طق المكتب سمح له بالدخول سهم
دخل مشعل وقرب لمكتب سهم : سهم في مووضوع لازم تشوفه
قام سهم : شصاير
مشعل : تذكر الي وظفته قبل فتره
سهم هز راسه : اي؟
مشعل :طلع ما يكتب ارقام حقت الزوار والمرضى صحيح
ضرب بيده الطاوله سهم بعصبيه : جيبه الان عندي
لف مشعل وطلع يناديه
بعد ٥ دقائق تقريباً..
دخل جمال: السلام عليكم
رفع راسه سهم له : انت عارف وش مسوي انت تعرف وش كبر غلطك ؟
جمال: توقعت مو مهم
وقف سهم وقرب له وصارخ : كيف مو مهم كيففف وانا اكدت لك قلت كل شي تكتبه صح !!
جمال: انا اسف
سهم : وش بيسوي اعتذارك هاه وش بيسوي
جمال : خلاص اخر مر..
سهم : تعقبب تبقى عندي دقيقه رفع اصبعه للباب اطلع انت مطرود
توتر جمال وتقدم له يترجاه : انا اسف قسم اني انتبه الله يخليك وين اروح الحين
سهم ناظر فيه : والله ماتبقى اطلع الان الان لا اشوفك
جمال : الله يخليك انا عندي ولد من وين بصرف له
دخل مشعل وهو سمع اخر جمله لجمال: يلا جمال اطلع صدقني مافيه مجال لك لاتحاول
ناظر جمال لسهم : انا اسف
طلع جمال يسحب رجوله يظف اغراضه
تقدم سهم وجلس بكرسييه: قسم فوضى فوضى
مشعل جلس مقابله
سهم رفع عينه له: شفت الرجال مامسك شغله زين بتجيب لي مره تمسك حسابات المستشفى بعد !!
مشعل نزل عينه مايدري كيف يغير نظرية سهم ذي: سهم انت ما جربت حتى خلنا نجرب نحطها تحت التدريب فتره
قام سهم : افكر بالمووضوع انا بطلع تاخرت على الغداء
ولف لمشعل : وانت اطلع بعد تغدا
هز راسه مشعل وطلعو برا المستشفى
—
بعد الغداء جالسين يشربون شاهي
اثمار وهي ماسكه بيالة الشاي : يبه اليوم قالو لي اني ادور مكان اتدرب فيه
انتبه لها عقاب : اي زين يابوك دوري مكان انتي وامك بكرا
هزت راسها اثمار : اي بكرا بغيب ان شاءلله ف يمه ندور انا وانتي
نجلاء : ان شاءلله بس ننزل روان نروح ندور
لفت روان : شرايكم اغيب بكرا وادور معكم
نطق عقاب : لا يابوي روحي ادرسي وشدي حيلك
لفت اثمار لروان : صدقيني بتطفشين
نجلاء : اكيد بنص الروحه تقولين رجعوني مليت وترا ماراح نلقى بسهوله
هزت راسها روان ولفت تتابع التلفزيون
———-
الجادل وهي تمد لهم الشاهي وقفت عند صقر وكان اخر شخص وجلست
منار لفت للجادل : اليوم اشوفك جيتي بدري كم عندك محاضره ؟
الجادل : عندي ١ والثانيه اعتذرت امس
ميار نزلت كاسة الشاهي بطاوله ومدت رجلها تدلكها احس متكسره من عزيمه هالحمار ذا
لف صقر : احد قالك تلبسين كعب طول سعود مرتين
ميار رفعت يدها له : ياخي انت شعرفك بالكشخه
الجادل لفت لصقر : ترا امس اكثر من تعب منار وميار
صقر : وانتي وينك
الجادل : اسولف مع البنات
ميار : اصلاً الجادل اذا شافت السواليف سحبت على الشغل لو كان بيدها تتركه
هزت راسها بتأييد منار : صدق لاحظتها بوقت العزايم حقتنا طبعاً تسحب علينا وعلى شغلنا
ام صقر : لا والله كلكم تتعبون وتشتغلون وتسووون
شغلكم على اكمل وجه الله يحفظكم يارب
كلهم امين
اتصل جوال صقر ووقف
أنت تقرأ
"خذني على قد الوله واشتياقي ترا الكرم بالحب حاجة عظيمة"
Historia Cortaمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
