الصباح
نزلت روان بعد ماتجهزت : امي متى بيجون؟
نجلاء :شويات شوفي اختك جهزت؟
روان رقت لغرفه اثمار تشوفها تبخر شعرها
ونزلت تحت لامها: اي جهزت قربت لامها : شرايك؟
نجلاء: تجنننين
روان صفقت بيدها: متحمسه لخالي
ابتسمت نجلاء
نزل عقاب يسكر الكبك قرب لنجلاء: سكريه لي
روان صفقت من جديد : ابوووي جمميللل
نجلاء : دايم جميل ابوك
عقاب : بلا شك
اثمار من وراهم تنزل : دايم الي يقولك الثقه بمحلها ف هذا هو
روان ناظرت بامها : ليه ماعطونا خبر قبل؟
نجلاء : مدري بس بيجون عاد
بعد عشر دقايق
بالصاله ناظر بجواله عقاب وكان الحارس
رد : هلا
الحارس : فيه واحد اسمه رائد ؟
وقف عقاب : دخله دخله
سكر عقاب وناظر بنجلاء والبنات: للان ماتعودت على الاغنياء
ضحكت اثمار ومشى عقاب لررائد
دخل رائد الحوش ومرام بجنبه
مرام : ماشاءلله
فتح الباب عقاب : حي الله رائد الحريم من المدخل الثاني مشت مرام للمدخل الثاني ناظرت باثمار وروان الي ينتظرونها
قرب رائد وحضن عقاب : ارحب
رائد : مشتاق لكم
عقاب : اي واضح مسافر برا وتاركنا بهالشموس
ضحك رائد ومشى معه للمجلس
ابتسمت مرام من حضن اثمار وروان لها وكانهم يعرفونها من زمان
مرام : نجلاء وينها؟
اثمار: صح اختفت
روان : تلقينها عند اخوها
وقفت اثمار: ماعليش مرام بس متحمسين نشوف خالنا
ضحكت مرام : خوذو راحتكم
طلعت اثمار وروان وشافو امهم واقفه عند رانو تعلمها تجهز البخور لفت نجلاء لهم : تبون تدخلون؟
اثمار: اكيد
مشت نجلاء للمجلس دخلت تناظر برائد: حياك الله وحي هالوجهه
قرب رائد وسلم عليها وعلى راسها وحضنها من الكتف
ابتعد رائد عن نجلاء وناظر بالبنات : ماشاءلله كبارر
اثمار قربت وسلمت عليه وحضنها رائد : افا خالك بس سلمي علي
ضحكت اثمار: يبي شوي نستوعب امس قالو لنا
روان قربت وحضنته
عقاب : هذي ترا كم يوم ونشوتها لبيتها
ضحك رائد : بالله الصغيره ذي
ضحكت روان
اثمار: لايغرك صغرها
جاء بينهم رائد ومسكهم وجلسهم عنده وقعد يسولف معاهم قامت نجلاء لمرام ودخلت عندها
رائد : وكيف التدريب ؟
اثمار : كويس والله
رائد : الحمدلله عاد تدرين اعرف لي اشخاص تدربو بمستشفى يتعبون
اثمار: لا انا بس بالاداره
رائد : الحمدلله اجل لازم ازورك
اثمار: حياككك
لف لروان : وانتي
روان : ثاني ثانوي
رائد : ماشاءلله وش علمي ؟
روان : ادبي
رائد : منجدك؟
روان : والله ماحب العلمي
رائد : الله يعين
قامو البنات بيدخلون داخل ويتركونهم لحالهم
رائد : العلوم والاخبار
عقاب: ماعندنا علوم
رائد ابتسم: بتسأجر هنا بتعرف على القصيم
عقاب : نورت القصيم والله وعشاك الليله
رائد : لاوالله تسلم
عقاب : عشاء عائلي بيننا
رائد : اذا كذا على القوه
بالصاله
نجلاء : ايوالله هذولا بناتي اثمار وروان
مرام : ياحلوكم
ابتسمت اثمار
نجلاء : كيف السفر وين رحتو
مرام : مابعدنا قريب مكه وحولها
اثمار : الله مشتاقه لعمره
مرام : الصراحه اذا بترحون روحو من الان مافيه زحمه
نجلاء : نفكر بعدين
مرام : تعرفين احد هنا جارات وكذا
نجلاء : اي متعرفه على حريم الحي الي من زمان نطلع حديقه ونجتمع
مرام : الله الصدق ودي نسكن بالقصيم بس ماش دوام رائد مايساعد
نجلاء: اي الله يعينكم والله القصيم الحلو فيها مافيها زحمه
مرام : صادقه الرياض تكتم
اثمار : الله يعينكم
مرام : امين
جلس سهم وناظر بنياف : على كلامك؟
نياف : الله الله
سهم : زين بنروح على العصر
نياف : زين
احلام : شعندكم؟
نياف : بخطب
احلام : دور غيرها ياشيخ
سهم : صادق
احلام : منجده تصدقه؟ لفت لنياف : من هي ؟
نياف : حنين
انصدمت احلام تناظر فيه : نياف اذا عش،، قاطعها
نياف : المووضوع سخيف ولا يحتاج وادري وقت خطبتي لها وقت غلط لكن باخذها افضل مايسبقني احد
اخذت نفس احلام تناظر فيه ولفت لسهم
دخلت ام سهم وجلست : سهم يامي متى بتروحون؟
سهم : العصر
ام سهم : الله يكتب الي فيه خير ناظرت بسهم : وانت متى؟
سهم : اذا ربي كتب
ام سهم : الله يهديك ياسهم
وقف صقر ناظر بابوه الي يكلم خلف : بكرا ان شاءلله يناسبكم؟ ، الله يكتب الي فيه خير ، ان شاءلله ، تسلم
سكر جواله وناظر بوقوف صقر عنده
سعد : اخاف بعد حماسك هذا تنكسل ثم نبتلش فيك
صقر جلس : ليه؟
سعد : ترا اذا رفضت بسفرك برا وروح عالج نفسك مابي ابتلش فيك
صقر : واذا وافقت ونسيتكم؟ بتنقهرون؟
سعد ضحك: ياشيخ انا بنفسي باخذ لكم فله بعيد عنا اسكن فيها ولا اشوفك الا من سنه لسنه واذا ودك اكثر
صقر: ماش مايطاوعني قلبي عليكم
سعد : حنا راضين وضحك عليه
ضحك صقر لابوه
اخذ نفس سعد : شنسوي باختك؟
صقر : قلت لها؟
سعد : لا
صقر: مدري والله
وقف سعد : بنرجع للبيت وناقشها مع بعض
صقر : تم
طلعو من المكتب وسكروه ومشو مع بعض
وقف ماهر عند بيت فيصل ينتظره يطلع
اتصل عليه ورد فيصل : الو
فيصل : ارحب
ماهر : وينك؟
فيصل : بالدوام
ماهر : يوه موقف عند البيت انا
فيصل : برسلك دوامي وتعال لي
ماهر : طيب
بالمركز دخل ماهر وناظر بالعساكر
دخل ماهر المركز وناظر بالعساكر وبدلاتهم
اخذ جواله يتصل على فيصل ومارد تأفف لف لعسكر يمشي حوله وقفه : الله يعافيك
العسكر : سم
ماهر: فيصل وين مكتبه؟
العسكري : فيه فيصل كثير من تقصد؟
ماهر : مشكله ماعرف ابوه خلاص تسلم
مشى العسكري واتصل مره ثانيه ماهر ومايرد فيصل جلس بالكرسي بجنب
فيصل فتح باب الغرفه ودخل على طلال : حي طلال ! فاقدتك
طلال : ماتفقد غالي
فيصل جلس قدامه : وش خلاك توصل لهالشي وتخوننا وتخون بلدك ياطلال؟
طلال : ماخنتهم!
فيصل : تخسى كل ذا وماخنتهم!
طلال: شوفو انفسكم وش سويتو؟ مسكتو العيال الي كانو
بالمجموعه الي انا معهم مسكتوهم وش سويتو فيهم؟
قتلتوهم قدامنا بدون يبررون لكم؟
فيصل : وش يبررون ؟ انت تعرف وش سويت؟ انت ظلمت كل ولد طاح فيكم كل بنت طاحت معكم ظلمتوهم ظلمتو مستقبلهم! عشان عقاب قدر عليكم ومسك مجموعه منكم رحت تهدده ببناته؟
طلال : اخذ الاشخاص الي كانو يدي اليمين
فيصل: ياخي انت مشروب راسك
طلال : ماهو مشروب مصدوم منكم
فيصل : اسمعني زين
سكت طلال يناظر فيه يستفزه بنظراته وقف فيصل قدامه: لو فكرت بيوم تضر بنات عقاب صدقني ياطلال مايفكني منك شي
طلال : خايف على زوجتك؟ ماصدقت واخذتها علطول وهي صغيره ماتناسبك والله بزر قرب فيصل لها ومسكه من ياقة ثوبه : حتى طاريهم ماتجيبه تسمع؟ بصراخ : تسمع؟
طلال : ابعدو مننا ونبعدد
فيصل ابتعد ووقف قدام وجهه: تخسى بنمسكم واحد واحد زي الكلاب نمشيكم
طلال : اجل تحمل وش بيجيك
فيصل: اان كانك بتضر ف ضرني انا ولا تلمس عقاب وبناته
طلال: ودك نضر اهلك؟
فيصل : ماتفهم انتت عائلتي وعقاب لاتمسهم
طلال : مو انت تقول ضرني ؟ اذا ضرينا عائلتك ضريناك يا فيصل
فيصل عقد حواجبه يناظر فيه
طلال : انتبه لنجد صفقه بقوه فيصل وطاح طلال من كرسيه يناظر بفيصل
فيصل : عسى ربي يقوينا ونمسكم واعلمك كيف تضر اختي ياكلب
طلع فيصل وقف عند الباب مقهور
اخذ جواله بيتصل بنجد شاف اتصالات ماهر : اووه
اتصل عليه
رد ماهر : بدري
فيصل : اعذرني وينك؟
جلست نجد بالصاله تناظر بامها الي تكلم خالتها وتسولف عليها
اخذت جوالها ودخلت على محادثتهم ناظرت ماشاف رسايلها الاخيره
نجد : وينك ؟ مختفي
اخذت نفس وسكرت جوالها
تناظر بامها غمضت عيونها نجد نزلت راسها على حافه الكنب تفكر : امها مشغوله بحالها وبحياتها ولا قد حست بيوم انها امها ولا يوم سولفو سوا ولا يوم اخذتها امها
امها بس ودها بالتفاخر بحياتها وهي عندها وغيرها ماعنده هالشي اخذت نفس تناظر بالرساله
وقفت ترقى لغرفتها سكرت الباب وجلست بسريرها تفكر
ناظرت بالرساله اخذت جوالها
ن: موجود كنت مشغول
نجد : خفت صاير لك شي
ن: ماصاير شي
نجد : طفشانه
ن : شسوي؟
نجد : ماعرف صدق
ن : مشغول انا
نجد : طيب متى تفضي ؟
ناظرت فيه ماشاف رسالتها عرفت انه طلع اخذت نفس تناظر بالسقف بتعب وغفت عينها
دائما نجد تدور الحب والحنان بعائلتها لكن ماكانت تشوفه ابوها دايم برا ويتعذر بدوامه وامها ولا هي معاها ابد صارت تدور هالشي ب (ن)
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
