المغرب
في بيت جد فيصل..
اكانو الرجال جالسين بالحوش قرب البوابه عشان يستقبلون الضيوف والبنات باقي يرتبون اشياء خفيفه
كانت تجهز الحلا وترتبه وتشوف ترتيب المجالس ولفت لبنت عمها : سمو امسكي الصينيه ودخليها
دخلت سمو وحطت الصينيه على الطاوله ولفت ترتب التمر على كل طاوله طلعت ودخلت المطبخ :باقي ترا المغاسل نحط لها مناشف
لفت ام فيصل: لا افضل حطو مناديل
هزت راسها سمو وطلعت للمستودع برا عند المطبخ قريب
دخلت فيه وشغلت النور واخذت الكيس فتحته بقوه وطلعت ثلاث حبات وطلعت للمطبخ
دخلت لهم ونزلته على الطاوله : وحده منكم توديه لاتنسون وقربت تشوف ترامس القهوه
——-
بالحوش دخل صقر وابوه بدا السلام بينهم
قرب صقر لفيصل الي مد يده بهمس صقر: شايفك اليوم بس ماني تاركها بخاطرك مد يده له
فيصل : لازم اسلم عاد
صقر وقف بجنبه : قول ميت تمسك يدي
ناظر فيصل فيه وسفهه
—-
خلصو القهوه وحظروها بالمجلس
وقفت سمو ووقفت جنبها نجد: واخيراً خلصنا
لفت سمو : صدق امشي نطلع لا يدخلون علينا
طلعو للمطبخ وقفت سمو عند الطاوله وناظرت بالمناديل : هيي نجدد اشرت للمناديل نسيناههه
ناظرت نجد : الله يقلع العدو اركضي روحي انتي
سمو : لاوالله ياشيخه روحي انتي
نجد : منجدك انا ما اجي عند العيال والله لو يشوفني فيصل يهاوشني
سمو: اكرهك واخذت المناديل تطلع للمغاسل
سمو ماتو امها وابوها وهي كانت توها مولوده واخذها ابو امها تعيش عنده وتربت مع جدها وعاملها كانها بنته وصارو حتى العيال يعتبرونها بنت جدهم
————
لف صقر لفيصل : اسمع ابي ندخل نسولف داخل
فيصل : طيب ولف لجده يناديه ناظر بصقر : ادخل وانا بجيك الحين
دخل صقر داخل وسمع صوت عند المغاسل واستغرب
قرب بيدخل وسمع هواشها: انا قايله ذولا ضايعين اجل تحطون علب الزباله يكرم القارىء عند مدخل الحمام حركتها برجلها الين حطتها تحت المغاسل رفعت راسها للمرايا تتاكد من نظافتها ولفت بتطلع وانفجعت بالي واقف عند الباب بلعت ريقها تناظر رفعت يدها تتاكد على الجلال وانتبهت انه مو عليها
لف بقوه صقر ودخل للمجلس وجلس مصدوم
طلعت تركض لبرا شافها فيصل عند مدخل المجلس بتطلع : بنتت ليه مو لابسه جلال
سمو : نسيته بس بسرعه خلصت وبطلع
فيصل.: ادخلي بسرعه خووي بيجي داخل
هزت راسها ودخلت بسرعه
قرب بيدخل المجلس فيصل وناداه جده
___
جت بتنزل وشافت روان تسكر غرفتها وانتظرتها ينزلون مع بعض كانت ساكته وهاديه وهذي مو من عادتها
لفت اثمار لروان : بنت ناظرت روان لها بهدوء
اثمار : لو انك قايمه المغرب قلت اكيد عشان كذا بس وش فيك ساكته !!
روان وقفت ولفت تشوف اذا امها قريبه وماكانت موجوده مسكت اثمار من يدها : بقولك انا تعبت كاتمه
ناظرت اثمار فيها باستغراب : قولي وشو
روان : اليوم بالمكتب يوم وديت الشاهي لابوي االي ضرب الجرس شافني وانا عند ابوي
اثمار حطت يدها على فمها : قولي والله
روان : والله تخيلي انا كنت ابوس ابوي وافق اطلب طلبيتي مانتبهت مانتبهتت
اثمار حطت يدها على راسها
روان شوي وتصيح : ماشفت ابوي من بعده فشللله
اثمار: بوي ايش قال ؟
روان : ضربني ورفعت كتفها هنا
اثمار جت بتتكلم وانتبهت لنزول امها
اثمار : يلا مشينا
هزت راسها نجلاء : خوذي المفتاح واطلعو شغلو السياره
لفت اثمار لروان ومسكت يدها وطلعو
————-
قام فيصل يصب القهوه لضيوف الي تقريباً اكتملو بالمجلس قرب لصقر وصب له: بعرسك
فيصل : ان شاءلله ومشى للي جنب صقر
بقق عيونه صقر يستوعب فيصل بهمس : ان شاءلله !!!
———
بيت ابو صقر
ام صقر قالت لهم الي صار لمنار
الجادل : ياقلبي يامنار والله لو انتبهت ماخليك تتحركين بعزيمه صقر
منار هزت راسها بنفي: من قبل عزيمه صقر وهو ميت
ميار وقفت وقربت لمنار تحضنها : قسم بالله ماعرف وش اقول لك جاهله بذي الاوضاع لكن صدقيني بدعي لك في كل صلاوتي الله يسهل لك ويرزقك قريب بغيره
منار : اخخ ياميار وحضنتها بكتفها
ام صقر : انا بروح معك ان شاءلله للموعد
الجادل : اكيددد
منار هزت راسها
ام صقر تذكرت ولفت لمنار
أنت تقرأ
"خذني على قد الوله واشتياقي ترا الكرم بالحب حاجة عظيمة"
Cerita Pendekمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
