اليوم مالها خلق تداوم وقفت بالمطبخ مع امها تطلع السمبوسه وحشوه الدجاج والجبن ناظرت روان بامها : متاكده ؟
نجلاء : اي يلا رجعيها لي هذي الكيسه مخلصه يلا
روان اخذت الاغراض وراحت لصاله: يعني اهرب من المدرسه عشان ارتاح والاقي امي تتنظرني بالاشغال المهلكه
لحقتها لصاله وهي واقفه النجلاء : اجل لو تزوجتي وش بتوكلين رجلك
ابتسمت روان : كل مايلذ ويطاب
النجلاء تكتفت : اجل ياست الذاذه احشي ذي
-
بالمركز
وقف فيصل عند مكتب عقاب يرتب الاوراق الي معاه
طق اللباب ودخل رفع راسه عقاب : شوف جهزت هذولا لك من بدري
عقاب : زين
فيصل : بس هنا اسغربته مافهمت
عقاب : اي هذا قبل كم سنه بس الموضوع انتهى خلاص
فيصل : اشوا يلا بغيت شي
عقاب : سلامتك
طلع فيصل
-
اثمار ناظرت بسهم بوهقه : ماعليش اسفه
ناظر سهم فيها : اطلعي طيب
طلعت اثمار بسرعه وهي لو بيدها تركض ركضت
طلعت برا المكتب ودخلت مكتبها : يقلع ام القهر مسكت وجهه اثمار لوهله بتجيين العيد يابنت رفعت راسها لوهله ! انا جبته وخلصت غبيه غبيه غبيه
-
العصر
دخل فيصل البيت يسمع اصوات سمو ونجد بالمطبخ
سمو جالسه بطاوله تسوي الفطاير ونجد تسوي الجلي والكاسترد وام فيصل تسوي الشوربه دخل فيصل : يالله عليكم وش هالريحه
ام فيصل : هلا فصول
سمو ناظرت بدلته : روح غير فيصل وارتاح الين نجهز الفطور
فيصل ناظر بنجد :هالمره سويتهم بايش ؟
نجد رفعت يدها: بيدي يعني وش ودك ؟
فيصل : لا بس يعني قلت مره سويتي باصبعك
حذفت المنديل عليه : اطلع برا
طلع فيصل يضحك عليها
-
بالمطبخ نجلاء ماسكه روان تساعدها بما انها غايبه
ناظرت نجلاء بسنبوسة روان : لو قالو روان مسويته ما اصدق
روان ابتسمت : اعجبك امي اعجبك
مسحت على كتف روان : روحي حبيبتي باقي العصاير والسفره جهزيهم
كشرت روان : طيب
دخلت اثمار : سلام ياقوم عقاب
نجلاء : هلا يامي
اثمار : تعبانه حيل
نجلاء : روحي ارتاحي انا وران نسوي
ناظرت روان فيها : يمه طيب انا ترا تعبانه !
نجلاء : ادري تعبانه ياعمري عليك
روان : برتاح مثلها
نجلاء ناظرت باثمار: روحي بس يجهز نناديك وقفت اثما. عند باب المطبخ ناظرت بروان رفعت راسها روان تناظر باثمار مدت لسانها لها انقهرت روان
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
