بالجامعه
الدكتوره : وبكذا نوصل لختام محاضرتنا اسأل الله لكم التوفيق والبركه وين ماتروحون
رفعت راسها الدكتوره تذكرت على طاري التدريب: بنات ترا قليل الي جابو لي اماكن الي ماتجيب بختار لها انا ويصير تتدرب فيه
احد الطالبات : استاذه كم يوم التدريب ؟
الدكتوره: بيكون ٣ شهور ترم كامل لازم تعطوني رقم تواصل للمكان التدريبي حقكم اي سؤال ثاني تفضلو لمكتبي الان تفضلو انتهت المحاضره
طلعو الطالبات وتبقى اثمار وكم بنت
تقدمت اثمار لاتجاه الدكتوره
اثمار:دكتوره بغيت اسالك
رفعت راسها الدكتوره وابتسمت :تفضلي
اثمار : انا ابي ادور لي مدرسه يمدي ؟
الدكتوره :اي تقدرين بمدرسه بس ليش مدرسه وانتي تخصصك محاسبه
اثمار : صح بس انا ابي شي قريب لي مابي البعيد
الدكتور : براحتك ماعندنا مشكله بس تجبين لنا رقم تواصل نتواصل مع المكان
ابتسمت اثمار براحه :تمام ابشري ..
وطلعت برا القاعه ..
طلعت جوالها بترسل لسمو
استغربت الي تناديها ولفت وضحكت: ياحماره تو برسل لك
سمو وهي كانت تنتظر عند باب القاعه : شبتقولين
اثمار : خلصت وبشوفك بجلس معك
سمو : اي انا بعد خلصت ومابرسل لسواقي
هزت راسها اثمار وبدو يمشون للكراسي وجلسو على طاوله
سمو : كيف عزيمتكم
اثمار : مره تجنن تخيلي البنات الي كنت اكره اطلع معهم طلعو غيررر
سمو : ماشاءلله
اثمار تذكرت : بعزمهم ان شاءلله قريب
سمو : صدق لازم تردين العزيمه
هزت راسها اثمار : وش ودك نسوي فعاليات
هزت راسها بالنفي سمو : مدري والله فكري انتي وروان افضل
اثمار : وانتي ليه ماتفكرين معي
سمو : شدخلني بعزيمتك خليني بعزايمي بس
اثمار : افاا هذا وانا خططت معك بدون ما اقول لروان
سمو : انتي تعرفين البنات انا ماعرفهم
اثمار : كيف يعني ماراح تجين؟
هزت راسها بنفي: لا خالي ابو فيصل بيجينا هالايام
اثمار :لا لا تكفيننن
سمو : والله ما اقدر
اثمار: اجل بكنسلها يوم ثاني
سمو : لاوالله ماتكنسلين شي
اثمار : ترا ماجهزت ولا سويت شي حتى اهلي ماعندهم علم
سمو : انتي شووفي روان وماعليك اذا ماقدرت هالمره يمدي الجايات
اثمار: اجل بشوفهم وان شاءلله يمديك
سمو هزت راسها بدت تقول لاثمار عن ايامها
—
الظهر
منار نزلت جوالها بعد ما قال لها صقر برا وقربت تسكر جزمة سعود يكرم القارى سكرتها ووقفت مسكت يده : يلا يامي
طلعت برا وكان صقر واقف قدام الباب ونازل منه قرب وسلم على راسها وباس سعود وركبو السياره
بسياره
منار : والله زعلانه عليك ياصقر
صقر: افا ام سعود ورا؟
منار : يعني انا قريب بيتي عندكم ورا ما تسير علي
لف صقر لها : والله معك حق بس تعرفين ياخي ابوي كارفني بالدو..قاطعته
منار رفعت يدها لراسها : ابوي كارفك ! :ياشيخ ابوي انكرف منك
ضحك صقر : يعني توصلك علومنا
ابتسمت منار : على الهواء مباشره بعد
الجادل وهي تنزل وعلى نزلتها وقف باص ميار ودخلو البيت
ميار لفت للجادل: اسمعي اقوى ماعندك نركض لفوق
الجادل ضربت يدها ببعض: شايفتني فاضيه لك الشمس ضاربه راسي وتبين اركض
ومشت للغرفه متجاهله ميار
ميار ناظرت فيها : حمدلله وشكر
لفت بتكمل لدرج واوقفها صوت الجرس عرفت انها منار
قربت للباب وطلعت برا وفتحته لهم وحضنت منار
ميار وهي حاضنه منار: اووف مشتاقه لك حيللل حيللل
بادلتها الحضن منار : وانا اكثر بعد
دخل صقر : امس شايفين بعض ترا
ميار بتأفف : غيران غيران
صقر :اي ماشاءلله احضنو بعضكم وانا لي الله
وقرب لهم ضمهم بكتفه : وانا بعد مشتاق لكم حيلل حيلل
ضحكت ميار عرفت انه سمعها : وجعع قاط اذنك عندنا
رفع راسه صقر وابتعدت عن منار : وين قاطها صوتك سمعه جارنا ابو صيتان
كشرت ميار وضحكو عليها دخلو داخل
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
