وقفت اثمار مع احلام تستقبل : رغم اننا عازمين قليل احس بس جو ناس كثار
احلام : لا تلقين كل ام وبناتها
ناظرت اثمار بالموجدين وكانو كثار تقريباً وقفت اثمار تناظر بام سيف الي دخلت ومعها بنت استغربتهم ظقت كتفها احلام وناظرت بام سيف : هلاوالله بحنين وامها
نزلت الطرحه حنين : اهلاً فيك رغم مع بعض قبل شي ههههههه
ضحكت احلام دخلت ام سيف وحنين يسلمون
دخلت نجلاء بالبخور وسلمت على ام سيف وبدت تشرف على الحلا وتقديمه
ناظرت وحده من المعازيم : نجلاء ماتطربينا ؟
نجلاء ضحكت : الليله لليله عشر اواخر تبين ذنوب !
ناظرت اثمار بدخول سهم واهلها عند البوابه ابتسمت قربت لسمو وحضنتها : اشتقت لك وربي
سمو : اكثررر اكثررر
لفت اثمار لاهل سمو وسلمت عليهم ناظرت مناير فييها : ياحلوك
اثمار ابتسمت
دخلو داخل الا اثمار وسمو : لو تشوفين روان متوتره
سمو : فيصل ولا همه من اليوم يطقطق علينا
اثمار: غبيه اكيد مايهمه رجال
-
وقفت نجلاء عند الاستقبال واستقبلت ام فيصل واهله : حياكم الله
دخلت مناير وهي الي بدايتن راضيه تماماً عن نجلاء وبنتها ومتفائله بروان
ناظرت بالتقديم والترتيب اعجبها كل شي
دخلت اثمار على الضيوف ووقف جنب امها تقدمت نجلاء وجلست جنب ام سهم تسولف معها
وقفت نجلاء ونادتها سمو تجلس بجنبها جلست وبدو يسولفون
لفو لدخول ام صقر وبناتها وقفت وتقدمت لها تسلم عليها : حيالله ام صقر سلمت على البنات تقدمو يسلمون تقدمت اثمار تسلم عليهم ووقفت هي وسمو
ناظرت اثمار بسمو الي تدقها : وشو ؟
سمو : بروح اشوف روان
اثمار : يلا حتى انا بشوف
رقو فوق لغرفه روان لفت اثمار : اسمعي اوقفي هنا بقول لها هزت راسها سمو طقت الباب دخلت اثمار تشوف روان والجوهره يسولفون : الجوهره تبين تنزلين ؟
الجوهره : لا ما ودي الحين
ناظرت اثمار بروان : سمو معي
ناظرت روان باثمار : حلو شكلي طيب ؟
اثمار: تجنينني
لفت اثمار تنادي سمو : تعالي سمو
دخلت سمو وابتسمت تشوف روان : اهليننن اهليننن برواني ضمتها
ابتعدت روان قربت سمو تسلم على الجوهره : اهلاً
لفت سمو لروان : تجنين
رووان ابتسمت بحياء
لفت اثمار لامها تناديها : بروح امي تناديني
ناظرت سمو باثمار: بروح معك
طلعو برا الغرفه
-
وقف ابو فيصل وكلم عقاب انه يبي يملكون الحين قبل يجون الرجال ناظر عقاب بالمملك االي دخل سلم عليه قعد المملك بين فيصل وعقاب وبدا باجراءات الملكه
ناظر بعقاب : قول قد زوجتك بنتي روان
عقاب: قد زوج،،
-
ناظرت سمو بنجد الي قالت انه جاء المملك
وقفت اثمار مع سمو ونجد وبدو ينتظرون الدفتر
وقف عقاب عند الباب ومعاه الدفتر اتصل على اثمار ناظرت اثمار بجوالها وعرفت انه جاء راحت عند قسم الرجال وناظرت بابوها : شوفي لي درب
هزت راسها اثمار شافت مافيه احد دخل ابوها ورقى فوق
وقفت اثمار: صديقتها موجوده بقولها تروح
دخل عقاب غرفه اثمار
دخلت اثمار وقالت للجوهره وطلعت
دخل عقاب للروان وناظر فيها: ياحبيبتي قربت روان وحضنته ابتعد و قرب عقاب للطاوله نزل الدفتر : وقعي يابنتي ناظرت روان باسمه وتوقعيه رجفت يدها توترت تناظر بابوها : طيب وقعت صفقت اثمار بقوه : اخخخ رواني
دخلت نجلاء ناظرت فيهم : وقعتي ؟
ناظرت بروان قربت حضنتها : يابنتي حبيتي
سكتت روان ماسكه الصيحه
اخذ الدفتر عقاب ناظر فيها : الله يوفقك وينور دربك يابوي قرب حضنها وباس راسها نزل تحت ناظرت اثمار بامها : تاخرنا على الضيوف
نجلاء : سمو عندهم ناظرت بروان : عمري بنتي
-
تحت وقفت سمو بعد ماجت باله فكره ناظرت بنجلاء واثمار ينزلون قربت لاثمار : شرايك ؟
اثمار : ايش ؟
سمو : نخلي روان وفيصل يشوفون بعض
اثمار: مستحيل
سمو : ياخي حرام تروح كشختها كذا على الفاضي
اثمار : مستحيل تهاوشني بعدين
سمو : شدراك يمكن ودها
اثمار : مستحيللل بتلعبين براسي انتي
-
ناظر عقاب بسهم الي يصب القهوه ويشتغل عكس نياف
وقف سهم عند فيصل يصب له : اعرفك ياسهم
ابتسم سهم : بالتوفيق
فيصل: عقبالك
هز راسه سهم راح يصب للي بعد
ناظر صقر بفيصل : طيب انا ماقلت لي عقبالك ولا ماتبي اعرس
ناظر فيصل فيه : عقبالك لف للجهه الي جنبه
صقر : بدون نفس اصلاً وش انتظر ملك وشاف نفسه
لف فيصل له : اسكت
صقر : طيب
-
نياف ناظر بصقر الي يسولف مع فيصل وفيصل اغلب الوقت يسفهه ناظر بسيف : تحس لازم اصب الحين ؟
سيف : اي سهم من اليوم يصب وواقف
وقف نياف قرب لسهم مسك الدله : بصب لهم
سهم : زين لف جلس جنب عقاب
لف نياف يصب للرجال قرب لصقر وصب له صقر : انتو تقربون لعقاب
هز راسه بنفي نياف
صقر لف لفيصل : شفيهم متكبرين
فيصل سفهه
ناظر عقاب بسهم الي جنبه ابتسم
-
بدت سواليف الحريم بعادتها ونجلاء جالسه بينهم يسولفون ناظرت اثمار بالبنات اشرت لهم يطلعون
طلعو بالحوش قسم الحريم جلسو بجلسه مجهزتها اثمار
االجادل : بنشوف روان ؟
اثمار : اي بناديها رفعت جوالها تتصل على روان
ردت روان : هلا
اثمار : انزلي جمعت البنات
روان : تمام
الجادل : اثمار كيف الدوام معاك وبرمضان
اثمار: الا هالطاري لاتجبينه ياني منغثه
احلام : ليش بالعكس احس يونس مستشفى
اثمار : لاوالله متعب ومديري متعبني تقل طايحه عليهم من السماء
ضحكت احلام : هههههه عشان تخصصك مطلوب
الجادل : اي القصيم فغيرين هااتخصص
ناظرو البنات لصوت الكعب الي جاء من جهه باب المطبخ وقفت الجادل تضحك : عروس وجايه من المطبخ ضحكت اثمار : شسوي مابي يشوفونها الحريم مشفح
قامو البنات وسلمو عليها وباركو لها جلست روان جنب اثمار بهدوء ناظرت سمو بروان وابتسمت صورتها بدون ينتبه احد همست : ماتبين يشوفها انا ماني تاركتها بخاطري احلام : ها روان كيف الوضع متحمسه تعيشين عالم ثاني
روان ابتسمت
سمو : هي شفيك ماتهرجين دايم لسانك وش طوله
احلام لفت لسمو : هو صح يقرب لك ؟
سمو : مين زوجها ؟
ابتمست روان من كلمه زوجها تحسه صار ملكها فعلاً
ناظرت اثمار بروان طقتها لفت روان لها بهمس : وشو
اثمار : شفايفك واصله اذنك درينا انك تحبينه
ابتسمت روان : وجع
كملو سواليف وكانت السهره جداً حلوه راحو اغلب الحريم وبقو فقط جارات نجلاء ويسولفون
وقفت احلام وطاح خاتمها على الطاوله مدت يدها ونزلت لكفها اسوارتها ناظرت اثمار بالاسواره : تجننن تجننن مسكتها بيدها : هذي من ماركة اخخ نسيتت حاولت تتذكر
احلام : من ماركة ** اثمار : ايي يالله لو تدرين ابي اشريها ودايم سولد اوت
احلام : اي دايم ماشاءلله تخلص مايمديها تنزل الا مخلصه
رفيف : دايم نتهاوش عليها مره تحلي اليد
اثمار: اي مره حابتها مسكتها بيد احلام تناظر فيها
ابعدت يدها احلام وفكتها من يدها مدتها ليد اثمار : فداك
اثمار : لا لا مو منجدك مسكتها تمدها لاحلام
احلام : والله ماترجعينها اعتبريها هديه بسيطه لك
اثمار : اخخ احلام شكرًا
احلام : مابينا
ناظرت سمو بالاسواره : تخبلل
رفعو عيونهم لبنات لجية منار : اهلين
ابتعدو الجادل وميار عن بعض وجلست بينهم منار : ادري وجودي غاط بس اعتبروني اختكم الصغيره
ضحكو البنات
الجادل : متزوجه وتبي تكون الصغيره لو قلتي الكبيره قبلنا
ضحكت منار وناظرت بروان : انتي اخت اثمار ؟
ضحكت روان : ايوا ووقفت تسلم على منار : مبروك ياقلبي
روان بهمس : الله يبارك فيك كتمت ضحكتها سمو من حياء روان
أنت تقرأ
"خذني على قد الوله واشتياقي ترا الكرم بالحب حاجة عظيمة"
Historia Cortaمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
