"خذني على قد الوله واشتياقي ترا الكرم بالحب حاجة عظيمة"

بارت 67

بعد التروايح وقفت اثمار تناظر بكليتها الي بلغوها باجازه يوقفون العمل الين العيد ابتسمت : الحمدلله نزلت تحت لامها بالصاله : ابشرك عطوني كليتي اجازه ما اداوم الين العيد
نجلاء : الحمدلله ولو اني بغيت اهاوش سهم
ابتسمت اثمار لامها
-
بعد مرور ١٩ يوم بدون اي احداث
ليلة العيد
وقفت روان بصدمه من رساله سمو كان محتواها:
رواني بالعيد بكرا بيجون عمي وفيصل يسلمون عليكم وبلغي نجول بيجي فيصل يسلم عليها
نزلت تحت تركض ناظرت بامها جايه من الصالون : يمه !
نجلاء : وشو
روان : فيصل بيجي
قربت نجلاء بصدمه : ليش يجي ؟
روان : بيسلم علينا
نجلاء : اي عادي يعايدنا ضربت راس روان : احسب الحين
-
اخذت الجادل شماغ صقر تكويه ناظرت بالساعه ١١:٢٠ : ياربي مافيه وقت ابد
خلصت وعلقتها اخذتها لصقر جالس يناظر بجوالها : خذ
اخذها صقر
راحت الجادل للغرفه ناظرت بميار حاطه ماسك اسود : اعوذ بالله قلت الماسكات البيضاء
ميار : الماسك هذا يجننن !
الجادل : عطيني مافيني اسوي اخذت تحط وانسدحت بسرير ناظرت بسعود الي دخل يضحك لهم لفت ميار : حيو سعودي
-
تحت
ناظرت منار بابوها : البنت تكون صاحبه البنات بعد والله يبه ماتندم وغير كذا بنت عم فيصل صاحب صقر
ابو صقر : نشوف
منار : يبه لاتقول نشوف قول تم
دخل صقر لهم وهو الي سمع كل الكلام بس سوا نفسه مادرى
ابو صقر : تبي نخطب لك بنت عم صاحبك
كتم ابتسامته صقر : اي عادي
ابو صقر : وش عادي ناقه هي
ضحكت منار ووقفت تطلع لغرفه البنات
-
الساعه 3:00 الفجر
قامت نجلاء حاولت تاخذ غفوه عشان تكون مصحصه طول اليوم قامت اخذت اغراضها ودخلت دوره المياه تتروش
ناظرت اثمار بساعه الي دقت وهي ماقدرت تغفى ابد تفكر بذاك اليوم ناظرت بسقف اعتدلت بجلوسها تحسست بيدها مكان الجرح وقفت اخذت اغراضها تاحذ تروش
طلعت روان والفوطه براسها قربت لتسريحه اخذت كريمها وبدت تحط بساقها ناظرت بساعه لفت لتسريحه وبدت تكشخ وتتزين
-
ناظرت الجادل ب صقر الي يدور عندهم يدور الكبك حقه
سفهمته وكملت تكشخ ناظرت منار الي تلبس سعود وتتهاوش معاه
سعود : مابي
منار: اقول البس لا اضربك الحين
خلصت ميار وناظرت في منار والجادل الي توهم
ميار : ياشين الاستعجال
-
وقفت نجد تناظر بفيصل : ماعندنا ولد غيرك والبشتنا!
فيصل : ماعندي خوات غيركم وهذا شغلكم
نجد : ترا وراي ميكب واشياء اتكشخ
فيصل : ليه تتكشخين اطلعي بالقميص الي دايم تطلعين لي فيه
سفهمته نجد رقت لغرفتها تكشخ
-

5:40
وقفت احلام تختم كشختها بالعطر فتحت الباب ناظرت بسهم ماسك شماغه بيلبسه : ووه فديت اخوي المزيون
ضحك سهم : طالع عليك
ناظرت احلام بنياف جاي لمهم : طيب انا ؟
صراخت رفيف : طالع على اختك الصغيره
ضحكو عليها رقت لهم ام سهم : خلصتو ناظرت بعيالها بسم الله عليكم الله لايضركم
ابتسمت احلام لها ناظر نياف : ترا تقصد العيال انتي منا؟
احلام : كل هالانوثه واصير منكم!
سهم : صح عليك
ناظر بامه : يلا تبين نمشي ؟
ام سهم : اي بس بشوف اذا بتروح رفيف ناظرت باحلام : بتروحين معنا تصلين ؟
احلام : لا ماودي
طلعت رفيف لهم : شرايكم ؟ بدت تدور لهم
نياف : اخت نياف فعلاً
سهم : تهبلين
ام سهم ابتمست لهم تحصنهم بداخلها
سهم : يلا بنزل تحت انتظركم تلبسون عباتكم
هزت راسها ام سهم وتعدتهم
نزل سهم تحت فتح جواله لرقم سيف : مالك حس ترا مو عشاني وافقت تروحون لبيتكم يعني تسحب ! يلا اشوفك قدامي بالمسجد
-
نزلت نجلاء ماسكه عباتها تناظر بعقاب تحت ينتظرها
لبست عباتها ناظرت فيه : مزيون عقاب صاير
عقاب : دايم مزيون
نجلاء : لا تو تطلع مزيون يوم فقرتك ههههههههههههههه
ضحكت اثمار من وراهاا : امي كل مره بتذكرينه
نجلاء : اعلمه الصدق
عقاب لف لروان الي نازله : حي بنتي
تخصرت اثمار: خير يبه !
ناظرت نجلاء بروان الي جايه لمهم : طالعه على امك
اثمار : هيه خير
ضحكت نجلاء وضحك عقاب : اثمار انتي الاولى دايم ماعليك
لف لنجلاء : يلا؟
نجلاء لبست عباتها : يلا
ناظرت بالبنات: انتبهو يلا بنصلي ونجي
هزت راسها اثمار طلعو نجلاء وعقاب
-
دخلت المسجد ام سهم ومعاها ام سيف مشت الين احد الزوايا حطت سجدتها وجلست وجنبها ام سيف
ناظرت ام سيف بالحريم والاطفال والعيديات الي معاهم
لفت نجلاء لهم : ام سهم وام سيف ؟
ام سهم : لا تعرفينهم ؟  هههههههه
ابتمست نجلاء وقامت تسلم عليهم : لا ياختي حريم شينات
ام سهم : لا بالله يمدحونهم الناس
ضحكت نجلاء ولفت لام سيف : لازم نضمك بقروبنا حق الحديقه
ام سيف ضحكت وسلمت عليها
-
ناظر سهم بسيف الي جاي لمه : تأخرت
سهم : لا لسى مابدا
نياف ناظر بعقاب الي جاي لمهم : يالليل شكله يبي نصير عياله مره ثانيه
سهم : ولد
ناظر بعقاب الي جاي له سلم عليه :هلا بسهم
سلم سهم عليه
-

بدت تكبيرات العيد وبدو بالصلاه دخلت ام صقر ومنار
ناظرت ام صقر بالزحمه لفت لمنار : زحمه نطلع برا؟
منار : اي احسن كتمه بعد
طلعو برا ناظرت ام صقر بمنار : تاخرنا بس يلا
بعد مانتهو من الصلاه وبدو يسلمون على بعضهم ويهنون بالعيد
نجلاء : كل عام وانتي بخير
ام سهم : وانتي بخير وصحه وسلامه
لفت لام سيف وهنائها
-
عند الرجال
سلم سهم على عقاب وباس راسه كتقدير وهنائه بالعيد
ابتعد سهم وسلم نياف على عقاب
سلمو على بعضهم العيال ويهنئون بعض بالعيد ناظر عقاب بالرجال الي يعزم بيته ويعزم الرجال الي يجهل من هم : القهوه بالبيت الكل يجي حياكم الله
ناظر عقاب بالعيال : تعالو القهوه عندي
سهم: اعذرني معاي الوالده بوصلها
-
سلمت اثمار على روان : كل وعام وانتي بخيرر ياجمل اخت
روان : وانتي بخير وحضنتها
ابتعدت عنها عند دخول ابوها ونجلاء ركضو لهم يسلمون
اثمار : كل عام وانتم بخيرر ياحلى ام واب
ابتسمت نجلاء : وانتي بخير
حضنهم عقاب : يازين بناتي جعلكم كل عيد معي
نجلاء : وامهم ؟
عقاب : معي دايم ان شاءلله
نجلاء ناظرت بناتها : دايم ينساني واذا ذكرته رقعها لي بس يعرف يسكتني ضحكت اثمار وروان كملت تحضن ابوها
ناظر عقاب بجواله الي يتصل لمحت روان وكان ابو فيصل بلعت ريقها تناظر بامها واثمار ابتعد عقاب عن روان وناظر بنجلاء : ابو فيصل اكيد بيجون جهزي القهوه
نجلاء : مجهزه كل شي بالمجلس بس باقي القهوه نزلت عباتها مدتها لاثمار : امسكي بروح للمطبخ
وقفت روان تناظر بامها الي راحت للمطبخ وابوها للمجلس يكلمهم بلعت ريقها تناظر باثمار : حلو شكلي ؟
اثمار: وتسألين يابنت تخبلينن!!!
روان : متوترره
اثمار: عادي
روان : طيب كيف اسلم عليه ؟
اثمار: ابد بوسيه !
روان ناظرت بصدمه : ايش!!
اثمار: تستهبلين : سلمي سلام عادي قربت لروانن وسلمت عليها : مثل كذا
روان : بروح فوق بعدل وبتعطر رقت فوق لحقتها اثمار دخلت غرفه امها نزلت عباتها وطلعت تحت بالمطبخ تساعد امها ناظرت بامها تسوي القهوه وترتب المعمول : يالله خلص رمضان
نجلاء : اي والله امس بادين برمضان
اثمار : الحمدلله بس الي كملناه بخير وصحه
نجلاء : الحمدلله
دخل عقاب : هاه وين القهوه ؟
مدتها نجلاء ومعها صحن المعمول : سم
عقاب شم ريحه القهووه: ايباااهه بالمخ
ابتسمت اثمار
نجلاء : من صنع يدي
عقاب : انشهد