"خذني على قد الوله واشتياقي ترا الكرم بالحب حاجة عظيمة"

72

ارسلت لسمو لكنها ماردت
ناظرت بروان الي منسدحه عند رجلها : جهزتي ملابسك؟
روان : ثوب العيد ماطرى علي البس لبس التاسيس
اثمار : ليش خلينا ياخي نضحك ونستهبل
روان : ناقصني اغراض طيب
اثمار وقفت : حتى انا امشي ننزل نقول لابوي وامي
بصاله
نجلاء صبت لها فنجال رجعت ظهرها ناظرت بالبنات نازلين
اثمار: وينه ابوي ؟
نجلاء: جاه شغل بالمركز وطلع
روان : نبي السوق
نجلاء: ليش؟
اثمار : احلام بنت ام سهم عزمتنا بكرا
نجلاء : ماشاءلله
اثمار: وتبي نلبس ملابس التاسيس مو تبي قالت الي ودها يعني
روان : انا مابي بس اثمار ودها نلبس
نجلاء : انتي ماتبين روان؟
روان : لاوالله
اثمار : ياشينك
نحلاء : وش ناقصك انتي اثمار
اثمار :ناقصني برقع والطرحه
نجلاء وقفت : اذكر عندي بروح اشوف
رقت فوق ناظرت اثمار بروان : ياشينك صدق
روان : ياخي توني عروس وارجع بنفسي بزمن للبس القديم
اثمار: بالله اذا انتي كذا وش بقيتي لنفسك اذا صرتي عروس ؟
روان : مافهمت بس بسكت
جت نجلاء معها البرقع والطرحه مدتها لاثمار: لقيت هذي بس
اخذتها اثمار ناظرت فيها : تجنننن والله
روان : من وين لك ماقد لبستي !
نجلاء : قد شريتها عشان البسها بزواج بس ماكتب ربي
اثمار شمت ريحه البرقع : كم له عندك ريحتك موجوده فيه
روان : ياكذبك تقولك شريته بلبسه ومالبسته
ضحكت نجلاء : قديم شاريته
-
ناظر فيصل بسمو الي علمته كيف شافها
فيصل : وانا الغبي بينكم مادريت انكم هايمين ببعض
سمو : هيه وش ذا الكلام
ناظر بنجد فيصل : صح نسيت البزر ذي عندنا
نجد : ترا البزر انخطبت كثير للمعلوميه
فيصل : شالمطلوب مني اكتبهم بورقه لك؟
انهارت ضحك سمو : فيصللل هههههههه حرام عليك هههه
فيصل : والله صادق
نجد : ياشينك بس ثقيل دم الله يعين روان عليك
سمو : صدقيني روان محظوظه فيه

الصباح ٦:٣٠
صحت وتجهزت نزلت تحت لصاله ناظرت بامها وروان جالسين يفطرون
اثمار ناظرت بروان : ياحظك
روان : قولي ماشاءلله
نجلاء : تقوله ليش ياحظي وانتي بتلحقينها بعد كم يوم
كشرت روان : يمه خليني انبسط لاتجبين طاري الدوام
اثمار : طاريه بلحاله يغث
نجلاء ناظرت باثمار : تعالي افطري شفيك واقفه؟
اثمار نزلت اغراضها وقربت لسفره جلست تاكل : رغم طولت الا اني بفطر
نجلاء : كيف السواق الي جابه ابوك كل مره بسأل ونسيت
اثمار : كويس الحمدلله
نجلاء : زين انتهبي انتبهي
اثمار وقفت ومعاها لقمتتها : ابشري اخذت عباتها ونقابها راحت للمغاسل تلبس
طلعت لصاله اخذت اغراضها وطلعت برا بالحوش تعدل عباتها ناظرت بكرت المرمي على السراميك مسكته واستغربت الاسم سكرته ودخلت البيت
اثمار : امممي
نجلاء وقفت :هلا
اثمار :فيه كرت زواج حطيته على الطاوله
نجلاء : تمام
-
بالمستشفى
جالس بالمكتب ويفكر دخل مشعل : ناديتني ؟
سهم : اي اجلس بكلمك
جلس مشعل نطق سهم : ماتحس وجود حساب عندنا بالمستشفى غريب؟
مشعل : الا بس قلت يمكن احط غلط برقم شي وطلع حسابهم
سهم: منجدك الحساب وشطوله وحسابنا وش قصره بنغلط!
مشعل : انا اقول ناد اثمار نشوف كيف جابته
سهم : طيب نادها
طلع مشعل ودخل على اثمار بالمكتب
ناظرت اثمار فيه
مشعل : سهم يناديك للمكتب
بالمكتب ناظر سهم باثمار: كيف جبتي الحساب
اثمار: ماعرف لقيته بين الاوراق الي عندي
مشعل : اصلاً مين سمح لك تدخلين على الحسابات بدون نتاكد منها؟
اثمار : انت قلت لي !
مشعل: كيف ؟ وقف مشعل : ماتوصل ياثمار تكذيين بعد !!!
اثمار ناظرت فيه واقف : ماكذبت انت قلت انه متراكم عليك الشغل
سهم : مستحيل مشعل دايم مرتب وضعه مستحيل تتراكم عليه اشغاله
مشعل : كيف قلت لك اني عندي شغل وانا ماجيتك
اثمار تحس نفسها بتصيح خلاص : ابراهيم جاء عندي وقالي ادخل ماعطاني الحساب لكن انا شفته بين الاوراق قالي انت متراكم عليك شغلك والله حتى انا استغربت بس قلت خلاص ادخل مطلوب مني
مشعل ناظر بسهم باستغراب
سهم : ناد لي ابراهيم
ابراهيم بالمكتب
يمشي ويرجع يمشي ويرجع
رفع جواله يتصل : مو قلت لي بتتصرف ومااحد بيدري !
المتصل : كنت مشغول مادريت انها دخلته بذا الوقت
ابراهيم : تززعجني ادخل حسابات الي تخص مستشفانا لكم وبالاخير تنكبني !
المتصل : يابن الحلال ماصاير شي انا بس غلطت ماانتهبت للوقت وانشغلت مادريت الا هم يوم كشفو ان احد داخل بعدين خلاص احل الامر انا
ابراهيم : وش تحل وش تخلي
لف ابراهيم للباب وانصعق يشوف مشعل الي واقف مصدوم!
-
نجلاء اخذ كوب الشاهي طلعت من المطبخ بتدخل الصاله تذكرت الكرت نزلت الكوب بالطاوله قربت لطاوله الي عند الباب اخذت الكرت : ماءشاءلله مين بيعرس قربت للكنب وجلست فتحت الكرت ..
نجلاء اخذت كوب الشاهي طلعت من المطبخ بتدخل الصاله تذكرت الكرت نزلت الكوب بالطاوله قربت لطاوله الي عند الباب اخذت الكرت : ماءشاءلله مين بيعرس قربت للكنب وجلست فتحت الكرت ناظرت بالاسم المعرس رائد زيد ** : ايشش ناظرت بالاسم من جديد
رفعت راسها تناظر تبي تستوعب المقصد من عزيمته لها ناظرت بجنبها تدور جوالها اخذته دخلت على رقم عقاب واتصلت رد عقاب : هلا
نجلاء :عقاب مشغول؟
عقد حواجبه عقاب باستغراب : ليش ؟
نجلاء رفعت راسها تكتم غصتها : ابيك عقاب ابيك
وقف عقاب من مكتبه وطلع ركب سيارته متوجهه للبيت
بعد مده وصل للبيت دخل ناظر بالهدوء ناظر بصاله وماكانت موجوده ناظر بكوبها الموجود والواضح ماشربت منه رشفه
رقى فوق للغرفه فتح الباب ناظر فيها جالسه تناظر وساهيه قرب لها : شفيك نجلاء شصاير
نجلاء ناظرت فيه وهي ماسكه الكرت وقفت وقربت له مدت الكرت له : يعزموني بعد كل هالسنين طلعو ماهم ناسيني
اخذ عقاب الكرت وناظر بالاسم باستغراب وصدمه تاكد من الاسم مره ثانيه زاد استغرابه كثير وش يبون فيها بعد الحين
ناظر بنجلاء واقفه قدامه عقاب : كيف وصلك؟
نجلاء : لقته اثمار مرمي بالحوش
عقاب : غريب
نجلاء وصلت فيها غصتها الى ما انفجرت صياح سحبها عقاب يحضنها
نجلاء : وش قصدهم وش ودهم
عقاب ناظر فيها : يمكن يبون يبدون من جديد ودهم ينسون الماضي
ابتعدت نجلاء عنه ناظرت فيه : هم بسهوله ينسون انا صعب ياعقاب انت تعرف انا وش عانيت تعرف وش جاني منهم هذولا مو اخوان ولا هو ابو ولا هي اخت هذولا مااسميهم عائلتي ابداً ابداً
عقاب تنهد يناظر فيها كيف بدت ترجع حالتها الي قبل هو ما صدق انها تعيش طبيعي وتنسى صحيح يمكن مانست ماضيها لكن عاشت
-
ناظر مشعل فيه
ابراهيم انصدم منه قرب مشعل ومسك كتفه سحبه لبرا لمكتب سهم فتح الباب ودفه بقوه
مشعل ناظر بسهم : خذ النذلل
ابراهيم : لحظه افهموني اول
وقف سهم باستغراب من ابرهيم وكلام مشعل!
ناظرت اثمار بصدمه فيهم وقفت بتطلع تحس مكانها غلط بينهم الثلاثه قربت بتطلع ناظر مشعل فيها : ماقلنا اطلعي اوقفي هنا
وقفت عند الباب ولفت لهم
ناظرت فيهم
مشعل ناظر بسهم : لقيته يكلم واحد وفهمت انه هو الي متعمد ندخل حساباتنا بحساب مستشفى
ابرهيم ناظر بسهم : اسمع مني وبعدها سو الي ودك
سهم انصدم مايتوقع هالشي من ابراهيم جلس سهم وناظر بابرهيم : اجلس وقولي كل شي
ابراهيم: قبل فتره قالي ولد عمي انه مستشفى حقه بانهيار بسبب نقص الاغراض فيه والاهلي بالقريه يشكون منه وطلبو يرفعون بلاغ لمستشفاه لكنه قالهم بيوريهم انهم يكذبون وطلب مني استفزع معه اعرف والله اعرف انه غلط لكن لحظه حسيت نفسي ولد عمي ليه ماساعده صدقني كانت بتنحل لكن انقلبت كلها فجاءه
ضرب مشعل الطاوله : يامررريض وش تنحل انت تعرف وش تسمى ذيييي تعرفففف
ابراهيم ناظر بسهم : سهم افهمني قسم قلت بساعده وبخلي اثمار تسجل البيانات على اسااس انه مستشفاه الي جايب كل هذا يعني عشان يحسبون ان مستشفاه كبير
وقف سهم وناظر بمشعل : عطه ورقه يوقع طرده
ناظر سهم بابراهيم : مطررود
وقف ابراهيم بيتكلم سحبه مشعل : والله لو تبوس رجوله ماخليك تكمل انا امش قدامي
ناظرت بسهم جاي لمها والواضح يبي يطلع طلعت قبله برا المكتب مصدومه منهم دخلت مكتبها وسكرت الباب جلست بكرسيها تناظر باستغراب
بعد مده
طق الباب مشعل دخل ناظر فيها : بقولك كلام
اثمار : اذا تعتذر ف مايحتاج
ابتسم مشعل : اعتذر عن ايش
اثمار : انك ظلمتني!
مشعل : ماظلمتك انا شفت الي قدامي ثانياً كنت احسب انه انتي لان كل الادله موجهه لك
اثمار تكفت : مثل ايش الادله استاذ مشعل
مشعل : كثيره لكن جيت اقولك مهما قالك احد تحطين حسابات او اي شي تجين تتاكدين مني ومن سهم
هزت راسها له وطلع مشعل
-
جلست نجلاء تناظر بالجدار قدامها وساهيه تماماً
لف عقاب لها يناظر فيها غمض عينه بتعب بتعب للجاي
نطقت نجلاء بدون تلتفت له : 23 سنه تماماً ماعرفهم لفت له: ليه يجون الحين ؟ يوم طاب قلبي وصدري يرجعون يجرحوني وكانهم يقولون لايطيب باقي موجودين احنا
عقاب سكتت يبي تطلع كل مافي داخلها
كملت نجلاء : ياكم زعلوني وراضيت نفسي قلت يمكن صح حصل مني رغم انه مايحصل مني خطا لكن اسكت نفسي بهالشي ناظرت بعقاب وقالت جملتها الي تحسها نار بوسط قلبها : انا كنت مغتربه بوسط اهلي ياعقاب
-
خلصت باقي الاوراق فركت راسها: يبي قهوه تسغل هالمخ
وقفت فتحت الباب قربت للمصعد ناظرت فيه : لاول مره بصير جريئه واركبك لحالي قربت تضغط الزر
ومافتح ضغطت مره ثانيه وبرضو مافتح ناظرت بالي جنبها فتح ودخلو كثير فيه لفت للي عندها وضغطته فتح قربت بتدخل وناظرت بسهم واقف ومعاه دكتورين لفت قبل يسكر وطلعت : يوومه مشت بسرعه للدرج نزلت للكوفي
قربت للباريستا وطلبت قهوتها
قعدت على احد الكراسي وبدت تتقهوى
ناظرت بالسستر الي يسولفون ويتضاحكون ناظرت بقهوتها الي باقي منها : شكلي مطوله ماني مخلصتها اخذتها معها ووقفت لفت بقوه صدمت بوحده من السستر الي تركض لصاحبتها انكبت القهوه على لبس السسستر  ناظرت اثمار بتوتر فيها السستر الفلبينه
صارخت الفلبينه بوجه اثمار لكن كان كلامها مو مفهموم ابد لاثمار
السستر مشت معصبه لصاحبتها معصبه وتعلم صاحبتها وتشر على اثمار
اثمار: وصخه تحش فيني قدامي بعد
-
صحى نياف ناظر بالبيت الغريب اعتدل بجلسته واوجعه ظهره رجع انسدح : اووهه ظهررري
دخل سيف عليه : صباح الخير
نياف : اي خير يامسلم ظهررري يعورني
سيف : سلامات وشو
نياف : من نومة الارض ارضكم يابسه
ضحك سيف : ماانت متعود
-
ناظر فيصل بمكتب عقاب الفاضي لف لسكيورتي بيساله لفت انتباهه توتر شخص من العساكر اتجاه نظرات فيصل حس عليه وقرب فيصل له : نادر تعال لمكتبي
سكت نادر وووقف معه
دخل فيصل المكتب : سمعت ان المروجين منتشرين بمدرسه ال** قلت بنداهمهم بكرا الصبح
توتر نادر : طيب وقف بيطلع
فيصل : ماقلت اطلع !
نادر : عندي شغل طلع نادر مستعجل
اخذ جواله فيصل اتصل : اسمع راقب لي جوال نادر ،، اي شاك فيه
بعد مده فتح باب المكتب بقوه صارخ فيصل بقوه : خذووه
وقف نادر بخوف من مسكو يده
دخل مكتبه فيصل وسكر الباب بقوه : تبن
رفع جواله يتصل على عقاب لكنه مايرد
-
جلس عقاب على حافة السرير يناظر بنجلاء الي تو غفت يناظر ب كيف رجعت لنفس حالتها قبل همس : قوي نفسك لاتضعفين وتتعبيني
ناظر فيها ماوده يرجع لذيك الايام الي حاول يساعدها تنسى وتتشفى من اهلها ناظر فيها : استودعتك الله من كل حزن ياالنجلاء ناظر فيها وابتسم: ماني سامح لهم يضرونك لو وش مايكون وقف اخذ الكرت من الطاوله وشقه بقوه رماه بالزباله يكرم القارى قرب جلس على السرير بجنبها
اخذت عباتها منار ووقفت تلبس
مسك سعود عبدالرحمن واخذه معاه برا
ركب سعود وناظر بمنار جايه ركبو
بسياره
قرب عبدالرحمن بيمسك يد منار وابعدت يدها : وخر
عبدالرحمن تأفف
منار : بس نخلص ابي ارجع اجهز اغراضي
لف عبدالرحمن لها يتاكد من جديتها ولف لقدام : وشو
منار : ماعليش بس يالله تحملتك الحين
عبدالرحمن: كل هالمده شبتقولين لاهلك؟
منار : ريحته شينه
عبدالرحمن : لاحول ولا قوه الا بالله
-
ناظرت بساعه 2 ظهراً
وقفت واخذت اغراضها بتطلع طلعت برا ومشت للبوابه وقفت تناظر بسهم وهو ساهي ومتكي بكتفه على الباب
مشت للبوابه وطلعت لفت تشوف ظهره من الخلف
وكيف متكي لفت لسواق وركبت
-
وقفت منار لدورها بعد مده نادوها ناظرت بعبدالرحمن وسعود جالسين بقسم الرجال دخلت داخل وبعد 20 دقيقه خلصت طلعت برا ومعاها صوره ل السونار ركبت السياره ومدتها لعبدالرحمن : وهه يازين وليدي
منار : يمكن بنت
عبدالرحمن : الي يجي حياه الله
بعد مده
لف لها : وين تبين اوديك ؟
منار : بيتي
عبدالرحمن : نسيتي يعني ولا كيف
منار : مانسيت بس ابي الحين بيتي ووبجهر بعدين توديني
عبدالرحمن همس : من عيوني تشوفينهم
-
نزلت اثمار ودخلت البيت
ناظرت بهدوء الصاله وامها ماهي بموجوده
قربت بترقى رفعت عيونها بنزول ابوها
اثمار: يبه
عقاب قرب حضن اثمار بكتفه ساكت
اثمار : بسم الله روان فيها شي ؟
عقاب هز راسه ساكت
اثمار : ابوي امي طيب شسالفه
عقاب : مافيها شي بس شوي تعبت لاتجينها انتي ولا روان بكون معاها
ابتعدت اثمار : وشو امي تعبانه ولا اجيها ماعليش قربت لغرفه امها رمت اغراضها عند الباب ودخلت ناظرت بامها نايمه وقفت عندها تناظر دخل عقاب ناظر بوقوف اثمار : مافيها شي غير تعبانه
اثمار: امي الصبح مافيها الا العافيه وش جاها
عقاب : مافيها شي قلت لك قرب مسكها من كتفها يسحبها مشت معه اثمار لمحت الاوراق المقطوعه بالزباله لفت لمها تناظر فيها همست : الكرت
طلعها ابوها برا وقفت عند الباب تاخذ اغراضها ناظرت بابوها: ابوي وش السالفه ادري فيه شي وشو
عقاب : اثمار انا تعبان لاتتعبيني روحي لغرفتك وروان لاتقولين لها
مشت اثمار ووقفت عند غرفتها تناظر فيه لف عقاب لها
عقاب : عندكم عزيمه الليله اشغلي روان فيها
اثمار: بعد امي ماني رايحه
دخلت الغرفه وقفلت الباب نزلت اغراضها على السرير جلست على طرفه : وش فيه الكرت !
ناظرت بقدامها : ليتني مادخلته
-
دخلت منار البيت
قربت وجلست بصاله ناظرت بعبدالرحمن الي جلس قدامها وماجاء حولها
ناظرت بعبدالرحمن : اشوفك تعودت
عبدالرحمن لف لها : منار والله ماصرت اعرف لك ماتبيني وتبيني !
منار نزلت راسها تبكي: ماتهتم لي ولا لوش احس فيه تراني انسانه انسانه
عبدالرحمن : وشجاك بسم الله
منار وقفت وطلعت من الصاله دخلت بغرفتها وجلست بسرير تشاهق وتبكي
-
العصر
اعتدلت بجلوسها ناظرت بساعه ٤:٠٠
وقفت دخلت دوره المياه تتروش
دخل عقاب الغرفه ناظر بسرير ماهي موجوده
قرب سمع صوت الحمام وقف عند الباب : نجلاء
نجلاء : دقيقه واطلع
عقاب : طيب انتظرك
بعد مده وقفت عند التسريحه تحط كريم لوجهها
ناظرت بعقاب جالس : وش فيك
عقاب : مستغرب ليش قمتي
نجلاء قربت وجلست بجنبه : ادري تحسب اني برجع لحالتي الي قبل لفت له : بس مستحيل بناتي موجودات انت موجود ليش اتعبكم ليش ادخل واسكر الباب واقعد اتعب نفسي بالتفكير ماراح استفيد غير الهم والتعب مسكت يد عقاب : انت موجود تكفيني ومابي احد غيرك انت والبنات انتم عائلتي فقط الباقي مثل ماكانو قابل عابرين فقط
عقاب ضغطت على يدها : الحمدلله
وقف ووقفت معه: تعالي ننزل للبنات تحت
نجلاء : تمام
-
وقفت اثمار عند راس روان : قومي الووقت راح
روان رفعت راسها : وشتبين وشتبين مااابي اروح كنسلتت نزلت راسها روان غطت راسها تكمل نوم
اثمار : سمو بتجي
فتحت الغطاء ناظرت فيها : صادقه؟
اثمار رفعت حاجبها : عرفت لك
روان : ياشينك
اثمار : قومي بسرعه
اعتدلت بجلستها روان : قمت
طلعت اثمار تحت ناظرت بامها وابوها قربت لامها وجلست جنبها
اثمار : يمه سلامات شفيك اليوم
نجلاء حطت كفها على ظهر اثمار : مافيني الا العافيه
اثمار : الحمدلله ناظرت بابوها كان ساهي
عرفت وتاكدت ان فيه مووضوع وموضوع كبير لفت لنزول روان جلست روان ناطرت بابوها وامها
نجلاء : جهزتو؟
اثمار : كنسلت اليوم
نجلاء لفت باستغراب : ليش؟
اثمار : اليوم جيتك وكنتي تعبانه قلت ماني رايحه
روان بصدمه : ومقومتني ليه؟
اثمار : عشان نجلس مع امي لفت لامها : ونسألك وشفيك
نجلاء ناظرت بعقاب وناظرت باثمار : صدقيني مافيني شي
اثمار: ناظرت بالكرت بالزباله مشقوق
ناظر عقاب باثمار : تعرفين تسكتين ؟
اثمار: وش فيكم انتم وش سالفه الكرت
عقاب عصب : اسكتي افضل لك
اثمار سكتت لفت راسها
روان : وش كرته وش سالفته انتو ترا نمت اقل من ٥ ساعات وش ذا الي صار عقاب ناظر بروان سكتت من نظرته
بدت تطلب وتجهز ناظرت برقم حنين تتصل ردت
احلام : هلا والله
حنين : ترا بجيك بدري
احلام : حياك الله
حنين : وبكشخ عندك سيف مشغول شوي
احلام : ابد ماعليك حتى لاتجبين شي تاخذين من عندي
حنين : ياعمري والله
دخل سهم البيت
رفع جواله يتصل على سيف
سيف : ارحبببب
سهم : البقى سيف بتجي اذا فاضي وشرايك نشوف الارض الي جنبنا ؟
سيف : الحين والله مشغول خله بعدي
سهم : بعدين بعدين بروح شوي اشوف وانت اقعد
سيف : طيب الله يقويك
سهم قفل جواله ناظر بنياف نازل : ناس غريبه
نياف : وشو
سهم : يعني الحين وش البرود الي بسيف اقوله الارض بنشوفها يتعذر
نياف : مامعه فلوس يمكن
سهم : ماقلت ادفع من جيبك
نياف : بس برضو مايدري
سهم لف بيطلع وقفه نياف : وين بتروح
سهم : شرايك تجي معي بعد تراقبني وين اروح؟
نياف : حشى بس بروح معك
سهم : امش استفيد معك
-
وقفت سمو تتجهز ناظرت نجد فيها : ياخي خير ليه مايعزموني
سمو : مااحد يحبك غيري
نجد : ماشفت منك حب غير تكرفيني معك
سمو : افا
نجد : ابوي تعذر عن دوامه بس غريبه طول مره يعني قبل كان اسبوع يالله يسمحون له
سمو لفت لها : وش ذا الشطحه بالسالفه
نجد : ياخي تو تجيني لحظه ادراك
دخل فيصل البيت سمعو صوته
نجد : يويلك جاء وانتي مالبستي
سمو : شدعواا ترا لبس بس
نجد : ماتلبسين برقع ؟
سمو : الا بشوف عند جده
وقفت نجد : اجل بنزل لفصيل
-
تحت بالصاله
دخل فيصل الصاله ناظر بجدته جالسه تناظر التلفزيون
فيصل : سلام
قفلت مناير التلفيزيون : هلا بفصول
ابتسم فيصل : وين ابوي وجدي
مناير : طردتهم قلت بريح راسي منهم
فيصل: ما يزعجون
مناير : كيف مايزعجون؟
فيصل : يعني ماهم بزران تريحين راسك منهم
مناير ناظرت لدخول نجد ولفت لفيصل : ابوك تقول اشوا بس جدك عن مليون صغير
فيصل : بالعكس وش زينه جدي
مناير : لا والله غثيث
دخل خلف الصاله ناظر بمناير : سمعت عني غثيث
مناير: هو بس سمعت انا اقولها لك غثيثثث
خلف ناظر بفيصل : عشانها سمعت خبر بس وحتى كذب قلبت علي
مناير : يقول خبر وماهو صح وهم مصورينه ياشيخ توكل
خلف : مناير تقل خليتك على راحتك قدام العيال
مناير : ليت يرجع الزمن واسفهمك مثل ماسفهموك البنات
خلف : تراك حتى انتي مااحد خذاك
مناير : كنت مخطوبه يالكذاب !
وقف فيصل ناظر بسمو جايه ومعاها عباتها وبرقع
استغرب فيصل قرب لسمو : وش برقعه
سمو : بسياره اقولك
دخلت لصاله وفيصل واقف
قربت سمو عند جدتها : اخذت برقعك
ناظرت مناير فيها وسحبتها تجلسها جنبها نزلت خاتم ذهب اخذت يد سمو : انا لو تمسكين قميصي الي علي وتقولين نزليه باخذه عطيتك
سمو بضحكه : اكيد بس وش له هالخاتم؟
مناير : اكشخي فيه خليهم يعرفون يعني لمحي لهم ان جدتك غنيه وصغيره
سمو قربت لجدتها وهمست : ترا رايحه عزيمه بنات مو خطابه
ضحكت مناير : تربيتي بس لا تقولينها لي