ناظرت اثمار برساله سمو تعدتها دخلت على رقم سهم ناظرت برسالته واسمه : قايله انا ماتصدقون تسوون قروب حظرت رقمه وحذفته من الدردشه عندها : مستحيل بتواصل معك لو ايش بيصير سكرت جوالها وكملت تشتغل
-
ناظر عبدالرحمن بمنار الي خلصت من المكالمات
عبدالرحمن : خلصتي حجز؟
منار : قسم تعبت
عبدالرحمن : ارتاحي
منار : باقي الحلويات ماكدت عليهم
عبدالرحمن : كلهم عند اهلك؟
منار : لا عند الي خاطبينهم
عبدالرحمن : حلو
منار : اي بس بيكبرونها
عبدالرحمن: حلو
منار : انت تسلك لي؟
عبدالرحمن : لاوالله
منار : واضح وقفت : اصلاً مدري وش جلسني عندك
اخذ نفس عبدالرحمن ناظر بسعود يلعب
-
الساعه ٩
وقفت الجادل تناظر بابوها وصقر لها يوم ونوص مانزلت لهم مشت دخلت الصاله : سلام ردو السلام
جلست جنب امها : يمه خلصتي كل شي؟
ام صقر : اي الحمدلله
ميار : ليه مارحتي لسوق معنا؟
الجادل : مالي نفس وعندي اصلاً
هزت راسها ميار رفعت راسها تناظر بصقر الي يناظر فيها استغربت نظراته وقفت ودخلت غرفتها
الساعه ١١:٣٠
طق الباب ناظرت الجادل بميار الي نايمه استغربت وقفت فتحت الباب ناظرت بصقر: سم؟
صقر : تعالي ابيك تحت
الجادل : ليه؟
صقر : مافيه شي بس بسولف معك
الجادل بستغراب سكرت الباب ومشت معه
بالصاله
جلس صقر بجنب الجادل ناظرت الجادل فيه : كذا بتخوفني
صقر ابتسم : ييالليل ابي اصير الاخو المثالي
الجادل ابتسمت له : يوم بتملك تذكرت تصير
صقر : اسمعيني
سكتت الجادل تناظر فيه
صقر : ليه شايله هم من خطبه ماهر لك رغى يجيك كثير غيره وترفضين وانتي تضحكين بس هو تختفين عننا سبب؟
لفت بوجهها الجادل ماتعرف تجاوب له هي فعلاً ليه خايفه ؟ ليه متردده ؟ لفت له : شوف مو قصة اني متررده بالعكس كل مااستخرت احس نفسي موافقه عليه بس الي مخليني اتردد ليش جاء ابوه بعدين جاء معاه؟
حط يده بكتفها : طيب بقولك ليش خطبك مرتين وبعدها قولي لي
هزت راسها الجادل كمل صقر : ماهر وده يوم يجي يخطبك يجي هو وابوه مع بعض ويكون ابوه مو طمعان
عقدت حواجبها : طمعان؟
صقر : اي تخيلي ماهر ماجاء اول مره لانه انقهر من ابوه انه جاء يخطبك له لانه طمعان ماهر ماوده يخطبك مثل كذا
الجادل : وليه جاء بعدين مع ابوه؟
صقر : لانه فكر انه ياخذك ويوقف ابوه عن طمعه
الجادل : كيف
صقر : شوفي انا الحين بقول هالكلام لكن صدقيني ماتلقين اخو يقول كذا عن اخوه واخته ماهر يبيك وشفنا هالشي فيه ف قلنا ياخذك ونوقف ابوه سوا احنا
سكتت الجادل
صقر : والله صدقيني يبيك ولو ماشفت هالشي فيه ماجيت قلت لك ودامك استخرتي وتبينه ليه التردد؟
الجادل هزت راسها سكت صقر يناظر
وقفت الجادل ومشت لدرج تناظر فيه همست : موافقه
مشت لغرفتها سكرت الباب
صقر رجع ظهره ورا : الله عليك ياصقر بتجمع راسين حلال انشهد انك ذيب
ارسل صقر لماهر وبلغه بموافقتها
-
الصباح
انفجر راس اثمار من الاتصالات صحت تناظر برقم سمو
اثمار: قسم بالله لاجيك افجر راسك
سمو : مافيي وقتتت مافيييي
اثمار: الصبح الصبحح ياحيوانه ااصبح
سمو: تعالي تكفين متوتره احس الوقت راح مايمدي اسوي شعري ولا شي
اثمار: لاتقولين بتسوينه الحين
سمو: والله اذا ماجيتي بسووي كل شي من الحين
اثمار: انتظري بس اقطع شعرك
سمو : فداك تعالي
-
سعد : قوم قوم
صقر ناظر بابوه: يبه
سعد : قم جهز اقول
جلس صقر ناظر بابوه
سعد : قسم اذا ماشفتك قدامي اقتلك
تحت
جلست الجادل تناظر بميار : بنفطر ونقوم نجهز ومنار بتجي
ام صقر : كلمتو المناسقات ينسقون البيت؟
الجادل: اي منار كلمتهم واتفقت معاهم
ام صقر : الله يتمم يارب
نزل صقر مع ابوه وبدو يفطرون
سعد : بنروح نشرف على البيت قلت يجبون جلسات برا ومداخل
صقر : ابشر
سعد : والتمر الي امس ذكرني نرتبه بالجلسات
صقر : ابشر
طق الباب فتحت سيرا ودخلت منار : السلام عليكم
سعد : حي الله بنتي جيتي بوقتي افطري
قربت تسلم على امها وسلمت على ابوها: تسلم يبه افطرت من بدري
صقر : وين ابو سعود؟
منار: مشى اخذ سعود يشري ثوب له
صقر : كفو عليه
الجادل ناظرت بمنار كيف تحاول تجلس : تبين اجيب مخاد؟
منار: لا لا افطري
وقفت ميار وجابت لها مخاد وحطتها لها : عاد الا ام سعود الشيخه
ناظر صقر بالمخاد : يوه ياميار كنت بجيب
الجادل : والله مادريت عنها حتى خل عني
سعد : بس سلكو له
صقر : ابوي عادي والله قول الي ودك بتجي الي توسيني
سعد : الله يحفظكم رفع يده : الله يوفقك ويبني بيتك على السعاده والهنا ويبعد عنكم الضيق ويرزقكم حبب بعض
مسح على وجهه همس : امين
صقر قرب وحضن ابوه : جعلني مافقدك حضنه بقوه
سعد ضربه بكتفه : كتمتني
منار : اول مره احد يدعي له معذور
ضحك صقر منهم
-
بغرفه سمو
الساعه ٩:٣٠
دخلت سمو ورا اثمار وسكرت الباب
جلست اثمار بتعب تناظر فيها
سمو : وش نبدا فيه وش نسوي وقفت تناظر
اثمار : ننام؟ بس شوي
سمو اخذت نفس : اثمارر لاتقهريني وربي متوتره
اثمار نزلت عباتها واخذ الكيس : هذي اغراضي مسكت الكيس الثاني : هذا بتروش عندك
سمو : ماتروشتي لسى مافي وقتت تروشي
اثمار : قسم بالله تونا
سمعو صوت الي بالحوش
ناظرت سمو باثمار :وش السالفهه ؟ ليكون يبونها صبح؟
يمه ماسويت شي قربت لاثمار بتركض مسكتها اثمار من كتفها
اثمار :انتي مجنونه؟ مهبوله؟ الصبح وش بيحطون ملكه؟
سمو : مدري
اثمار سحبتها لشباك قربت تطفي نور الغرفه ناظرو بالحوش كان صقر واقف عند السياره والعمال ينزلون الكراسي والفرشات ناظر بابوه الي يقولهم عن التمر
لف ابوه لخلف الي يناقشهم
سمو ناظرت باثمار الي تناظر بصقر غطت عيونها : خلاص يكفي ارجعي
نزلت اثمار يد سمو : افكر نصوره تبقى ذكرى لك
سمو بفرحه : تممممم
لفت اثمار اخذت جوال سمو ومدته لها صورته سمو وهو واقف متكي على السياره ويناظر في ابوه وخلف والعمال الي يشتغلون ناظرت باثمار: ابي تصوريني من ورا وتوضحينه
اثمار : تممم اخذت الجوال وصورتها
سمو ناظرت بالصور اخذت نفس : حبيتهم
اثمار ابتسمت لها : الله يوفقكم يارب
-
اخذ جواله صقر ورد : هلا
فيصل : تبيني بشي؟
صقر : هذا سؤال اكيد ابيك
فيصل : طيب شويات وبجيك بس اخلص وينك؟
صقر : عند بيتكم
فيصل : وش موديك بيتنا ؟
صقر : قمت الصبح بدري وجهزت وهذا انا واقف انتظر الليل
فيصل : الله يشفيك
صقر : امين
فيصل : بجيك الحين اجل لااحد يشوفك تفشلنا
صقر : انتظرك
-
بالمستشفى اتصل سهم على سيف يجيه
دخل سيف وقرب لمكتب سهم ناظر بسهم الي واقف عند المكتب يتككلم مع دكتور وقف ينتظره يخلص
-
ناظر فيصل بشقة ماهر نزل وطق الباب
فتح ماهر ناظر بفيصل باستغراب : فيصل
فيصل : ابيك شوي
ماهر : ادخل حياك
دخل فيصل وجلس ناظر بالمطبخ الي فاضي ومافيه الا كم شي يدبر عمره ماهر فيه
فيصل :دورت وظيفه؟
ماهر : ماخليت شي بس للاسف
فيصل : مشكله ودي اشوف لك بالمركز بس تعرف مايقبل الا العسكر
ماهر : اي عارف الله يعين
فيصل تذكر سهم : فيه مكان يعني بشوف اذا موجود ولا بكلمهم واشوف
ماهر : تسوي فيني خير والله
لف ماهر يناظر تذكر ناظر بفيصل : وافقت اخت صقر
فيصل ابتسم : صادق
ماهر : اي والله
فيصل : طيب وليه ماانت بمبسوط؟
ماهر : اكيد بطول بالملكه وبالزواج مامعي شي ولا ودي اخذ من ابوي شي
فيصل تنهد : ادع ربك والله بتنحل اهم شي وافقت وبتتزوجون وتعيشون سوا
ماهر : ان شاءلله
وقف فيصل : يلا مشينا
ماهر : وين ؟
فيصل : ناسي الشين ذا ملكته الليله؟
ماهر : مانسيت بس وشيبي ؟
فيصل : يبي نساعده مايعرف يدير اموره
ماهر : الله يعيني اجل عليه
-
قرب سيف لسهم وسلم عليه
سهم : بوديك علطول لمكتبك
سيف ابتسم : علطول مكتب توقعت تدريب
سهم : اي مكتبك ويدربونك
دخل سيف المكتب ابتسم ماتوقع ابد بيوم يتوظف وبوظيفه مثل كذا ناظر بسهم : سهم الله يرزقك اضعاف اضعاف الي تسويه لي
سهم :وياك يارب
جلس سيف على كرسيه وبدا يدور فيه
سهم : لا عاد بنشيله عنك كذا
ضحك سيف : شسوي حلمي هالكرسي
ضحك سهم : وتحقق
-
وقف فيصل عند البيت ناظر بالبوابات مفتوحه والكراسي والفرشات والجلسات الشعبيه ناظر بماهر : طلع عشان كذا من صبح ربي هنا
ماهر : كيف
فيصل : قالي جالس عند بيته من حماسه طلع ابوه جايبه والله حاس
ماهر : يعزتي له مكروف
طلع صقر ومكشر من الشمس والحاله قرب وركب السياره : اقرب محل ذهب
فيصل لف له وماهر معه : شايفني سواق عندك؟
صقر : صدقني انغثيتت من الكرف امش وانت ساكت
مشى فيصل ووقف عند الذهب
نزلو ودخلو داخل
ناظر صقر بالدبله الرجاليه الموجوده اشر عليها وطلعه له : بكم؟
راعي الذهب : ٢٥٠٠
صقر ناظر فيه بصدمه : ليه شايف اصبعي ذهب؟
ابتسم راعي الذهب : هذا سعرها
اخذ نفس صقر ناظر بفيصل الي يناظر بالسلاسيل الناعمه
صقر : جاي عشاني مو عشان المدام
فيصل ناظر فيه : تستاهل المدام
ماهر واقف يناظر بالخواتم ناظر بصقر الي شرا الدبله ووقف يناظر بفيصل : خلصت
فيصل : اركبو اجيكم
طلعو العيال وركبو
فيصل : في سلسال باسم روان؟
راعي الذهب : لاوالله
فيصل : طيب جيب هذا اشر على سلسال ناعم
ناظر فيصل يبي هديه لسمو ناظر باسوراه ذهب وخاتمها : ابي ذي
شراهم وطلع يشوف اذا فيه محل تغليف هدايا ناظر موجود بس بينه وبين شارع
ركب السياره
صقر : فيصل ترا ابي اروح اغلفهاا
فيصل : طيب
حرك للمحل ووقفو عنده غلف الهدايا ونثر الورد فيها
وقف صقر يناظر بدبلتهم من ورا القزاز ابتسم وركبو السياره راجعين للبيت
-
وقف فيصل عند البيت ناظر باذان الظهر نزلو العيال اخذ صقر الدبله وحطها بسيارته يناظرون بالعمال الي يتشغلون ويسوون
دخل داخل المجلس ناظر بجده وابو صقر : سلام دخلو العياال وسلمو وجلسو يتقهوون
-
فوق بالغرفه
سلمت اثمار من الصلاه ووقفت تناظر بسمو الي تدور: الله يشغل عدوي الي جيت لك من بدري لا انا الي افطرت ولا تقهويت بس امشي وراك اهجدك
سمو وقفت تناظر فيها : ماكلتي الحين بجيب لك فتحت الباب تركض نزلت للمطبخ واخذت فطور لاثمار رقت فوق فتحت الباب ناظرت فيها جالسه بالارض تشحن جوالها قربت بالفطور ونزلته لها : افطري والقهوه بسوي لك وقفت تسوي بالاله كوبين ومدته لاثمار وبدت تشوف تسريحات تناسبها
ناظرت باثمار ورتها وحده : شرايك؟
اثمار نزلت الكوب : لا لا انا بفيره من تحت وبنخليه فوليوم بتطلعين نارر
سمو : الله
اثمار : بس بروح اتروش وابدا اجهزك
سمو : تمام
-
قربت منار بالورد دخلت الصاله : الجادل شوفي
وقفت الجادل تناظر بالي مكتوب : يويلي يجننن الكلام
منار : تخيلي ماخليت موقع مادورت كلام يشرح صقر لسمو
الجادل : صدقيني بينجلط
منار : وش باقي لك ؟
الجادل : سويت شعري بس باقي الميكب
منار: كويس بروح اجهز اجل نبي نلحق بدري للشوفه
الجادل : على المغرب كذا صح؟
منار : اي ان شاءلله
-
العصر
بدت اثمار تفير شعر سمو وتمسكه لها
سمو اخذت البلشر : ياربي متوتره
اثمار ناظرت بالمرايا ميكب سمو: صدقيني تجننين
سمو : انا بعرف لو ماكنتي معي وش بسوي ؟
اثمار ابتسمت لها وبدت بالجهه الثانيه وسوته لها
خلصت سمو المكيب ناظرت بالمرايا : الحمدلله يارب يجننن
اثمار ناظرت فيها : باقي اخر خصله وبعدها بمسكه فوق عشان مايخرب
سمو : تمامم ناظرت بوجهها اذا يبي تعديل وكثفت رموشها بالمسكرا
خلصت اثمار ناظرت بشعر سمو الي مررفوع
اخذت نفس : تمام خلصتك الحين ببدا
دخلت روان : سلامممم
سمو تكفت: بدري عليك؟
روان حطت ثوبها على السرير : شسوي نمت اعرفك بتشيبين براسي
سمو مسكت كتف اثمار: والله انا لو اثمار مو فيه بضيع
ابتسمت اثمار : ترا والله ماعرف ارد على المدح
سمو : مايحتاج تردين اهم تعرفين قدرك عندي
ابتسمت اثمار تمسك يد سمو الي على كتفها بامتنان لصداقتهم
قربت روان : الله يرزقني بس قربت ونزلت ميكبها على التسريحه وبدت بنفسها
-
طلع صقر بعد ماتروش ناظر بثوبه واغراضه قرب للمرايا نشف شعره بالاستشوار نزله على التسريحه ومشطه اخذ عود وحطه على يده ورقبته ورا اذنه نزله ناظر بمنار الي دخلت بالورد ابتسم
قربت منار : ونزلت قدامه على كرسي التسريحه قرا العباره صقر وابتسم بفرح ناظر بمنار : يابنتتتت وش هالكلام
منار ابتسمت : تخيل قعدت من الصبح ادور عباره تمثلك ولقيتها
قرب صقر وضم منار بكتفه : الله يسعدك يارب والله اني انبسطت
منار : هذا الي ابي وبعد عشان اذا رحنا وبتشوفها تاخذها معك
صقر : اشيلها معي
منار : اي ترا صغيره
صقر : اخذت الدبله اليوم
منار : وكيف حلوه؟
صقر : اي تجنن طول الطريق اناظر فيها
منار ابتسمت له : الله يوفقك يارب ويسعدك ويجعلني اشوف عيالك يلعبون مع سعود
صقر : ههههه حبيبتي عيالي ارقى من سعود بيكونون
منار : ياشيخ
ضحك صقر طلعت منار تكمل تجهز
ناظر صقر بالورد وبالكلام ابتسم الليله هذي عنده غيررر
-
لبست نجلاء عباتها ومشت لبيت مناير فتحت الباب مناير : اشوا جيتي بدري منحاسه
نزلت عباتها نجلاء : اخذت لبسي معي البس عندك
مناير : اي ماعليك بس الحين منحاسه اهل صقر بيجون عشان الشرفه وانا ضايعه
نجلاء مشت مع مناير : وين بيجون؟
مناير : بالمقلط من اليوم العمال ينزلون ويحطون بقسم الحريم والمقلط
نجلاء دخلت قسم الحريم وناظرت بالطاولات الي موجود عليها كروت باسم صقر وسمو ابتسمت : الله يوفقهم ناظرت بتجهيزات والطاوله التقديم بالوسط صغيره شوي ناظرت بمناير : هنا حطي صواني الفناجيل والقهوه ، بروح اشوف المقلط اذا ناقصه شي
بدو يجهزون الاغراض
فوق بغرفه سمو
جلست سمو تحط مناكير
خلصت اثمار ميكب ناظرت بشكلها لفت لسمو : شرايك؟
سمو ابتسمت : قسم بالله يموتتت
اثمار : اشواا بلبس الحين عشان الحريم اذا جو بستقبلهم
سمو : ترا قلت لجدتي تعزم ام سهم
ناظرت اثمار فيها : ايش ايش
سمو : اي عزمت البنات امس وقلت ابي رقم امكم وعطيته جدتي تعزمها
اثمار: يالنذله
سمو ابتسمت : شسوي ابي اجمعكم
ضحكت اثمار : امالك كبيره اخذت فستانها الازرق قربت تدخل للحمام يكرم القارى
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
