طق الباب مره ثانيه فتحت بنت بالثانوي تقريباً الباب متغطيه كامل ناظرت بسهم والدكتور وفتحت الباب بقوه دخل سهم ووراه الدكتوره واثمار ورا الدكتوره ناظرت البنت باثمار وعبايتها باستغراب انتبهت اثمار لنظراتها وسكتت تناظر فيها لف سهم يناظر باثمار : اثمار
لفت له اشر لها تجي حوله قربت ووقفت قريب بشوي جنبه قربت البنت وقفت بينهم ناظر سهم فيها : سمي شبغيتي
البنت بخوف ابوها يسمع: ابعد لو سمحت بدخل
سهم ابتعد واثمار باقيه مكانه دخلت البنت ونظراتها كلها على اثمار تحت استغراب اثمار من نظراتها لفت لدكتوره الي تفحص ام فاطمه الكبيره والدكتور يفحص ابو فاطمه
الدكتور: ياعم تاخذ ادويتك؟
ابو فاطمه : اي وانا ابوك اخذها
الدكتور : اخذت حبوب الانسولين؟
ابو فاطمه : ماعرف بنيتي تعطيني ادويه مدري عن وش
الدكتور : عادي تجيبها لي ؟
ابو فاطمه : فاطمه ، يافاطمه
تركت الي بيدها فاطمه وقربت لابوها ناسيه تغطي يدها
ابو فاطمه ناظر فيها بغضب : غطي يدتس
فاطمه بخوف انتبهت ليدها رجعت للمطبخ تاخذ قفازها قربت لابوها ساكته
ابو فاطمه : عطيني كيس الادويه
قربت فاطمه للكيس ومدته لابوها مد يده بياخذه واخذه قبله الدكتور ناظر ابو فاطمه بصدمه من حركه الدكتور
الدكتور مانتبه لنظراته اما فاطمه خافت ورجعت لغرفتها تسكر الباب عليها بخوف من ابوها
ناظر سهم بمعامله الابو لبنته وكيف عندهم غلط البنت تتكلم غلط البنت يبان شي من جسمها يدها او رجلها
يعقدون البنت
اثمار تناظر بقهر من حركات الاب اتجاه بنته ماكانت تعرف ان فيه احد يعامل بناته مثل كذا ولا توقعت بتشوف يوم من الايام مسكت يدها بقهر
الدكتور : اي تستخدمها ياعمي
ابو فاطمه سكتت عنه
بالغرفه الي بجنب الدكتوره نادت اثمار ناظرت اثمار بسهم : اروح؟
سهم : اي اكيد
دخلت اثمار لها
الدكتور : سكري الباب سكرت الباب اثمار
الدكتوره ناظرت باثمار : ابي تساعديني
اثمار : ابشري وش ودك
الدكتوره : قربي ، قربت اثمار ناظرت بالي مدته الدكتوره جهاز السكر ناظرت اثمار فيه تجهله
الدكتوره همست لاثمار : مرتفع بزياده لازم نزله لها
اثمار : مشكلتي اجهل وش اسوي ؟
الدكتوره : جيبي ابره انسولين جديده من عندي
اثمار جابت نفس ماقالت تاكدت الدكتوره قبل تدقها بالام
الام بالم : مافي علاج عن السكر
سكتت الدكتوره ناظرت اثمار بعيون الام بألم من حالهم
اثمار : ادعي ربك ياخاله مافي شي يصعب على ربي
الدكتوره : فعلاً
طلعت برا اثمار وناظرت بوقوف سهم مع الدكتور التفت لها سهم : خلصتو؟
اثمار لفت للغرفه ناظرت بخروج الدكتوره لفت لسهم : ايوا
سهم : يلا افتحي ملف١
فتحت اثمار كمل سهم وملاها اسماء الام والاب : عطيهم يوقعون قربت اثمار للاب مدته له ناظر الاب فيها مصدوم منها كيف تتشغل مع رجال!
وقع بدون يقولها شي
اخذت الملف اثمار وراحت للام وقعت وطلعت من الغرفه تناظر بسهم مشى سهم وجنبه الدكتور ووراه اثمار والدكتوره وطلعو برا
سهم قربو لبيت قريب وطقو الباب فتحت الباب مره ب الاربعين تقريباً ناظرت بسهم والدكتور
سهم : جينا عشان الفحص
سعاد : اي اي تفضلو حياكم
ناظر سهم بعدم وجود رجال حولها ناظر فيها : موجود احد ؟
سعاد: مافيه غيري وغير بناتي
وقف سهم ومسك الدكتور لا يدخل ناظر باثمار والدكتوره : انتم ادخلو لهم ناظر باثمار : لاتنسين خليهم يوقعون
اثمار هزت راسها ودخلت مع الدكتوره
دخلو داخل ناظرت اثمار بالبيت والغرف وقفت وسط البيت مع الدكتوره ناظرت الدكتوره بالبنات الي يتهامسون فيهم طلعت سعاد من غرفه : تعالو هنا
قربت اثمار ودخلت للغرفه قربت بتدخل الدكتوره لفت تناظر بنظرات من البنات ناظرت باثمار : يعني اول مره يشوفونا؟
اثمار: مدري عنهم وقفت تناظر ببساطه الغرفه ساكته
ناظرت بسعاد جايه لهم وجلست على الارض ناظرت بالدكتوره : لو اقولتس اني اعاني معاناه
الدكتوره : من وين تعانين؟
سعاد : من بطني
الدكتوره استغربت شوي كملت سعاد: تعبت ما اكل شي ولا اقدر اشرب حتى المويه
الدكتوره : طيب عادي تصير هالمشكله اذا انتي اكلتي شي بارد يعني له اسباب الم البطن
سعاد : اقولك ما اكل ابداً
دخلت بنت لسعاد صغيره : يمه
سعاد ناظرت فيها كملت : وين عصيري والبطاطس ليكون اكلتيهم؟
سعاد ناظرت بفشله ببنتها اشرت لها تروح رجعت البنت الصغيره لخواتها تبكي
كتمت ضحكتها اثمار ناظرت الدكتوره باثمار كاتمه ضحكتها
اثمار هزت راسها لها ناظرت الدكتوره بسعاد : في شي ثاني ؟
سعاد بدون تناظر فيهم : لا
ناظرت اثمار بالدكتوره : خلاص خليها توقع
مدت الملف لسعاد ووقعت طلعو اثمار والدكتوره برا الغرفه الدكتوره لفت لاثمار : ماتعرفنا
اثمار مدت يدها : اثمار عقاب
الدكتوره : وسن
اثمار : تشرفنا وسن
وسن : الشرف لي
طلعو برا ناظرت اثمار بسهم والدكتور ينتظرونهم
قرب سهم لاثمار : وقعت؟
اثمار : ايوا
سهم : يلا باقي بيتين ونرجع خلاص
مشو ورا بعضهم للبيت بعيد شوي عنهم وقف عنده طق الباب وفتح ولد بالعشرين تقريباً : ارحبو لف لابوه الي بالصاله : يبه الدكاتره جو
وقف الابو وقرب لهم : حياكم الله حياكم
دخل سهم وهم وراه
لف الولد لابوه : يبه معهم حريمهم
ناظر سهم بالدكتور مصدومين
الابو : عبيدالله دل الحريم لامك وخواتك
سهم ناظر بالابو بيتكلم قاطعه الاب قبل لايتكلم : افا ياذا العلم جايب حرمتك عندنا سكتت سهم بفشله منه
ابو عبيدالله ناظر بالدكتور لان الدكتوره واقفه وراه بس بعيد شوي توقع انها زوجته : ماعاش رجال يخلي حرمته معه ناظر بلبسها : اقلها لبسها عباتها مثل هذا اشوا منك
ناظر سهم فيه بصدمه
لفت اثمار تشغل نفسها من كلامه تفشلت انها دخلت بيتهم توقعت مثل الي جتهم قبلهم لكن طلعو متعافين ناظرت بالدكتوره الي تناظر فيهم ومتفشله منهم كيف يتكلمون عنها كذا وعن لبسها ماعمرهم يعني شافو دكتورات او ممرضات مثلها
ابو عبيدالله ناظر بولده : عبيد خذهم لاهلك ماتفهم
تكلم سهم بصوت مرتفع يسكته: هذولا متطوعين جايين معي لكم ماجاكم خبر؟
ابو عبيدالله : وان كانو متطوعين تجيب حريم! مسك راسه : لايجون احد من الرجال يشوفهن بوسط مجلسي
سهم ناظر فيه : وين الي طلبتونا عشانهم؟
ابو عبيدالله : موجودين هنيا
سهم : ممكن تشوف لنا درب نجيهم؟
ابو عبيدالله: بتدخل لهم؟
سهم : اكيد!
قرب عبيد الولد بيمر وناظر باثمار مشى من جنبها يناظر فيها اعجب بعيونها ووقوفها حولهم مشى للقسم الي موجود فيه خواته وامه
لف سهم لاثمار الي تناظر بالجدار الي جنبها وساكته
طلع الولد ونظراته لاثمار حس سهم بنظراته لها
عبيد : تعالو هنيا
لفت اثمار كانت اقرب هي والدكتوره لانهم ورا سهم والدكتور كانو لفو بيمشون البنات وقفهم صوت سهم : انتظرو
قرب سهم ومسك الولد من كتفه يسحبه عن الباب : بيمرون!
عبيد : وانا ساد الطريق !
سهم : واقف حول الباب
عبيد سفهه يناظر بدخول اثمار للقسم اهله مسك فكه سهم : ابوك مارباك فعل؟
عبيد : كيف
سهم : انتبه لنظراتك!
عبيد : مسوي تغار ؟ لو انك تحبها ماوظفتها عندك!
ضغط على يده سهم بقوه من كلامه مشى عنه ودخل وراهم بدو يفحصون ويوقعون بعد مده طلعو برا ناظر سهم باثمار والملف بيدها
الدكتور : باقي بيت وين؟
سهم : بقول لمشعل يروح له خلااص نرجع
مشو للمكان الي موجودين فيه قرب سهم لمكتبه وجلست اثمار على مكتبها تناظر بالربيع الي حولهم وقفت بتطلع وتذكرت كلام سهم رجعت توقف عند مكتبها : ابي اروح اتمشى
سهم: بأي جهه؟
اثمار : هنا حولنا
سهم : لاتبعدين
اثمار : تمام طلعت برا تتمشى ناظرت بالورود الموجوده : اخخ قربت للورود تناظر فيها صورت صوره وارسلت لامها ارسلت نجلاء : كيف وضعك؟
اثمار : تمام التمام
نجلاء : حلو انتبهي ولا تبعدين عنهم
اثمار لفت تناظر انها شوي عنهم مو مره ارسلت لامها : ابشري
ناظرت باذان الظهر الي من زمان تقريباً نص ساعه
: اح نسيتت ياربي
فتحت جوالها تناظر بالقبله وين بهالمكان عرفت قفلت جوالها عدلت نفسها نزلت جزماتها وبدت تصلي بين الورود
انتبه سهم ان اثمار مو حولهم ناظر بحوله ماشافها اخذ جواله بتردد يتصل عليها اتصل ماترد اتصل من جديد خاف يكون صاير لها شي
بدت بتشهد الاخير اثمار تحت اتصالات جوالها
سهم نزل جواله ومشى يدورها من بين الربيع حولهم وقفت اثمار تناظر بجوالها سهم من بعيد شوي عنها : اثمار
لفت اثمار له بصدمه
سهم قرب لها : اتصل عليك ماتردين!
اثمار بتوتر تناظر انه قريب عندها ولا حولهم احد : كنت اصلي
سهم : تصلين وش ؟
اثمار : الظهر!
سهم ناظر بالساعه مصدوم : فاتتني
اثمار : صل هنا القبله كذا اشرت للقبله
لف سهم : طيب خليك هنا لاترجعين
اثمار : ليش قريب المكان
سهم : بس ماني موجود! شقايل
سكتت اثمار لف سهم وبدا يصلي
بدا بالتشهد الاخير واثمار تناظر فيه لف سهم يسلم من الصلاه لفت اثمار تناظر بالورود الي جنبها وقف سهم يلبس جزماته يكرم القارئ
ناظر سهم فيها عند الورود : يمدي تاخذين ورد
اثمار بدون تلتفت : حرام اخربها
سهم: خوذيها ذكرى
اثمار : ودي
سهم : بنرجع وانا اقولهم يجيبون
اثمار سكتت بدون ترد
مشى سهم قدامها راجع وهي وراه تمشي رجعو للمكان ووقف سهم اول مادخل يناظر بمشعل كيف منضغط لف لاثمار : جيبي ملف ٤
اثمار مشت من جنبه تروح لمكانهم اخذت الملف ولفت لمشعل تمشي له قربت قريب لهم واشرت بالملف لسهم
سهم : زحمه عنده ف بنساعده
اثمار : تمام
لف سهم يرجع يفتح شنطته ياخذ الابكوت حقه لفت اثمار تناظر فيه كيف لبس الابكوت فوق ثوبه لف سهم بيرجع ولفت اثمار عنه قرب سهم لمشعل وبدا يساعده واثمار قريب منه بالملف تقول الاسماء وتوقعيهم
العصر
وقف سهم بتعب ناظر فيه مشعل : ياولد متعب اكثر من الي قبلهم
سهم : صح كثارين ماشاءلله
مشعل : جوعنين؟
سهم : اي ماكلنا شي
تذكرت اثمار انها ما اكلت من مده طويله سكتت بدون ترد عليه
مشعل : بروح لمطعم قريب بطلب لنا سندوتشات
سهم : بجي معك اساعدك تذكر اثمار لف لها : بنروح لا تطلعين ابد الين تقولين لي طيب؟
اثمار هزت راسها
مشعل باستغراب من سهم: كيف؟
سهم : ابوها امنها عندي ومابي تطلع بعيد
مشعل هز راسه ومشى قبل سهم
ناظر سهم باثمار : لا تطلعين
اثمار بهمس: طيب
مشى سهم مع مشعل يدورون مطعم قريب
مشت اثمار لمكتبها وجلست على كرسيها حطت يدها تحت فكها تناظر باالاهالي الي يجون ويفحصون صغرت عيونها تناظر فيهم : معقوله مايمديكم تجون للمستشفيات بالمدن ؟ وش يحدكم تمرضون وتتحملون لفت وجهها تناظر بالمراه الي تناظر فيها واقفه وقفت اثمار وتوجهت لها : خلصتي؟
المراه : انتظر دوري بس قالو استراحه
اثمار : اي بنفطر
المراه ناظرت باثمار
اثمار وقفت بجنبها: بسالك
المراه ناظرت فيها كملت اثمار : وش يحدكم تتحملون المرض
المراه ابتسمت لاثمار وكلمتها : تحسبيننا من انخلقنا اغنياء ؟ ولا تحسبين ابوانا معتمدين على انفسهم قبل يجيبونا؟ احنا تقعد فينا الفلوس مانقدر نجي للمدن
سكتت اثمار تناظر فيها كمملت المراه : حنا نحط املنا بانفسنا اننا نكبر ونتوظف يصدمونا يبخرون كل امالنا واحلامنا ويزوجنا واحد من الجيران القريب تدرين ليش
سكتت اثمار تناظر فيها : عشان مانبتعد عنهم ! وعشان العادات عندهم عيب تتوظف عيب تكمل عيب تاخذ شخص من بعيد ! هذا احنا ننقهر بداخلنا ونسكت
اثمار لفت بعيونها بعيد تناظر انتبهت لدخول سهم
لفت المراه تناظر محل ماتناظر اثمار : زوجك؟
اثمار لفت لها : لا !
المراه : يمكن انا الوحيده والي هنا بعمري افهم انك تشتغلين معهم لكن شوفي الشياب كيف يحسبونكم زوجاتهم
اثمار : اي شفت يفشلون
المراه مدت يدها : انا انهار
اثمار مدت يدها لها : اثمار
ابتسمت المراه : نتشابه بالاسماء
ضحكت اثمار: اي مره
قرب سهم لاثمار وابتعدت انهار عنهم مد الكيسه لاثمار اخذت الكيس تمشي لمكتبها ناظرت بالعصير كان واحد استغربت اذا هو ناسيها نزلت الاغراض على مكتبها فتحت السندوتشت وبدت تاكل وهي واقفه من الجوع
قرب سهم واخذ سندوتشت ناظر بالعصير لف لها : ترا لك
اثمار : وانت؟
سهم : مااحب اشرب عصير وانا جوعان
اثمار قربت له فتحت كيسه العصير وطلعته ناظرت بالعصير كان بدون مزاز تأففت اثمار بدون تلف له : بدون مزاز
سهم ابتسم : خلاص بتتركينه؟
اثمار : اي كيف اشربه !
سهم بدون يناظر فيها طلع مفتاح سيارته من جيبه ودقه بمكان المزاز : حليتها
اثمار بصدمه : لاعاد مو كذا ناظرت اذا احد ناظر ب حركته لفت له تناظر فيه ياكل ومعطيها ضهره بدون يلتفت قربت اخذت العصير رجع سهم وجلس على مكتبه يكمل جلست اثمار على مكتبهاا وبدت تشرب العصير
خلص سهم وقف بكيسه السندوتشت معه واخذ الكيس الي جابها فيه ورماه فيها
ناظر سهم بمشعل الي بدا بشغل لف لاثمار ناظرت اثمار فيه وهي باقي تاكل
سهم : بروح لمشعل واذا خلصتي جيبي ملف ٣ وتعالي
اثمار هزت راسها وكملت تاكل
مشى سهم لمشعل ودخل عنده
ابتسم مشعل له وبدو يشتغلون
سهت اثمار تناظر فيه كيف يضحك مع مشعل ويتكملون ويتناقشون مع بعض رفع عيونه سهم يناظر فيها اذا باقي موجوده لفت اثمار بسرعه عنه تكمل تاكل
سهم همس : يابرودك بالاكل
مشعل : وين اثمار
سهم : تاكل
مشعل : منجدك ؟ جايب لها سندوتشات كثير؟
سهم : لا وحده
مشعل : بارده
سكت سهم وكملو شغل
الليل
الساعه ٩ مساء
ظلام حول القريه ومشغلين الانوار حولين مكانهم
وصوت الكلاب صراصير الليل قويه حولهم
وقفت اثمار عند مكتبها تتثاوب بتعب لكن ماودها تنام ابد الين يمشون الفجر
خلصو سهم ومشعل وبدو الاهالي يطلعون من المكان
قرب سهم للمكتب يتثاوب
ناظر باثمار تعبانه لكنها تحاول ماتبين انها تبي تنام
سهم : في شقق بنروح لها نام وبدخلك بشقه مع الدكتورات
اثمار وقفت : طيب
مشى سهم واثمار وراه قرب سهم لدكتورات الي مجتمعين حول البوابه وسن لفت لاثمار ابتسمت لها : اثمار
اثمار ناظرت فيها مدت يدها وسن لاثمار تحت انظار سهم مسكت يدها اثمار وابتسمت لها من تحت نقابها
سهم : بتكون معكم بالغرفه
وسن: اكيد
سهم : تمام بنروح بالباص لشقق القريبه
وسن : تمام ناظرت باثمار وهي باقي ماسكه يدها
لفت اثمار بضيق تحس اشتاقت لاهلها ناظرت بيدها تمسكها وسن فكت يدها اثمار من وسن تحت استغراب سهم ووسن تذكرت اثمار انها كانت تمسك يد روان بأي مكان يروحون ولا ودها احد يسوي هالحركه لها غير روان
قرب مشعل لسهم وناظر فيه : مشكلتي انام مع واحد مزعج بنومه
سهم ابتسم لمشعل : شايل هم كيف بنام منك ومن ازعاجك وسواليفك بنوم
مشعل : اذا شفتني اسولف جهز لك قهوه واسمع سواليفي
سهم ضحك ضرب يد مشعل : ماقدرت اتحمل سواليفك وانت صاحي بتحملها وانت نايم!
ضحك مشعل ولفو لصوت الباب الي جاي لهم
ركبو ومشو لشقق القريبه
في خيال اثمار ان الشقق كبيره او فخمه مثل ماهي متعوده لكن اول ماوصلو لها ناظرت اثمار بصغر المبنى عقدت حواجبها باستغراب تحسبهم مضيعين
ناظرت اثمار بوسن الي جت لها وقفت اثمار عشان ينزلون مدت يدها وسن تنهدت اثمار تناظر بيد وسن مدت يدها تمسكها ونزلو لشقق
لفت وسن لاثمار: ترا يوم اهتم فيك لانك اول مره تجين يوم اول مره جيت مثلك كنت ضايعه
اثمار ابتسمت لها : تسلمين وسن
وسن : شدعوا
لفت اثمار وناظرت فيهم كلهم نازلين طلع المسؤول عن الشقه وكان شايب الشقه كانت شبه متهالكه دخلو داخل ناظر سهم بالشقتين الي جنب بعض شقه له هو والعيال وشقه للبنات بجنبهم لف لوسن الي ماسكه اثمار ويمشون بالسيب عرف من نظرات اثمار انها مستغربه ومتقرفه من المكان وقف عند الباب ينتظرهم يدخلون دخلت الغرفه وسن ووقفت اثمار تناظر بسهم : مافيه مكان غيره
سهم : مافي غير ذي
اثمار مسكت كتفها تمسح عليه : وصخه
سهم : تحملي
دخلت اثمار الغرفه ووقفت عند الباب تناظر بالغرفه ماكان فيها سرير ولا شي كان بس فراش على الارض واغلب الدكتورات جايبين فراشهم معهم ماعدى هي ماكانت تعرف قربت وسن لاثمار تناظر فيها واقفه عند الباب : شفيك؟
اثمار: متقرفه من المكان
وسن: وصخ بس شنسوي مافيه غيره بالقريه
اثمار : نرجع طيب!
وسن : مايمدي نبي نرتاح الوقت راح
اثمار : نمشي الفجر يعني مافيه فرق
وسن : اقلها اخذو العيال غفوه عشان يصحصون بالسفر
اثمار وقفت : بتحمل مابنام حتى فراشهم وصخ اكيد
وسن تنهدت : والله ماتقدرين الساعه الحين ١٠ واحنا اذا بنمشي ف بنروح على ٤ كذا اعرف
اثمار تحس بتنفجر من كل شي حولها ناظرت فيها : كيف انام والله قرف
وسن : انا معاي فراش جايبته ف بنام عليه انا وانتي
اثمار سكتت
وسن : ارفعي نقابك خلاص مافيه احد
نزلت عباتها اثمار ولفت النقاب والطرحه بالعبايه ومسكتها ناظرت بوسن الي تفرش قربت اثمار وساعدتها بس انها ماسكه عباتها ماتبي تنزلها انسدحت وسن ولفت لاثمار واشرت بجنبها : نامي هنا بلف يسار وانتي يمين
اثمار انسدحت بجنب ولفت لوسن : شكراً
وسن : لاتشكريني
اثمار ابتسمت لها انسدحت تنام بفراش وسن براحه لانه نظيف بس الي قهرها ريحه المسك بالفراش قويه شالت هم بكرا كيف بتقدر تمشي حول الرجال والمسك فيها
تنهدت بقوه ونامت
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
