انصدمت يوم شافت الباب مسكر نوصه والاكيد انه جاي
بلعت ريقها بخوف هي صارت تشهد على تغيره وعصبيته هالفتره وعدم اهتمامه حتى البيت يجيه وقت يبي شي ويطلع مايسال ولا يهتم فتحت الباب ودخلت الحوش ترجف بكل مافيها ماتعرف ليه ترجف كانها عارفه وش بيصير !
تقدمت تدخل المفتاح بالباب تفتحه وانخرشت يوم فتح الباب هو وتقدم مسكها بكتفها يدخلها داخل بقوه وتوسطت الصاله
عبدالرحمن صفق يده ببعض ورص على اسنانه: وين كنتي رايحه وبدون تعلميني
منار بخوف : كنت عند اهلي
عبدالرحمن : من رجعك؟
منار ترجف : صق.. ماكملت كلمتها الا وصفقها
اي صفقها! حست الدنيا وقفت فيها هو تغير بس ماكان يوصل لضرب لكن الان ! تاكدت انه تغير وكثير هو كان يخاف على الهواء يجرح خدها والحين هو جرحها بيده
عبدالرحمن : تكذبين علي ياقليلة الادب وجايه مع رجال
انصدمت من تفكيره : قسم بالله جايه مع صقر
عبدالرحمن مسك راسه : لاتحلفين لاتحلفين هذي مو سياره صقر رفع راسه لها مو سيارته
لفت منار لسعود الي يرجف خوف : سعود يمه مع مين رجعنا احنا مع خالك صقر ؟
تقدم مسك يدها يبعدها عن ولده :وتبين يكذب مثلك تبين يغطي على افعالك الوصخه فكت يدها منه وابتعدت
منار : احترم نفسك
عبدالرحمن حس الصداع زاد لف للباب :انا بطلع وباخذ كم يوم ماني راجع
منار بعصبيه : روح روح اساسا متى جيت انت صاير تعامل البيت كانه فندق
تجاهلها ولف للباب : اشوفك تعودتي على كلمه فندق
انربط لسانها تحس بيوقف قلبها من كلمته! عاجزه تصدق انه يشك فيها .. شك ! هو تاكد من عنده اساسا ماخلى شك
—
صباح يوم جديد على الابطال
كانت تسولف مع صحباتها : الصراحه وددي اشوف احلام وجه لوجه احسها نفس شخصيتي
رفيف نزلت عصيرها : لا تراها اجتماعيه كثير مو مثلك
هيا : صدق ؟ سبحان الله احسه مو واضح عليها
ابرار : ههههههههههههههههههههه منجدك وش واضح
ضحكو ولفت رفيف للبنتين الي يتهامسون ويوم انتبهو انها ناظرت لفو عنها
دب الخوف بصدرها
———
مشعل : وش صار فكرت ؟
هز راسه سهم : لاتتحمس كثير لا
وقف مشعل : اي زين زين
ولف بيطلع مشعل : اوريك اذا ماحطيتك بالامر الواقع ما اكون مشعل
———
بالسياره ..
نجلاء : امس روان تقولي الروضه هذي يدورن موظفه
اثمار : صدق خلينا نشوف
ولفت نجلاء للروضه ووقفت : سمي بالله ويلا شوفي
نزلت اثمار ودخلت وكانت الامن عند الباب : لو سمحتي ابي استفسر عند المديره
الامن : مو مشكله عطيني اسمك ورقمك
وكتبتهم اثمار
الامن : المكتب فوق على يمينك
هزت راسها ورقت فوق للمكتب وقربت بتدخل
ووقفتها المساعده : اهلاً حبيبتي ؟
اثمار : جيت للمديره بغيتها باستفسار
المساعده : عندك موعد ؟
اثمار تفاجاءت : لاوالله ماعندي بس استفسار قلت لك
المساعده : انتظري شوي الحين عندها وحده
هزت راسها اثمار وقربت تجلس
وكان فيه معلمه تصارخ على صغار ٢ كان واحد يصيح والثاني ماسك يده والواضح متعور فيها
المعلمه: وين احنا فيه تضربه ؟
الطفل : مالي دحل هو سبني
المعلمه تكتفت : وش قال
الطفل: قال انت مو ردال> رجال
ضحكت اثمار ماقدرت تتحمل تناظر بالطفل الي يشرح بكل قهر
المساعده : تفضلي
وقامت وهي بخاطرهاا تشوف نهايتهم
أنت تقرأ
"خذني على قد الوله واشتياقي ترا الكرم بالحب حاجة عظيمة"
Kurzgeschichtenمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
