( لاتلهيكم الروايه عن ذكر الله)
ميار: ياخوك ازعجتنا ازعجتنا
قاطعه اتصال جواله ناظر بالاسم وكان فيصل
وقف : خوويي يتصل ولا اوريك كيف ازعجتك
وطلع للحوش
صقر : ارحب يالذيب
فيصل : حلو الذيب كثر منها
صقر : ابشرر
فيصل : فاضي اليوم نطلع للبر
صقر : ابد فاضي
فيصل : بس شويات ونرجع
صقر : ليه خلنا نقعد لصبح ؟
فيصلل : ماقدر والله وراي دوام الظهر ابي ارجع ارتاح
صقر: يلا بجهز الاغراض ونطلع
فيصل : يلا اجل بمرك شوي
صقر : اصبر هيه تبي معنا احد ؟
فيصل : لا لا لحالنا احسن
صقر : زين اجل على المغرب بنروح
—-
بالمستشفى قرب لوقته ينتهي طلع اللابتوب وبدا ينشر طلب احتياجهم لمتدربات او متدربين محاسبة من كلية عنيزه كتب كل بياناتهم
——
المغرب
جالسه بالارض تشوف الايباد وتدور طلب تدريب تحس نفسها مو مرتاحه ابد للتدريب بالمدرسه وقفت واخذت جوالها ترسل لمسؤولة التدريب بكلتيها مساء الخير ممكن ااكلمك بكرا؟ وانتظرت ترد عليها وقفت تمشي بالغرفه ماتعرف الشعور الي جاها من المدرسه تحس بيصير شي تنكبها
——
بغرفه منار بدت تجهز لموعدها بكرا وتجيب اهم الاشياء الي تحتاجها ناظرت بنفسها بالمرايه حطت كفها على بطنها تمسحه بدموع: وربي مانتبهت لو عرفت كان اهتميت فيك وتركت كل شي حولي انا اسفه والله اسفه
بس يمكن خيره لك تعرف ابوك الحين ما..
قاطعها طق الباب
لفت منار للباب : ادخل دخلت ميار : ام سعود شتسوين؟
منار : اجهز اغراضي لبكرا
ميار: اهاا تبين اساعدك؟
منار : لا خلاص خلصت امي وينها؟
ميار : تحت تجهز العشاء بيتعشى ابوي معنا
منار: وصقر؟
ميار : راح مع صاح..قاطعتها الجادل : مع خويه فيصل ف تعالو احسن لكم من قعدة الغرفه نسولف تحت قبل يجي ابوي
ميار: قولي مسويا حلا؟
الجادل:فاضيه لك بكرا وراي دوام وتبين اسوي لك
تأففت ميار
منار : انا بطلب لكم وش ودكم بحلا؟
ميار : كفووو الذيبه
الجادل : ننزل تحت نشوف
-
جالسين بالصاله والنجلاء بالمطبخ تجهز العشاء
دخلت روان بصاله وكانت اثمار تشوف بجوالها
روان : تدرين اثمار جلست قدامها ناظرت اثمار فيها بمعنى ايش
روان : مشتهيه معمول
اثمار: تدلين المطبخ
روان : يابنت ابي تحمسيني اسوي وابي تجبين لي طريقه
اثمار: اسالي امي
وقفت روان دخلت المطبخ وحضنت النجلاء من الجنب : مامي لفت النجلاء لها : ايش
روان : ابي اسوي معمول اشتهيته
النجلاء : طيب بكرا اسوي لك
روان : لا انا مشتهيه اسويه والحين
النجلاء: روان لاتزعجبني بعد شويات يجي العشاء مايحتاج معمول وبتنامين بدري حتى
روان : يمه تكفين ياخي مشتهيته بعدين بانقنق عليه لين يجي العشاء
النجلاء : وين جوالك؟
روان : ليش ؟
النجلاء : اكيد ماني فاضيه اعلم فوق راسك الطريقه
روان : بترسلينه يعني طلعت جوالها من جيب بنطلونها
وارسلت النجلاء لها
بعد ٤٠ دقيقه..
طلعت الصينيه من الفرن : الله يالريحهه تسلم اناملللي
ناظرت النجلاء فيها وابتسمت : وريني بشوف اشكالهم
قربته لامها : واوو ياروانن فنانهه طلع يجننن
دخلت اثمار : مو معقوله الريحه واصله لصاله
وقربت تشم الريحه : روان يجننننننن
ابتسمت روان لهم : اكيدد سويته بيدي بيطلع فنان
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
