"خذني على قد الوله واشتياقي ترا الكرم بالحب حاجة عظيمة"

بارت60

دخل سهم بغرفه سيف ناظر فيه : سلام عليكم
سيف ابتسم : وعليكم السلام
جلس سهم مقابله : تعرفني ؟
سيف : عرفتك من اسم المستشفى
ابتسم سهم : ماقولك كيف شعوري يوم جابوك عندي
سيف : خفت يفقدوني
سهم هز راسه : خفت يجربون الفقد مرتين اهلك
سيف : ماتخطيت ياسهم
سهم : حتى انا ماتخطيت ولا بتخطى احس شي بداخلي حزن ماني قادر اشيله
تنهد سيف بقوه : اكابر على امي اني ماعاد بي خلاف وانا الضيقه بصدري عجزت اطفيها
قرب سهم وحضن سيف : ماراح ننساهم ولا ودي ابد
كمل سهم : قاعد افكر نسوي انا وياك بير صدقه عنهم
سيف : اي والله ابد معك
سهم : اجل بس تتشافى بنتشغل انا وياك عليه
سيف : مابي خلاف ابي اطلع
سهم : لا اقعد الين بكرا على الاقل
سيف : ليش ؟
سهم ابتسم : انت اخوي الثاني لازم اهتم فيك تراني غاث نياف بالاهتمام
ابتسم سيف : وحولت علي عاد انا الجاف طول عمري
ضحك سهم : ههههههه حرام عليك وين دلع امك لك
-
تنهدت ام سيف : اعرف ولدي يكذب علي حتى حنين ناظرت بحنين لاهيه تسولف مع رفيف بين فتره وفتره تسرح تفكر
ام سهم : حتى سهم يمكن نياف قدر يعيش لكن سهم اعرفه عجز كل شي صار عليه حتى البنات يشيل همهم كبر عن عمره كثير
ام سيف : الله يحفظهم يارب ويحميهم ابي سهم يضغط على سيف ما يسرع مره ثانيه اتعبني هالولد المشكله توه مصلح سيارته والحين انعدمت
ام سهم : لاتهمك السياره ف الحديد ولا بالشخص والحمدلله سيف بخير هذا المهم
ام سيف : اي والله
-
بالحوش
احلام : الحين ماعندك شغل ؟
نياف انسدح : لا والله
احلام مدت رجلها لفت لدخول سهم ناظر فيهم : وش مجلسكم هنا؟
نياف :ام سيف وبنتها داخل
سهم : وخلاص ضاقت الاماكن ماكبر البيت
نياف : الهواء الطلق منعش
جلس سهم معهم : نياف انت حامل بدون مااعرف ؟
اعتدل بجلسته نياف بصدمه : وشو !!
ضحكت احلام بقوه : حامل وش قول حامل مواد
نياف : اشوا قصدك كذا جاني هبوط
سهم : اما قلت كذا توقعت قايل مواد
احلام : لا ضحكتني
نياف : لا ليش ؟
سهم : اشوفك طولت على التخرج !
نياف : باقي لي اختبارين استاذ سهم واجيك بالمستشفى
سهم : الحمدلله شد حيلك ويلا بكرفك بطرد واحد عندي متحمله عشانك
نياف ناظر باحلام : الشي الحلو ان سهم اخوي مايقدر يطردني
سهم ضحك : مااقووى
نياف : طيب وسيف ؟
سهم : لازم اخليه يشتغل بعد عندي
نياف : حلو
سهم ناظر حوله : حتى بنبني هنا او بنشتري لسيف واهله
احلام : لحظه لحظه سهم وش هالاهتمام والله لو اخوك !
سهم لف لها : تدرين هم مين ؟
احلام : لا
سهم : اكيد لانك ماعشتي ذاك الوقت معاهم
كمل سهم : ابوي الله يرحمه كان له صاحب الروح بروح كان معه وين مايروح حتى زوجات الي ماتقرب له يروح مع ابوي مع بعضهم دايم انا وسيف نذكر بعض ونياف يعني يذكره بسيط لكن كنا انا وسيف مع بعض اما انتي ورفيف ماتذكرونهم صغار واتوقع رفيف مالحقت ولا؟
نياف : الا الظاهر لحقت عليهم
سهم : المهم ان يوم ابو سيف مات اتصلو المستشفى على ابوي يبلغونه طبعاً ابو سيف كان اخر اتصال له ابوي كالعاده يوم اتصلو عليه بلغوه انه متوفي والمفروض مايبلغونه راح ابوي مسرع وصار عليه الحادث واندفن جنب ابو سيف صاحبه !
مسحت دموعها احلام لفت للجهه الثانيه لاول مره تعرف كيف موتت ابوها دايم تردد انها تعرف كيف
ناظر سهم بنياف الي يمسح دموعه بكفه
ضحك سهم من بين دموعه : كنا وش زينننا ورا بكينا
قرب السحور
جلست اثمار تتسحر قبلهم
جت روان معاها السلطه : غريبه ابوي اليوم بيتسحر بالدوام
اثمار : اي بس ارسل واحد من العيال ياخذ السحور له
روان : اما صادقه اخذه ولا باقي
اثمار : اخذه من زمان
دخلت نجلاء لهم : يلا تسحرو عشان بنروح لسوق نشتري مواعين واغراض
اثمار : عندنا يمه !
رفعت البطاقه نجلاء : ابوكم عطانيها عشان ارضى وانا حالفه افقره حتى بروح اشتري لي جلابيات خلاص من قبل رمضان ماشريت
ناظرت روان باثمار : حياتي ابوي تعب كل هالسنين ببيروح
نجلاء : احسن يلا تسحرو اكلو كثير عشان ماتتعبون
كملت نجلاء تناظر باثمار : قلت لابوك يتسأذن لك اليوم
ابتسمت اثمار : بالله
نجلاء : اي وقال لي انه وافق
اثمار قربت لنجلاء حضنتها : امي ياحبيبتي
ناظرت نجلاء بروان الي ودها تحضنها لكن تعرف عشان زعلانه منها قربت نجلاء لروان وحضنتها بقوه : عروستنا بكرا عاد مانبي نتعبها اليوم معنا كثير
ابتسمت روان وحضنت امها
اثمار : الحين يمه وش سبب رضاك عليهم؟
رفعت البطاقه نجلاء : ارضتني الفلوس ضحكت بقوه لهم
-
الصباح 8:30
جالسين بالصاله ناظرت منار بعبدالرحمن مشغول بالابتوب
جلست جنبه تناظر فيه : عبدالرحمن
عبدالرحمن : سمي
منار : ياخي طفشت من البيت وقعدته ودي اشغل نفسي
عبدالرحمن نزل الجهاز ناظر فيها : وش ودك ؟
منار : تعرف انا احب التصاميم ودي اصمم فساتين ويكون عندي بزنس ويالله عبدالرحمن خلني اشتغل على نفسي
ضحك عبدالرحمن من وصفها لحلمها : هذا حلمك تبين اقولك لا يعني اكيد تم ومعك
ابتسمت منار له وقربت حضنته : واخيراً بحقق حلمي
ابتعدت عنه : بس من وين ابدا ؟
ضحك عبدالرحمن : عزالله صممتي اجل
منار : اوريك اذا مانافستك بشركتي ماكون منار
عبدالرحمن : بعد شركه
منار : اي اجل بكبر مشروعي
عبدالرحمن ضحك بقوه : منار تحسبين السالفه ابو ساعتين اوكيه قلت مشروع يمديك خلال شهر باديه بس شركه!
منار : اوف يعني مايمدي
عبدالرحمن : لا مابي شركه وما شركه بزنس اسوي لك محل كبير وتعرضين فيه فساتينكك
منار تخيلت المكان والمشروع : اخخ يارب سهله
عبدالرحمن : ان شاءلله
-
بالسوق عند قسم الفنجايل والكاسات
تختار نجلاء وتنقي الغالي منهم وتحطه بالعربيه : بنات شوفي لي وين الترامس الغاليه
ضحكت اثمار بهمس قربت تسأل الموظف رجعت لم امها شافت العربيه فيها فرن كهربائي قربت لامها : يمهه قلنا فقريه بس مو كذا ناظرت بالفرن
نجلاء : الفرن حقنا له سنين عندنا خلاص الواحد بيغير
راحت نجلاء تاخذ ترامس الغاليه وهي اشكالها نفس اشكال الرخيصه اخذت نجلاء الغاليه وقربت للمحاسب تحاسب حاسبت اخذت الاكياس وطلعت لسياره
حطتها وركبو هي والبنات : الحين بروح اشري لي جلابيه واغراض
هزت راسها روان : ارحم حال ابوي الحين
-
بالمركز
ناظر عقاب بالسحب الي جاه : 2500 سلامات على وش !
اتصل على نجلاء لكنها ماترد : ذا المره بتجنني
نزل جواله بجنبه وكمل يشتغل
-
وقفت عند محل جلابيات
نجلاء ناظرت باجلابيات الي واضحه من برا : بنات تجننن
اثمار : يمه منجدك ودتينا عند اغلى محل بالقصيم
نجلاء : اجل ؟ تبين اروح للعثيم ولا النخيل لا حبيبتي
نزلت نجلاء ناظرت فيهم : انزلو اختارو معاي
نزلو البنات دخلت نجلاء تشوف الجلابيات مسكت جلابيه تجننن : ابي هذي
الموظفه : 1800
نجلاء : اوو رخيصه تجنن عطيني وحده
اثمار واقفه مصدومه : يمههه
نجلاء عطت الموظفه الجلابيه
وبدت تناظر بالجلابيات الثانيه شافت وحده قماشها حلو واللون الي تحبه نجلاء : بنفسجي اخخ لفت للبنات وشافتهم جنبها : بنات شووفو الي صنعت لاجلي اخخ
قربت بتاخذها ووقفت اثمار بينها وبين الجلابيه : يمه احس قاعده احرق قلب ابوي مستحيللل تاخذينها
نجلاء : ابعدي احسن لك ناظرت بروان الي ماسكه يدها
لفت نجلاء للموظفه : لو سمحتي ممكن شوي !
جت الموظفه : سمي
نجلاء : هذي الجلابيه بكم ؟
الموظفه : هذي تصميم خاص مافيه الا هالقطعه
نجلاء : الله فعلاً صنعت لاجلي ابيها
اثمار : يمه اسألي بكم طيب
الموظفه : 3400
مسكت وجهه اثمار بقوه ناظرت بامها الي تشوف جلابيات ثانيه قربت مسكت يدها : يمه تكفين خلاص قسم احسك احرقتي قلبي بعد مو بس ابوي
نجلاء : اسكتي اصلاً غلط مني عطيتك اجازه وينه سهم مديرك؟
اثمار: يمه وش تبين بسهم الحين ناظرت بالموظفه تحطهم بالكيسه ناظرت اثمار بروان : روان يابنت تكلمي
روان : مالي دخل بينها وبين ابوي
وقفت اثمار تناظر بامها : صح وشدخلني فيكم يلا سو الي تبون
نجلااء : اشوا فكيني اشوف تدرون بحاسب وبنروح للعثيم
اثمار : عثيمم ليششش
نجلاء: اجل تبين ارحب بام فيصل بجلابيه
ابتسمت روان من تحت النقاب من طاري فيصل
اثمار : طيب وشوله شريتي ذولا
نجلاء: كيفي ابعدي
جت للمحاسبه : حسابك 5200
نجلاء : اوكي حاسبت واخذت الكيس تطلع حطته بسياره وركبت رايحه للعثيم
-
بالمركز
رفع جواله من السحب انصدم :5000 على ايشش!!!
-
بالعثيم
دخلت محل ثياب ناعمه وحلوه مسكت واحد : يجننن
اثمار ناظرت بسعر وانصدمت : يمه شوفي سعره
مسكت نجلاء البطاقه شافت السعر : 250889 هذا سعر ولا رقم توصيلهم ههههه نكنسله اجل ناظرت باثمار : مو عشان ابوك لا عشان حطو رقم ماعرفه طلعت من المحل شافت محل ميكب : بجدد الي عندي
ناظرت اثمار بروان : كيف ساكته كذا انتي ولا عشان طاري فيصل هجدك
ابتمست روان ساكته
اثمار : الله لايبلانا
دخلت محل ميكب وبدت تاخذ
ناظرت اثمار بامها تاخذ كونسيلر وهي توها شاريه مالها كم يوم مسكت اثمار الكونسيلر الي بيد امها : يمه كشفتك هذا انتي شاريته تو نزليه
نجلاء : الحين انتي عقوبه اخذتك معي مالك دخل اذلفي لايشوفووننا الناس يابنت
ابتعدت اثمار تشوف الحريم والموظفه الي يناظرون
-
رفع جواله عقاب استغرب ماجاه سحب ارتاااح : اشوا يمديها رجعت
بالمحل
نجلاء اخذت مجموعه ميكب وفرش قربت تحسابهم ناظرت اثمار بامها وناظرت بروان الي ساكته قربت لروان : انتي فيك شي؟
روان : لا
اثمار : شفيك هاجده
مسكت قلبها روان : طاري الحب هجدني
كشرت اثمار ناظرت بامها جايه لهم
نجلاء : يلا بنروح ناخذ مفرزنات وحده من جاراتي تمدح لي مفرزناتهم
اثمار : مايحتاج نروح البيت افضل
نجلاء : انا اقولك ترا ما اخذ رايك مشت نجلاء قدامهم ترككب السياره ناظرت بجوالها يتصل عقاب سكرت جوالها نزلته شغلت السياره مشت
-
‎10:40ص
دخل نياف غرفه سيف بالمستشفى
ابتسم يشوف سهم ماسكه وهو واقف سيف
سيف : سهم وربي اعرف امشي
سهم ابتسم : اقول امش بس قلبي مايطاوعني
قرب نياف : الله يكون بعونك سيف
مسك سهم يد سيف ومشى معه برا
سيف : انا ودي نروح للبيت والله كلفنا عليكم
وقف سهم يناظر فيه : بعتبر نفسي ماسمعت ياسيف لاكلافه ولا شي انتم اهلنا
ابتسم سيف : ابي نرجع لبيتنا وقف سهم يطالع فيه
نياف ضحك: سيف اسكت يمكن يسوي فيك حادث ثاني سهم
كتم ضحكته سيف
-
بالبيت تجهزت حنين وجهزت امها عشان يرجعون لبيتهم
جالسين بالصاله دخلت ام سهم : شفيكم لابسين
ام سيف : سيف بيطلع وبنرجع والله اتعبناكم معنا
ام سهم : شدعوا ام سيف لا اتعبتونا ولا شي وسهم ماراح يرضى بيجيب سيف هنا
حنين : لا بس سيف قالي بنرجع بس يجي
ام سهم : ماراح يرضى سهم نهائياً
سمعت صوت ام سهم برا لبست جلالها ووقفت عند باب المدخل تناظر بنياف وسهم ماسكين سيف يدخلونه المجلس ناظرت بنياف انتبه لها جا لمها : نياف هم بيمشون؟
نياف : لا من قال
ام سهم : ام سيف وبنتها يقولون بيمشون
نياف : لا بيقعدون هنا سهم مسكه غصبه
ام سهم : يازينه وليدي
نياف ناظر بامه : حتى انا مسكته وغصبته ورفض ضربته وهددته بحاد،،قاطعته ام سهم : الله يرضى عليك ولو انها كذب
ضحك نياف طلع للمجلس دخل ناظر بسهم يعدل مخده ورا ظهر سيف
وسيف انغث من الاهتمام الزايد
-