دخل سهم البيت ومعاه امه جتهم احلام قربت لامها تبوس راسها : من العايدين امي
ام سهم : من الفايزين ضمتها بكتفها
ابتعدت احلام وسلمت على سهم وباست راسه : كل عام وانت بخير ياعضيدي
سهم ابتسم : وانتي بخير يارب
حضنت رفيف : كل عام وانتي بخيررر
رفيف : وانتي بخير يارب
ابتعدت احلام تدور نياف بعيونها: وينه ؟
سهم : مع سيف برا ناظر بامه : انا بطلع عشانن تدخل ام سيف وبنتها
هزت راسها ام سهم وناظرت بالبنات : بنزل عباتي واجي احلام دخلي ام سيف بمجلس الحريم
-
وقف عقاب يرحب بابو فيصل وولده : هلا ومرحباا سلم على ابو فيصل تقدم فيصل يبووس راس عقاب : كل عام وانت بخير
عقاب : وانت بخير وصحه وسلامه حياكم الله القهوه
ابو فيصل : لا والله اعذرنا جينا نسلم على اهل فيصل وبنمشي نجهز للغدا ونعزمك تجينا
عقاب : ان شاءلله لكن ادخلو اخذو فنجال بس
ابو فيصل ناظر بفيصل : تعال يافيصل مانقدر نرد عمك
دخلو بالمجلس مسك الدله عقاب ببيصب وقفه فيصل : ارتاح انا اصبها
عقاب جلس قريب من ابو فيصل : شخبارك وشخبار الداوم معك
ابو فيصل : الدوام شرهتكك على الي داوم اخذت اجازه عشان فيصل
عقاب : كان رحت داومت وجيت
ابو فيصل : مشكله هالولد منضغط بدوامه مايمديه يجهز
عقاب ناظر بفيصل : صحيح مضغوطين والله
-
وقفت روان على الدرج : قسم بالله ما اروح
نجلاء : ياغبيه عمك وابوك وزوجك
روان : يمه يع يع ادخل عليهم مستحيل!
نجلاء : غبيه
اثمار: بالعكس والله غلط يمه
نجلاء : وين الغلط ! انا قبل اسلم على ابوك واجلس معه بعد
روان : هذا قبل الحين غير
نجلاء : اقول اذلفي بس قالت غير
-
وقفت احلام تصب للام سيف القهوه وحنين
وام سيف تسولف مع ام سهم واخذتهم السوالف
وقف سهم عند الباب : احلام
نزلت احلام الدله وجت لمه : ايش؟
سهم : بيجون رياجيل ضبطي القهوه
هزت راسها احلام راحت للمطبخ
حنين لفت لرفيف : نروح نساعد احلام؟
رفيف : مافيني حيل
وقفت حنين تعدل ثوبها : بروح انا
بالمطبخ
تصب المويا بالابريق وقفت تناظر بنياف يفتح يحاول يفتح الباب الخارجي للمطبخ قربت للشباك: مسكر
نياف قرب للشباك : افتحيه
احلام : شتبي ؟
نياف : برقص عندك ابي القهوه
رفعت احلام الغلايه تبخر : توني صبيت المويا
نياف : منجدك الرجال قربو
احلام : اشو،، قاطعها صوت الكعب الي جاي لمها سكرت الشباك بوجه نياف لفت لحنين : سمي حنون
حنين : جيت اساعدك
احلام : مافيه شي بس القهوه يبونها لفت احلام للباب الي يطقه نياف لفت لحنين : ازعجني يبي القهوه
حنين: اجل بروح حسبت فيه شغل شي
احلام : لاوالله ياروحي تسلمين
-
فتحت الباب : ادخل
دخل نياف : لمتى !
احلام : اصبر بس شغلت النار لفت له : سولف علي
نياف : مروقه
احلام : عيد اكيد بروق قول لي مين جاكم
نياف : مالك دخل اخلصي
-
وقفت الجادل بصدمه من الي تسمعه ركضت فوق لغرفتها سكرت الباب ناظرت بصدمه : مستحيل!
وقف صقر : يبه مانعرف عنهم شي
ابو صقر : ابوه ماشفت منه الا كل خير يعني اكيد ولده مثله
صقر : مو معناته ابوه زين يعني ولده زين !
ابو صقر : صادق توني انتبه لي ولك
صقر : يبه تكفا جلس قرب ابوه : هذا عيد الحين ولا حنا بيم الموضوع بنكلم الجادل وصدقني يايبه اذا الجادل رفضت انا معها والله لو تسحبني وتسحبها تقتلنا ماانوافق اذا هي رافضه !
ابو صقر : انا اكلمها وافهمها وكلمتي ماتنثنى ياصقر !
-
وقفت جنب امها روان تفرك يدها : يمه متوتره
ناظرت نجلاء فيها وناظرت بالباب الي انفتح ودخل منه فيصل : سلام عليكم
قربت له نجلاء : وعليكم السلام ياهلا بافيصل
سلم فيصل على راسها : كل عام وانتي بخير
نجلاء ابتعدت : وانت بخير يارب
ناظر فيصل بروان قربت تسلم عليه مسك يدها ولاحظها ترتجف كتم ضحكته : كل وانتي بخير
سكتت روان ابتعدت جنب امها تناظر تحت
نجلاء : شخبارك عساك طيب
فيصل يناظر بروان : بخير الحمدلله
رفعت عيونها له وطاحت عيونها بعيونه لفت عينها لامها تناظر
لاحظت نجلاء مكانها الغلط بينهم : اجل بخليكم وبروح
لفت بتروح نجلاء ومسكتها روان : لحظه
ناظرت نجلاء : ايش ؟
روان : ب،، قاطعتها نجلاء : لا اقعدي مع فيصل شوي سولفو
طلعت نجلاء
ناظر فيصل بروان واقفه قدامه ترجف : والله ما اذكر تحد قالك اني اكل
ناظرت روان فيه وناظرت تحت قرب فيصل لها وقف قدامها رفع راسها بيده توترت روان من قربه ومن مسكته فيصل: ناظري فيني انا مو تحت
روان ابعدت عنه : اشوف
فيصل : شخبارك كيف التجهيز معك ؟
روان : اي تجهيز ؟
فيصل : شفيك قايل لابوك باخذك ماقالك ؟
روان ناظرت بصدمه : وين تاخذني !
فيصل : بيتنا
-
دخلت نجلاء الصاله ناظرت باثمار : شتسوين؟
اثمار : اشوف اعياد صحباتي
جلست نجلاء ناظرت باثمار ضحكت : خليتهم مع بعض
ضحكت اثمار : حرام يمه
نجلاء : وش اسوي فيها حياء
ابتسمت اثمار : صح بس مالومها
نجلاء : خليها تتعود عليه
ناظرت روان بصدمه : اي بيت ! فيصل تكذب
ضحك فيصل : اكذب
وضح عليها ارتاحت من كذبته قرب زياده فيصل : لحظه كانك ماتبين ؟
روان : ا،، قاطعهم دخول ابو فيصل ابتعد فيصل عن روان ووقف جنبها
دخل ابو فيصل : سلام عليكم
روان بهمس : وعليكم السلام قربت تسلم عليه وعلى راسه : كل وانت بخير
ابو فيصل مسك كتفها : وانتي بخير يابنتي
ابتمست روان ناظرت تحت
-
دخلت منار بالغرفه : شفيك الجادل نفس كل مره ليه هالمره خايفه؟
الجادل وقفت سكرت الباب : هالمره اعرفه ومستغربه وش يبي فيني
منار ناظرت فيها بصدمه: كيف تعرفينه!!
-
وقف ابو صقر يرحب بالرجال والي اغلبهم من شركته
وقف صقر وراه
بالمجلس بدت سواليفهم من بين الاسهم وو
طفش من ذا السواليف صقر ناظر بجواله دخل برقم فيصل اتصل عليه قفل الجوال فيصل : وجع
دخل بالواتس برقمه : قلنا ملكت بس مو معناته تنساني
فيصل: شتبي ؟
صقر : طفشان
فيصل : تونا بالعيد امدا تطفش
صور صقر رجولهم من تحت : اصحااب ابوي بالشركه مايحتاج اقولك وش سواليفهم
ضحك فيصل : طيب بنزل ابوي واجيك
صقر : طيب
-
الظهر
دخلت بالمعمول احلام : ايوا اخباركم ياعيال عشان اهل سيف ماصرت اعرفكم
نياف : على اساس بدون اهله نعرفك؟
احلام : اسكت انت بسولف مع اخوي سهم قربت المعمول له : شخبارك ؟
سهم ناظر فيها باستغراب : بخير
نياف : شفيك عليه هو
احلام : ياخي احس سهم قريب مني
ناظر نياف بسهم : ترا ظهر وعيد ومانامت لاتشره عليها
سهم : شتبي خلها معي
وقف نياف : تراكم وراكم بلا واضح
احلام : شي بيني وبينه وشدخلك !
نياف : خير انتم تراني اخوكم ناظر بامه الي دخلت : يمه اعترفي اذا ماني ولدك والكل يدري غيري
ام سهم وقفت تناظر فيه : من قالك ياوليدي انتظر لاتفهم الموضوع صح
ضحك سهم بقوه : يمههه ههههههههههههههه ناظر بنياف : اخ هههههههههههههههه
انهارت احلام : امي ماتوقعناا ابد ههههههههههههه
نياف : شككتيني بنفسي بروح احلل DAN
ام سهم : ان طلعت النتيجه ترانا باقي نبيك
نياف قرب لامه : يمه شفيك اغمزي اذا احد مهددك
حضنته ام سهم تضحك : اخ ياوليدي
حضنها نياف يضحك
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Historia Cortaمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
