وقفت بعد ماهدا الألم واخذت سعود تشربه
لفت لجوالها واخذته تشوف اقرب موعد وشافت بعد شوي الظهر حجزت ولفت لسعود وهي اكيد مابتاخذه معها دخلت الواتس وارسلت للجادل وماردت ارسلت لميار وبرضو ماردت تنهدت باقي وقت للظهر اكيد نايمين
وبدت تجهز وترتب
————————
في غرفة الاجتماعات
وقف ابو صقر يصافح راكان : مبروك مبروك
راكان : الله يبارك فيك ماشاءلله نجحت المنتجات بشكل كبير
ابو صقر : اي ماشاءلله
ابتسم صقر بفخر لابوه
راكان : انا استأذن لنا لقاء ابو صقر
هز راسه ابو صقر وطلع راكان
تقدم صقر لابوه وباس راسه
صقر : وش هديتي ابوي على هالنجاح
ابو صقر : انا اهديك وانا الي ناجح؟
صقر : صح بس نغير السالفه ويصير انتي تهديني
رفع ابو صقر عقاله كاتهديد ل صقر الي فزع واقف : ابوي هذا وانا مبسوط لنجاحك تضربني
وقف ابو صقر : خلصت شغلك اول شي ؟
هز راسه بنفي صقر
جلس ابو صقر وهز راسه بإسف ابو صقر : لو عندي ولد ثاني يصير يدي اليمين ويكون معي اول باول
جلس جنبه صقر دخل بالموود وهز راسه بإسف : حتى انا لو شديتو حيلكم انت وامي وجبتو لي اخو وحط يده تحت فكه
ماحس الا بضربه برجله لف لابوه : شفيني شقايل بعد
ابو صقر : هذا كلام تقوله لابوك
صقر : وش قلت ماقلت الا الصدق
ابو صقر مسك عقاله وهالمره مو تهديد هالمره بيضربه جد وقف صقر بقوه وقرب للباب وطلع وسكره
ابو صقر ضحك من ولده صحيح ربي ماعطاه عيال مثل ماوده لكن عطاه صقر وصقر غير عنده
——-
المستشفى..
جلست قدام غرفه تتنظر دورها وتناظر بالحريم الي من جنبها واغلبهم حوامل خافت من التفكير الي جاها !
لو طلعت حامل رفعت يدها على فمها تكتم خوفها خافتت وهو تفكير لو يطلع صدق ايش بتسوي
رفعت راسها فوق: ياربي ياربي لا ابداً مو وقته يارب لفت للي تنادي باسمها ووقفت سمت بالله ودخلت
جلست قدام الدكتوره
رفعت راسها الدكتوره لمنار : اسمك منار
هزت راسها منار
الدكتوره : ايش الاعراض الي جتك
منار : حسيت بالالم قوي ببطني حسيت ضاق التنفس عندي
الدكتوره : متزوجه ؟
منار : ايوا
الدكتوره : طيب بنسوي لك تحليل حمل
حست اذنها تنفجر من الكلمه حمل !
هزت راسها ووقفت : طيب وين
الدكتوره :اول بشوف الغرفه اذا مليانه بسوي لك تحليل اذا فاضيه بسوي سونار
هزت راسها منار وهي تحس نفسها بتموتت لو طلعت حامل
دخلت الدكتوره الغرفه الي بالجنب ومنار جالسه تنتظر
بعد مده لاتقل عن ٤ دقائق ..
دخلت الدكتوره : تفضلي
وقفت منار ودخلت الغرفه شافت السرير بجنب السونار قلبت معدتها عليها حست بتستفرغ لفت للدكتوره : وين دورة المياه اشرت الدكتوره للباب : اطلعي من هنا يسارك علطول
ركضت للحمام ووقفت عند المغاسل رمت طرحتها ونقابها بجنب و بدت تطلع كل مادخل بطنها اليوم تحس نفسها اختنقت فتحت المويا وبدت تغسل وجهها غسلت مره مرتين رفعت راسها للمرايا وسكرت المويا لفت للمنديل ومسحت وجهها تجمعت الدموع بعيونها : يارب لا يارب مو وقته ابدد ياررب
أنت تقرأ
"خذني على قد الوله واشتياقي ترا الكرم بالحب حاجة عظيمة"
Contoمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
