بالمستشفى
تسمع لسواليفهم وحكيهم وهواش ميار وصقر الي ماينتهي بس هي بالها بعيد بالها مع عبدالرحمن هو ليه صار كذا وش الي غيره وش صاير اساسا ؟ فجاءه ياعبدالرحمن تتغير بدون اي سبب واضح ؟
قاطع تفكيرها سعود : ماما افتحيها ومد لها الحلاو
فتحته واخذت يده تبوسها وابتسم سعود لها نزل لصقر وجلس بحضنه اتصل جوالها واستغربت لفت له واخذته وانصدمت من الرقم ؟ ردت عليه : هلا
عبدالرحمن : الحمدلله على سلامتك
منار : الله يسلمك
عبدالرحمن : اي غرفه انتي ؟
عدلت جلستها منار بستغراب : ٢٦٥
عبدالرحمن : طيب
وسككرت لفت لخواتها باستغراب لكن مااحد انتبه لها
بعد ٥ دقايق دخلت السستر بورد كبير مع هديه بوكس صغير خاتم وكرت ناظرت منار بالورد بصدمه بتسإول
قربت السستر لمنار مدت لها الورد ابتسمت منار لههم ولاستغرابهم وسوالهم الي بوجيههم بمن جايب الورد ؟
اخذت الورد منار وقرت الكرت المكتوب : الحمدلله على سلامتك ام سعود وان شاءلله اخر الاوجاع .. الله يحفظك لي ولسعود .. ناظرت بالاسم تحت من ابو سعود ابتسمت بحب ولفت يمين وتنصدم بقرب صقر لها صفر بقوه : ادععس غزززلللل بين ابو سعود وام سعود
ميار : حركاتتتت
الجادل : ياعمري ربي يحفظكم لبعض
ام صقر اكتفت بالابتسامه لهم
-
دخلت البيت دايخهه اليوم النقل قرر بقرار مفاجىء ينزلها اخر وحده وصلت قرب العصر
نجلاء طالعه من المطبخ : ياهليننن
اثمار بتعب: هلا امي
جلست نجلاء قدام اثمار: قالي ابوك عنك شسالفه؟
اثمار: مدري يمه ماجازت لي المدرسه
نجلاء : عادي تسهلت الحمدلله بس وينه المستشفى ؟
اثمار: يبعد ١٥ دقيقه
نجلاء كشرت : اجل اجيب لك سواق
اثمار هززت راسها بإيه : روان وينها؟
نجلاء : نايمه
اثمار وقفت : اجل بطلع انام
——-
المغرب
ماسك الشموع يزينها على الكيكه واحلام ماسكه الهديه سهم: ياخوك اخلص اتعبتتني واقف
نياف : اصبر ياخي وش معجلك
احلام مدت الهديه لنياف : نياف اخذها معك بجيب القهوه والصينيه
اخذها نياف ومسك الكيكه سهم وطلعو من المطبخ متوجهين للصاله
بصاله رفيف وامها يسولفون ام سهم تسلك لرفيف بسوالفها بس عشان ماتقوم لهم
دخل سهم وهم وراه ويصارخون نياف واحلام وقفت رفيف ببتسامه فرح لهم
سهم قرب لرفيف ونزل الكيك قدامها: هذي لعيون صغيرتنا
ونياف واحلام باقي يصارخون لها ويصفقون
ابتسمت لهم بفرح وقفت تحضن سهم ساكته ماتعرف وش تعبر لكنها بداخلها الفرح مش سايعها
بدت تقطع ام سهم الكيك ويتقهوون
رفيف : لو قلت احبكم تكفي ؟
ضحكت احلام : تكفي تكفي بس كولي ياعيوننني
ابتسمت رفيف لها
سهم مسك فنجال القهوه وجلس جنب نياف : الحمدلله تيسرت وانحلت السالفه بدون تنتشر
هز راسه نياف واحلام اكتفت بابتسامه
ام سهم : والله اني حسيت ان فيه سالفه قويه بس عرفت مااحد بقايل لي
سهم: مابي تشيلين هم يمه
نياف : بعدين سهم حل الموضوع وانتهى يعني لو مثلاً قلنا لك بتشلين هم ويمكن يصير شي لك لا سمح الله ف قلنا نحلها ونخلص ونقول لك والحمدلله يارب
ام سهم رفعت راسها فوق : الحمدلله يارب
———-
بعد ساعتين
دخل الدكتور مشعل : السلام عليكم
ردو السلام ووقف صقر له ناظر مشعل بمنار :الحمدلله على السلامه
منار بهدوء : الله يسلمك
مشعل ناظر بصقر : تقدر تروح توقع على اوراق الخروج
وناظر بمنار : تقدرين تطلعين للبيت ترتاحين لكن
اذا حسيتي بأي اععراض غريبه لازم تجين للمستشفى
هزت راسها منار طلع مشعل برا
ام صقر والبنات بدو يجهزون الاغراض
بعد ١٠ دقايق
وقفت منار من السرير وكانت ميار حولها
ناظرت منار فيها : يابنت ترا مو ولاده عمليه عشان تساعديني كذا اقدر امشي
ميار: ياختي اخاف تتألمين
ابتسمت منار: لا عادي مدت الجادل العبايه لها
وساعدتها ميار تلبسها : ياربي ياميار اقولك اقدر اقدر
ميار: اقول البسي بس
دخل صقر : يلا شغلت السياره قرب سعود له ومسكه بيده
طلعو ورا صقر ويمشون بسيب طلع من احدى الغرف مشعل وقف يطالع بمنار ناظرت فيه منار بستغراب !
عرف مشعل بل تاكد انها هذيك الي كانت تبكي عند البوابه معقوله !
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
