دخلت البيت الجادل ناظرت بماهر جلس ناظر فيها واقفه : الجادل فيك شي من امس حاس فيك شي
الجادل : مافيني شي والله بس تعبانه
ماهر : وش تعبك
الجادل : عادي ياخي مافيه شي بس شوف
ماهر ناظر فيها
الجادل : بكرا عند اختي منار موعد قربت لشهرها الاخير وابي اكون معها
ماهر هز راسه : الله يتمم لها
الجادل همست : امين
وقفت : بروح ابدل برتاح
ماهر : تمامم
-
بيت عقاب
بالصاله
مرام : رائد شاف الرجال خلاص ماعاد بعرفه
سمعو صوت صراخهم بالمجلس
نجلاء : يلعبون بولوت حتى عقاب استخف معهم
روان : انا الوحيده مبسوطه عشان انام هنا
نجلاء : مزوجينك تناامين عندنا لا حبيتي اسهري الين يروح زوجك
روان : قاعدتن عندك
نجلاء : بسكر غرفتك
روان : انام بغرفه اثمار
نجلاء : اخخ ياثماري
مرام : ياعمري ياهي
نجلاء : وجودها بالبيت يكفي
روان : صدق احس فقدتها
نجلاء : الله يوفقكم ويسعدكم ربي
وقفت : بروح لغرفتي
دخلت الغرفه سكرت الباب غمضت عينها بقهر : اخخ يابوي اخخ
قربت للكرسي جلست تفكر وتتذكر كل شي عاشته معه
اخذت نفس تفكر ناظرت بالباب الي انفتح دخل منه عقاب لفت بوجهها عنه
جلس عقاب على السرير عارف وش مزعلها
نجلاء : ماتوقعتها منك !
عقاب : الدنيا فانيه ولا ندري متى بنموت يانجلاء هذا ابوك صحيح ماعشتي معه حياه زينه لكن بنهايه هو ابوك انا مايرضيني بعد بس تدرين يوم فكرت طلع احنا الغلطانين الي تركناه المفروض تروحين له بس تسلمين بين فتره وفتره تروحين له تهتمين فيه ابوك الحين ماله احد حتى يوم تزوج رائد قعد لحاله مااحد عنده بالبيت
ادري فيك ماراح تخطين شي بس على الاقل حاولي تنسين
اذا هو ماكان افضل لك اب كوني افضل له بنت
مسحت دموعها نجلاء : كان قلت لي قبل ليه تخليه يدخل بزفة بنتي !
عقاب : نجلاء ابي شي واحد منك تمسحين الماضي تماماً وتبدين صفحه جديده مع ابوك والله انه حتى هو ضايع تكفين هو تحت الحين مابي يروح لبيته الي مافيه احد
نجلاء سكتت وقفت طلعت برا الغرفه بدون ترد عليه ناظرت بالصاله من تحت مقفله انوارها اخذت دخلت غرفه اثمار قربت لدولابها تاخذ شال لها نزلت تحت بالحوش قربت لباب المجلس قربت تمسك الباب اخذت نفس تبتعد ابتعدت للجلسات الي بالحوش جلست على وحده منها وضمت نفسها بالشال تغطي نفسها قعدت تفكر في كل شي مر عليها بحياتها
صباح جديد
اخذت كوب شاهي طلعت برا المطبخ الصغير انتبهت لصوت الحمام عرفت ان سهم صحى اخذت نفس ترتب ناظرت بفستانها وبشته قربت تاخذ البشت غطته بفستانها حطته بالدولاب لفت تاخذ جوالها تصور
صورت كم صوره انتبهت انه طلع سكرت الدولاب ابتعدت تمشي بعيد عنه تدخل المطبخ او اي شي قدامها ماتبي تشوفه لمحته لاف المنشفه على خصره
سهم : وين بتروحين
اثمار بدون تناظر فوق : المطبخ
سهم : قدامك مو المطبخ
رفعت نظرها اثمار ناظرت قدامها غرفه الملابس بلعت ريقها تلف للجهه الثانيه
شهقت من حست بقطرات شعرها على رقبتها
سهم : ليه تبعدين عني
توترت من حضنها من الخلف قرب ضهرها لصدره :ابي تلبس على راحتك
سهم : انتي راحتي
بلعت ريقها تشد على يده تبعدها عن خصرها ...
-
ناظرت روان بفيصل جاي بدلته
روان : بالله عليك احد يسهر بالليل وعنده دوام صبح؟
فيصل جلس يفطر : لعبنا وراح الوقت بلعب
جلست روان تشرب شاهي ناظرت فيه يفطر
فيصل : كيف الزواج امس عسى تخطيتي
روان كشرت بضيق : اخخ بس
فيصل كسر البيض : تاخرت وانا اقشر ناظر بروان : قربي
قربت روان تمد يدها بتاخذه تكسره ناظرت فيه بصدمه : جبهتي ؟
فيصل : بستفيد منها
روان مسحت الاثر على جبهتها : وصخ
فيصل : عيب انا زوجك
روان : وكريه
فيصل : عيب
روان : يقالك مؤدب!
فيصل : كلي ادب واحتراام لزوجتي حبيبتي
ابتسمت له : حياتي
-
صحت سمو ناظرت بصقر يتعطر : ياورع تعطر بالغرفه!
صقر : شسوي نايمه عندي وين اتعطر
سمو : اخذه برا وتعطر كحت من ريحته : الله يقرف العدو على هالريحه
صقر شم ريحة العطر : والله انه يجنن
سمو كشرت من ريحته : يع يع
صقر : ذوقك خايس بروح الدوام ساعه كذا واجيك اخذك تداومين
تذكرت سمو انها لسى ماخلصت تدريب غمضت عينها بقهر : الله يخليك
صقر : عذرتك بشهر العسل الحين بتدوامين غصب
غمضت عينها بقهر هزت راسها بالايجاب طلع صقر لدوام قامت سمو تتجهز
-
حست الجادل بصوت رفعت راسها تناظر بماهر مشغل الفلاش بجواله وياخذ اغراضه مايبي يزعجها
الجادل : شغل النور
ماهر لف لها : صحيتي كنت بجهز مابي ازعجك بالنور تعبانه
الجادل اعتدلت تجلس : لا عادي
شغل ماهر النور وبدا يجهز باقي اغراضه
ناظرت اثمار بسهم
سهم : بنسافر الساعه ٩ شوي
اثمار : ماراح نمر اهلنا؟
سهم هز راسه بالنفي
اثمار بصدمه : ليشش
سهم عقد حواجبه : تبين تمرينهم؟
اثمار: اي ابي اروح لهم
سهم : طيب اجهزي الحين مافيه وقت
اثمار وقفت تتجهز
-
اخذت جوالها روان ناظرت برساله اثمار تأففت
روان : ليتك قايله من قبل فيصل طلع لدوام
اثمار : اماا تكفينن
روان : والله من قبل شوي طالع
اثمار : مايمدي تجين يعني
روان : لا اوف ليتك قايله
اثمار : مادريت عن سفرتنا الساعه ٩
روان : اووه مافيه وقت
اثمار: لانه كان يحسب ما بنمر اهلنا
روان : اي؟
اثمار : قلت بمر اهلي
روان : اخخ الحين انقهر لحالي
اثمار : عادي اشوفك لرجعت ان شاءلله
روان : توصلون بسلامه وسفره ممتعه
-
وقف فيصل بالدوام ناظر بعقاب بيطلع : بتطلع؟
عقاب : بنتي بتجي قبل يسافرون بروح لها
فيصل : زين
عقاب : برجع بعدين
فيصل : اخذ راحتك
طلع عقاب ركب سيارته
-
بيت عقاب
نجلاء جلست بالمجلس : حياكم الله
ابتسمت اثمار
سهم : الله يبارك فيك
ضرب الجرس وقفت اثمار : بفتح
نجلاء : اكيد خالك
اثمار : الله مشتاقه له
ناظر فيها سهم من طلعت لف يناظر نجلاء ابتسم لها
طلعت اثمار ناظرت برائد
رائد : من يوم قالو اثمار بتجي جيت ركض
ركضت اثمار له تحضنه من فتح يدينه
رائد : وينه رجلك؟
اثمار : داخل
حضنها بكتفه ودخلو للمجلس ناظر سهم بابتسامه بيد رائد الي حاضنتها تلاشت ابتسامته وقف
رائد قرب : حي الله سهم
سهم : الله يبارك فيك
ابتعدت اثمار وجلست بجنب سهم
رائد : اخباركم ؟
سهم : بخخير الحمدلله
لف رائد يناظر بنجلاء همس : وينه ابوي؟
نجلاء : ماشفته طلع من بدري
اخذ نفس رائد وقف يطلع برا يتصل على ابوه
زيد : هلا؟
رائد : وينك يبه؟
زيد : عندي شغله وبجي
رائد : زين لاتطول
دخل عقاب ناظر برائد بالحوش وقف يناظر فيه جاي لمه : شفيك برا؟
رائد : ابوي طلع من بدري مدري وين راح
عقاب : عندي خبر ماعليك
رائد : وين راح؟
عقاب : يسوي الشي الي المفروض ماسواه من قبل لنجلاء
استغرب رائد مشو للمجلس
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
