بعد مرور شهر ونوص رجعو سهم واثمار من السفر
كل مافكرو يرجعون مددو ومن دوله لدوله يسافرون لها
-
الصباح الساعه ٩:٠٠
وقف سهم عند بيت اهله
نزلو وقف عند الباب وصلو الفجر وحجزو فندق الين الصباح وجو لاهلهم
فتح الباب سهم دخلو بالحوش
سهم ناظر بالمجلس مسكر نصه ناظر باثمار : تعالي ندخل اظاهر فيه احد نايم
قرب سهم وطق الباب
ام سهم : مين؟
سهم : سهم نايف
ضحكت اثمار
ابتسمت ام سهم فتحت الباب : ياهلا ومرحبا ياهلا بوليدي حضنها سهم وباس راسها : شخبارك امي عساك طيبه
ام سهم سلمت على اثمار : بخير الحمدلله انتم بشروني عنكم شلونكم
سهم قرب يدخل الصاله : الحمدلله بخير
جلس وجلست اثمار جنبه بشوي
نزلت احلام ووراها رفيف
احلام بصدمه : سهم!
وقف سهم : شفيك متفاجاه
احلام قربت له تحضنه : ماتوقعت
ابتعدت تسلم على اثمار نطت رفيف وحضنت سهم بقوه : والله لك فقده
سهم : اكيد
ابتسمت اثمار تسلم على رفيف
-
ناظرت منار بالملفات حولها وتقديمات الحريم اخذت نفس تناظر بصياح بنتها ناظرت بالمربيه تحاول تسكتها : جبيها قربت المربيه لمنار تعطيها ذكرى : يامي شفيك حضنتها تسكتها
دخل عبدالرحمن معاه سعود ركض سعود لامه ناظر فيها حاضنه ذكرى ابتعد عنها جلس جنب ابوه ياكل معاه حلا
منار : مدري شفيها بس تصيح ذكرى
عبدالرحمن : عادي دلوعه ابوها
منار ناظرت فيها من هدت الله يهديك
-
ناظرت سمو بصقر : ياربي احسني قرفانه مابي شي
صقر : وش ماتبين اقول اكلي ذا مفيد ناظرت سمو بالي بيد صقر قامت عنه تستفرغ: صقر خلاص وربي تعبت
صقر : وش تعبتي تراك ماكلتي شي زين يفيد ماتاكلين شي اساسا
سمو طلعت تمسح بالمنديل : صقر انا عجزت اتقبل شي مابي شي بس ابي انسدح
صقر : طيب باقي لك اقل من اسبوع وتتخرجين
سمو : انت غطي عني كذب عليهم
صقر : كل يوم اكذب كذبت بالاشراف يوم جو كذبت اغطي عليك بالدوام تعبت
سمو مسكت بطنها تحاول تلين صقر : صقر ارجوك
صقر : خلاص اهم شي راحتك
-
ناظرت روان بفيصل : اي بتجي عند امي اليوم
فيصل : بتطولين ؟
روان : اي بنام عندهم ارجوك
هز راسه بنفي
روان : فيصل ياخي اذا رحت لامي كم ساعه واخذتني هالمره امي واختي موجودين
فيصل : مستحيل اذا وديتك وربي اطفش
روان : يالله يافيصل
فيصل : طيب اخليك لين الفجر واخذك
روان ميلت فمها بملل : فيصل الا لازم ترجعني بدري
فيصل : اي ماقدر ارجع للبيت وانتي مو فيه
روان : طيب خلاص
فيصل :حلو
وقفت روان ؛ بجهز وتوديني مع الصلاه ماباقي شي
فيصل : طيب
بعد العصر
دخلت اثمار البيت ناظرت بصاله : يمه
طلعت روان لها : حي هالوجهه قربت لها تحضنها
اثمار : يووه يافقدتكم
نزلت نجلاء ناظرت باثمار : كان نمتو هناك
اثمار ابتسمت : اخخ يايمه عسل قربت تسلم عليها وتحضنها ابتعدت : وين ابوي ؟
نجلاء : صاير ذا الايام ييطلع يروح مع جدكم
اثمار تذكرت جدها الي قال لها رائد بزفتها سكتت تمشي تجلس
صبت القهوه نجلاء ومدتها لبناتها وبدو يسولفون
-
احلام ناظرت بسهم : ترا اخوك غثني زوجه بالله وسفره بعيد عنا
نياف : خليه يوظفني مع المدام نساني
ابتسم سهم : مانسيتك
فتح جواله قرب لنياف يوريه مكتبه بالمستشفى
نياف ناظر بالاسم الي يتوسط المكتب نياف نايف : سهم هذا وش!
سهم : مكتبك يابن نايف
ضحك نياف : انت صادق!
سهم ابتسم قرب نياف له يحضنه : ياولدد وش ذا المكتب الفخم
ام سهم : يازينك ياوليدي الله يوفقك يانياف
احلام رفعت يدها تدعي : يارب يحدد زواجه ويروح
سهم : بتصير تساعدني يعني تقريباً مدير
نياف : اووه واخيراً
-
ناظر سيف بامه
ام سيف : يعني كذا شورك؟
سيف : اي بس اتخرج بسوي زواجي انا ونياف سوا بقوله ان شاءلله واشوف شيقول
ام سيف : الله يكتب الي فيه خير
-
"بعد مرور سنه"
ناظرت سمو بولدها : فارس يامي
فارس عمره ٣ شهور
مسكته تسكته وتمشي فيه ناظرت بساعه ١ بالليل اخذت نفس تسكته ناظرت فيه : يابوي خلني انام ارجوك
لفت تمشيه لعله ينام
-
اخذت نفس اثمار تناظر بالاوراق عندها دخلت دورات تتعلم لغات وتوظفت مع سهم بالمستشفى وصار عندها ضغط من الدورات والدوام والبيت
وقفت قفلت الانوار ومشت ترقى لغرفتهم تنام
-
الصباح الساعه ٧:٣٠
صحت روان ناظرت بساعه ماباقي على تخرجها من الثانوي الا اسبوع وقفت تناظر بفيصل نايم : اخ يافيصل لا تتاخر على دوامك قربت تصحيه : فيصل ، فيصل
لف للجهه الثانيه : هاه
روان : دوامك لاتتاخر عليه قوم
اعتدل فيصل: ياربي
روان : قوم جهز وبجهز لك الفطور
هز راسه ووقفت روان تنزل تجهز الفطور له
-
ناظرت الجادل بماهر : نمشي ؟
ماهر : اي يلا لا اتاخر
سكرت نقابها الجادل شالت ولدها عمره ٥ شهور
مشت تركب السياره بتجتمع مع خواتها بيت اهلها
-
بيت ابو صقر
منار : وربي انضغطت بالمحل بنات كل شي احسه ضغط علي بيتي وعيالي اخذت نفس : الله يعين بس
الجادل مسكت ماجد عن الحلا : لا تخربه شالته تمسح يده : ياربي اتعبني ناظرت بمنار: انتي وربي الله يعينك انا بالبيت ومعي ماجد احس بنجن
دخلت لهم ميار : الحمدلله الي ماتزوجت
منار : اهلاً وسهلاً بدكتورتنا
ابتسمت ميار : هلا فيك حياتي
دخلت ام صقر معها صينيه الفطور : افطرو خلو عنكم القهوه
منار : ياعمري يامي
وقفت الجادل تساعد امها
-
ركبت اثمار مع سهم ومشو للمستشفى وقف سهم ونزلو لفت اثمار لسهم : تبي قهوه؟
سهم : اي وجيبي لي فطور
اثمار : بطلب تمام؟
سهم : تممم
دخلت اثمار ووقفت عند مكتبها تناظر بوسن جايتها
ناظرت اثمار فيها : وسن وش امداكم ترجعون؟
وسن : مشعل امه تعبت الله يعين اليوم الحمدلله تحسنت
اثمار : اخخ الله يشفيها يارب ويقومها بسلامه
وسن : اي والله يارب ياعمري عليها
اثمار : تعالي عازمتك على القهوه
وسن : تمام بس بروح اخلص شغله واجيك
اثمار : تمامممم
-
جلست روان تناظر بعبايه التخرج وصلتها اليوم لبستها تشوف : اخخ واخيراً افتك غمضت عينها تتذكر كيف تعبت كانت تصحي فيصل وتروح تجهز وتسوي فطورهم
اخذت نفس : الحمدلله يارب افتك الحين
اخذت جوالها ارسلت لفيصل : وصلت عباتي
صورت نفسها وارسلت لاثمار وسمو
سمو : هديتك جهزتها بس تخرجي اخلصي
روان : كفو هالاسبوع ان شاءلله
اثمار: عمري روان اخخخ
-
مسكت اثمار بطنها بالم انتبهت لسهم يمر من قدامها وقفت تفتح الباب بالم : سهم ناظر فيها سهم وقرب لها مسكها
اثمار انحنت تمسك بطنها : بطني
مسكها سهم لف للباب ناظر بوسن جايه : وسن جيبي كرسي متحرك
ركضت وسن تجيب
مسكت بطنها اثمار : سهم يعورني
سهم : عادي يمكن اكلتي شي عورك
قربت الكرسي وسن مسكه سهم جلست اثمار اخذها سهم
بعد ساعتين بعد ماسوت التحاليل اثمار
جلس سهم بالغرفه ينتظر
دخلت الدكتوره ناظرت باثمار: تحليلك زينه وكويسه حتى الفتيامينات عاليه
سهم : شلون مافيها شي ؟
اثمار : حسيت بالم دكتوره
الدكتوره ابتسمت : طيب خلوني اكمل !
سهم ناظر فيها تكمل : الالم بسبب انك حامل وجاك ضغط او شي امس
اثمار ناظرت فيها بفرحه عضت شفتها تناظر بسهم : سهمم
سهم ابتسم يناظر اثمار : هو الي المك ضحك يقرب لها يحضنهاا بفرحه : الحمدلله ياربي لك الحمد
اثمار ابتعدت تناظر فيه : بناديك ابو نايف خلاص
سهم : علطول قلتي ولد الي يجي حياه الله
ناظر بالدكتوره : لازم تنتبهي لصحتك وماتضغطين نفسك ابداً
ناظر سهم فيها : الحين توقفين كل شي
اثمار : حتى المستشفى
سهم : حتى هو خلاص
-
ناظرت نجلاء بابوها اخذت نفس تطلع له بالقهوه والشاهي طلعت وجلست بالجلسه ناظر فيها زيد
بسبب الديون عليه باع البيت وسدد ديونه كامله واخذه عقاب عنده
نجلاء : شلونك اليوم؟
زيد : بخير نحمد الله
نجلاء : الحمدلله
زيد : وينها روان ماجتنا اليوم
نجلاء : مشغولا تجهز لتخرجها
زيد : الله يوفقها
ضرب الجرس استغربت نجلاء طلعت رانو وفتحت الباب دخلت اثمار : وين امي ؟
رانو اشرت على الجلسه وقفت نجلاء تقرب لها: وش فيك
رفعت اثمار صورت السونار قريب لوجهها : بتصيرين جده
رفتت كفوفها على فمها بفرحه : ياعمري احلى امممم قربت تحضنها بقوه : مبررروك ياحياتتتتي يبنتي
وقف زيد : وش العلم!
نجلاء : ابوي ابشرك اثمار حامل
زيد : ماشاءلله ماشاءلله
-
بالليل
روان : الله بصير خاله
اثمار : حبيبتي وراك طولتي احسب بصير خاله وانتي لهلحين
روان : صدقييني مابي احمل الحين الين اخلص الثانوي ان شاءلله بعدها افكر
نجلاء : ماعليه ياروان دام فيصل فاهم وضعك ماعليه
روان : الحمدلله
-
بيت سهم
اثمار ناظرت بسهم جالس يشتغل : ودي اتعلم اللغات بس
سهم : قايل لك وقفي كل شي يضغطك
اثمار تأففت : طيب وش اسوي فاضيه
سهم : اذكري الله
اثمار ناظرت فيه ضحكت منه : ياخي انت
-
ناظرت روان بفيصل يتابع بجواله
سوت كوب قهوه وجلست بجنبه : فيصل وش تشوف
لف الجوال فيصل يوريها ولد صقر
اخذت نفس تناظر فيه حطت راسها على كتفه : ودك بالولد ؟
فيصل : تدرين دايم اقول ابي البنات
روان: مالومك عسل البنات
فيصل : بالضبط رجع بظهره ورا رفعت راسها روان على صدره يسولف لها عن حب البنات الصغار
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
