فيصل : ماهي بحامل وبدا يشرح السالفه للجد وكمل : انا ابيها ياجدي والحمدلله قدرت اخذها
الجد اعتدل بوقفته وبداخله يحمد الله انه ماصار ولا شي من الي بباله : زين اجل الملكه والزواج بيوم واحد لف بيطلع مسك كتفه فيصل : البنت صغيره ماكملت الثانوي
لف له الجد : انا عندي مملك اتفاهم معاه
ناظر بصدمه فيصل هو ابد مو جاهز يتزوج ويتزوج وحده صغيره !
———
جالسه بين البنات الي يسولفون يحاولون يغيرون بجوها ولكنها بعيدد بعيد عنهم
نزلت الجادل الفستان وناظرت بمنار لفت لدولاب وطلعت ملابس بنطلون جنز مع فستان اصفر مع شال ماتنلبس مع بعض هيلقيه باختصار كل هذا تبي تطلع منار من الي هي فيه
اخذتهم وراحت للحمام تكرمون ولبستهم فتحت الباب نوصه ولفت لميار : مياروه شغلي اغنيه هيلقيه
ناظرت ميار فيها وكانت الجادل مايوضح الا راسها مع الباب متعمده ماتوريهم ايش لابسه
ميار : وش تبين باالاغنيه ؟
الجادل اشرت على منار وفهمت ميار وشغلت اغنيه سامجه طلعت الجادل ميلت جسمها على الباب وتغني مع الاغنيه وتسوي حركات اغراء لمنار وميار ناظرت منار فيها وكيف مايله على الباب وحاطه يدها على جبهتها كاغراء وتتمايل مع الاغنيه لهم حتى الرقص كان شبه بالهيلق تبي تضحكها بأي شكل قربت لمنار ومسكت يدها توقفها معها رفضت منار وغصبوها تقوم قامت معها وبدت تدور عليها وتتمايل عليها الين ماوقفت الجادل من سمعت ضحك منار بقوه وابتسمت وكملت وسحبت ميار وبدو يتمايلون ويرقصون على منار شاركتهم الرقص وبدو يتضاحكون ويرقصون برقصهم ويتضاحكون وقفو لما سمعو الاغنيه تغيرت لزفه كلهم وقفو نطقت الجادل : اسمعو الحين انا العروس وانتو تزفوني
هزت راسها منار راحت الجادل للباب على اساس انها بتنزف وميار عادت الزفه من البدايه قربت لسرير واخذ الغطاء المفرش وتقدمت للجادل وحطته على راسها اخذت منار الورد الي بالفازه ومدته لها ورجعو يوقفون عند الاغنيه وبدت تمشي بهدوء الجادل جايتهم الين قربت عندهم وسلمت عليهم بتكبر ميار : شايفه نفسك ما ردك الا صيتان ولد جارنا ضحكت منار بقوه على ميار وناظرت بالجادل الي تمشي ولا همها جا ببالها الي ركبت معاه كيف ناظرها وكيف كانت تتكلم وكانه شخص تعرفه بلعت ريقها ولفت تكمل مشيتها
——-
بالصاله
نجلاء كانت مطنقره على عقاب ولا تكلمه واثمار مستغربه
امها لفت لابوها : اثمار روحي نادي لي روان
وقفت دخلت غرفه روان ناظرت روان فيها باستغراب
اثمار: ابوي يبيك تحت
روان وقفت باستغراب ونزلت تحت بالصاله ووراها اثمار توسطت الصاله وناظرت بامها الي لفه وجهها للجهه الثانيه وابوها الي واضح بوجهه هم غريب ناظرت روان فيهم : سلام فتح يدينه عقاب : تعالي يابوي هنا
تقدمت روان له وجلست بجنبه حضنها بكتفه وناظر فيها
لفت روان لاثمار وبلعت ريقها وناظرت بابوها : سم
عقاب : انتي بنيتي وبتبقين قريبه مني مهما كانت الديار بينا كثيره ببقى معك واتواصل معك واشوفك واجيك انا يابوك جوني خطاب وخطبوك مني والرجال خوذيها مني انا رجال بمعنى الكلمه لو ماهو عاجبني ماقلت لك ورفضته بدون ما اعطيك خبر بلعت ريقها روان تناظر بابوها بتلت تناظر تفكر بفيصل معقوله خطبوني ناس وابوي موافق عليهم ناظرت تحت سهت بتفكيرها بخوف وتوتر
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
