عبدالرحمن : شخباركم انتم ناقصكم شي ؟ ودكم بشي
منار : ماناقصنا شي الحمدلله بس ننتظرك
عبدالرحمن : هانت ان شاءلله تتيسر واطلع قريب
منار : ان شاءلله
-
وقف ماهر عند مكتب ابو صقر ينتظر السكيورتي يطلع
طلع له : تفضل
دخل ماهر للمكتب ناظر بابو صقر قرب صافحه وسلم عليه ابو صقرر بحراره بسبب انه ولد راكان شريكه : ارحب ابو راكان كيف حالك عساك طيب
جلس ماهر مقابله : بخير الله يسلمك انت شخبارك
ابو صقر : ياربي لك الحمد طيب
ماهر : تعرف ابوي عنده اوراق وانا جيت بوقعها
ابو صقر : اي عارف الاوراق هذا هو السكيورتي يطبعها بس دقايق لفو بغرابه لفتحته الباب بقوه دخل صقر عليهم : سلام عليكم ناظر ابو صقر فيه بعصبيه
قام ماهر وسلم عليه
بعد ١٠ دقايق دخل السكيورتي بالاوراق
ابو صقر : سم ياماهر
صقر مستغرب يحسب ابوه داخل مشروع جديد وبذا الوقت
-
ناظر سيف بالسياره الي جايه لمه عند المحل
نزل منها شخصين قرب منه سعيد : سلام عليكم
سيف : وعليكم السلام
سعيد : اعتذر اني تاخرت عليك بس تعرف عند عزا
سيف : ماعليه
لف للعامل سعيد : كم تصليح سياره هذي
العامل :١٥٠٠
هز راسه سعيد بقهر : زين ناظر بصاحبه الي جنبه
قرب نياف لسعيد وهمس له : خل تصليح سيارته علي
سعيد : لا ياولد
نياف : انا صاحبك بدفعها وانت متى ماكانت معك رجعها
سعيد : كذا زين لانها ماهي معي
هز راسه نياف وهمس : اتحداك تخلصني اياها
نياف لانه يعرف ان سعيد من الناس الي ماديتهم متوسطه ماوده يضغط على صاحبه
-
وقفت اثمار بعد ماتاكدت من كل شي طلعت برا المكتب طقت باب مكتب مشعل سمح لها بدخول دخلت ناظرت بوجود سهم : سلام قربت لمشعل ومدت الاوراق
مشعل : مو انا عطيها المدير
اثمار : وين مكتبه ؟
مشعل : تلقينه على جنب الاداره بشوي
اثمار : وينه هو المدير الي تشوفونه بس مااشوفه انا!
ناظر سهم فيها لوهله بينطق انه هو لكن قاطعه مشعل مستغرب جراتها بيننهم : موجود
اثمار : مو الممفرروض يكون مسؤول عني هو ؟
مشعل : مسؤول عنك لكن من بعيد
ناظر اثمار فيه اخذ الاوراق وطلعت
ناظر سهم بمشعل : شوف هذي احدى فوايدك
وقف : بروح اخلص كم شغله عشان يمدي اطلع بدري
هز راسه مشعل
-
طلعت من المكتب تدور مكتب المدير ناظرت بالمكتب البعيد شوي مكتوب عليه المدير طقت الباب مافيه اي صوت دخلت داخل شافته خالي من وجود احد قربت للمكتب وحطت الاوراق لفت بتطلع وانفجعت بوجود سهم : بسم الله
سهم سكت وقف بعيد عنها
اثمار : نعم؟ ملاحقني
سهم : ايش!
اثمار : اي شفتني بجي لمكتب المدير وجيت هنا
سهم : طيب انتي تعرفين المدير ؟
اثمار : لا ولا ابي اعرفه
سهم : ليش ؟
اثمار : احسه غثيث وانسان شايف نفس يعني لي اسبوع ناظرت بسهم اسبوع كامل ماجاء لمي ولا تكلم معي بشي يعني انا متدربه جديده المفروض يكون مسؤول عني
ناظر سهم فيها : انتبهي لكلامك ياثمار عقاب ولا بوقف تدريبك
اثمار : ياحليلك اخذت وضعيه المدير
لفت بتطلع وانتبهت لكلامه لفت له بهمس : انت المدير ؟
سهم : اي
أنت تقرأ
"خذني على قد الوله واشتياقي ترا الكرم بالحب حاجة عظيمة"
Cerita Pendekمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
