا رد اتصلت مره ثانيه ورد
عبدالرحمن : هلا
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
