ناظر عبدالرحمن فيها ابتعدت كثير عنه ناظرت بصقر الي يناظر فيهم بسكوت
ناظر عبدالرحمن بصقر : عندك دوام بشركه ؟
صقر : لا
منار : يمكن الجادل او ميار طلعو روح لهم
صقر ناظر بساعته : تونا على ميار والجادل اذا طلعت تقولي
منار ناظرت بعبدالرحمن وقف صقر وجلس جنب عبدالرحمن ناظر فيه
صقر: شسويت يوم سجنوك
عبدالرحمن ناظر كيف جالس بينه وين منار لكن منار شوي بعيده عنه ناظر فيه: ابد فكرت لو احطك مكاني هل بيكون عادي ؟
صقر : لا ماهو عادي ناظر بمنار : منار ماترضى
عبدالرحمن : اكيد حتى زوجها ماررضت عليه
صقر : شدرراك يمكن كانت ترقص انها افتكت منك
ناظر عبدالرحمن بمنار وتذكر يوم كانت تبكي يوم قالها وابتسم ناظر فيها: اعرفها
رفع يده صقر قدام عبدالرحمن : تراني هنا انتبه وزياده صايمين حركات بركات ماتنفع الحين
عبدالرحمن نزل سعود وناظر بصقر : طيب تدري وش الحلال ؟
صقر : وشو
عبدالرحمن : اذبحك هنا وادفنك
ناظر صقر بمنار : عنيف كيف عايشه معاه
منار : اذا تحب الشخص بتعيش معاه لو يصبحك ويمسيك بتعنيف ناظرت بعدالرحمن وقف صقر : انا استئذن ومشى بعيد عنهم تفاجاء ماردو عليه ناظر وراه شافهم يناظرونه متى يطلع طلع وسكر الباب للحظه فقط فك الباب ودخل ناظر بمنار واقفه بتجلس جنب عبدالرحمن قرب لهم : نسيت جوالي
عبدالرحمن ناظر بيد صقر وشاف جواله : معك جوالك
ناظر صقر بيده وسوا نفسه متفاجاء : اوو ماعليش طلع برا ناظرت منار فيه تنتظره يدخل لكنه ما دخل سحب يدها عبدالرحمن تجلس بجنبه
-
طلع صقر لغرفته بيرتاح ناظر بجواله دخل لرقم فيصل وارسل له : الله لايسامحك
فيصل : تراك اشغلتني ياخي
صقر : عطشان وجوعان
فيصل : عادي شوفني صور له جالس على المكتب يشتغل
انت اخذت اجازه وتصيح علي شوفني
صقر : كلتبن
نزل جواله فيصل يناظر بالاوراق وهو يفكر لو صدق طلع شخص من المركز ينقل الاخبار ايش بيسوي وده يعرف منهو لكن يبي له خطه قويه ناظر بعقاب الي دخل
عقاب : والله اني شايل هم كل من مر من عندي اشك فيه
فيصل : حتى انا صدعت
عقاب : شنسوي
فيصل : الموضوع يصير بيني وبينك ولا احد ييعرف
هز راسه عقاب
فيصل : الخطه ما ادري
-
العشاء
ناظرت اثمار بابوها جلست قريب منه : يبه
ناظر عقاب فيها : هلا
اثمار: لي كم بسألك وانسى
ناظر عقاب فيها كملت : يبه كيف تعرف مديري بالدوام
عقاب نزل الجوال وناظر فيها : اعرفه من زمان قد قابلته
اثمار: اي بس كيف
عقاب : الرجال يعرفون بعضهم لو من مسجد ويصيرون كانهم اخوياء
ناظرت اثمار بابوها تعرف انه يصرفها : زين
منسدح جنب السفره ماسك بطنه ناظرت ميار فيه : شبقيت لنا ؟
صقر : انتي تسحرتي انا ماتسحرت
الجادل : قوم طيب ساعد منار باغراضها
صقر وهو باقي منسدح لف للجادل : تعودت عليها عندنا
ميار : صدق ياخي
الجادل : يوم هي فيه ماعليكم بس يوم جت تمشي فقدتوها
ميار : انا معاها طيب ماخليتها
وقف صقر : الجلسه معكم ممله
ناظر صقر بسعود الي جاء لمه معاه حلاوه شاله باسه بخده : سعود بنشتاق لك
الجادل وقفت : سعودي تعال تعال مدت يدها له
صقر ابتعد عنها : تحبني ولا الجادل
ابتسم سعود ضرب الحلاوه بجبهه صقر نزله صقر : الله يقرفك
ضحكت الجادل عليه بقوه : تحبني ولا الجادل يععع احسننن تستاهل
صقر قرب بيضرب الجادل ووقف يناظر منار الي نازله كاشخه صفر بقوه : ادعس ام سعود
ابتسمت منار
الجادل : اخص حظ عبدالرحمن
وقفت ميار تشوفها ناظرت بصقر والجادل : لها نوص شهر معنا ما شفنا هالكشخه
الجادل : بس بهالقميص الروز
ناظرت فيهم منار مسكت سعود بيده وطلعت
ناظرت الجادل بصدمه : سفهتنا
-
شال الشنطه ناظر بسعود الي يركض له باسه وشاله يناظر فيه : وين امك
ناظر سعود بالباب : هنا
ابتسم عبدالرحمن لما طلعت له تمشي : اخخ يامنار
منار ابتسمت له من تحت النقاب
قرب عبدالرحمن لباب فتح لها : تفضلي مناري
ركبت منار لف ورا يركب سعود بكرسي الاطفال
-
بعد يومين لا جديد على الابطال
العشاء
نزل جواله عقاب بعد مابلغه ابو فيصل انها ملكه بس بدون شوفه بعد العيد بيسون حفله صغيره ويعزمون فيها ناظر عقاب باثمار : نادي لي اختك
وقفت اثمار على دخول روان ناظرت فيها وجلست
دخلت روان الصاله ناظرت بابوها وناظرت باثمار
عقاب : تو كلمني ابو فيصل
ناظرت روان فيه كمل عقاب : يقول بس ملكه وتوقيع و بعد العيد الحفله
ناظرت اثمار بروان : مو قلت لك مستحيل يصير شوفه
وانتي ازعجتيني تبين السوق
روان سكتت لفت لدخول امها
دخلت نجلاء معها صحن فواكه : من يوم بدا رمضان ماكلنا الشي الزين بس زيوت قربت اثمار وعطتها بيدها نجلاء قربت روان وعطتها ابتسمت روان : رضيتي علي
نجلاء : لا
عقاب قرب بياخذ وابعدت عنه الصحن : مارضيت قلت
تأفف عقاب لف لاثمار :شلون دوامك
اثمار : زين الحمدلله
عقاب : يلا عاد يابنتي انتبهي ماحطيتك بالاختلاط الا عشانك ولا صدقيني مافيه اب يبي الاختلاط
هزت راسها اثمار
-
جالسه بالصااله تناظر التلفيزيون مع سعود
دخل عبدالرحمن ناظر فيهم جالسين : الله لايحرمني جلس قريب منها ابتسمت منار : امين
قرب لسعود وشاله بحضنه : من اليوم ورايح تجلس بحضني طيب ؟
سفهه سعود كمل عبدالرحمن : الله عليك
-
وقف عند البيت تعبان حيل دخل شاف نجد وسمو يشربون من قهوه سودا : سلام
سمو : وعليكم السلام
نجد : تعال تقهو صحصح
فيصل : صبي لي مع اني ماتوقعت بيوم اشربها
نجد صبت له وعطته : تدري وش صاير ؟
فيصل هز راسه بنفي
نجد : موضوعين اول واحد الي خطبوني ورفضتهم انت وابوي رجعو مره ثانيه وامي مزعجه ابوي الا يوافق
ثانياً انت قالو ان بس ملكه بدون شوفه الحفله بيخلونها بعد العيد
نزل كوبه فيصل : هم متى يخلوني اقرر من نفسي
نجد : حتى انا مثلك رفضه ابوي بدون يشاورني وامي تبيه بدون تاخذ رايي عائله عجيبه
فيصل : لو غصبوك على احد قولي لي بس يويلك
نجد : انا من عندي غيرك فصول
هز راسه فيصل وناظر بسمو الي ساكته
فيصل : شفيك سمو
سمو : مافيني شي والله
فيصل : شلون الجامعه برمضان ؟
سمو : شينه ومتعبه بس الله يعين
فيصل : ان شاءلله هانت ماعاد باقي الا كم يوم
سمو : صح
-
جالسه بالحوش تشرب قهوه ناظرت بنياف ماسك الشاهي امها ورفيف داخل مع ام سيف وحنين
ناظرت احلام بنياف : اسمع
ناظر فيها كملت : سيف متى يطلع ؟
نياف : مدري هو عادي يطلع بس سهم اصر مايطلع الين يتاكد من كل شي
احلام : شفيه سهم عليه؟
نياف : عادي الموضوع بس بعدين تعرفون
_
وقفت بعيد عن مكتب سهم ناظرت بالباب يفتح طلع سهم من المكتب ناظر فيها قرب لعندها : شفيك واقفه وين مكتبك؟
اثمار : موجود
سهم : شفيك واقفه ؟
اثمار : شدخلك تبيني اجلس يعني سهم تراك غثيتني وربي لو بيدي جلست بدون تدريب لكن احتجتتتت احتجت عشان الدرجات الله ياخذها
ناظر فيها ابتسم: انا عشان كذا درجاتك بيدي بلعب فيها
اثمار : ال،، قاطعتها وحده تناظر فيهم
ناظرت اثمار فيها : نعم؟
المره : متزوجين ماشاءلله استاذ سهم هذي زوجتك
سهم ناظر فيها بصدمه : مو متزوجين
اثمار بهمس: زوج وزوجه ايش ؟
سهم ناظر باثمار : مستحيل اتزوجها لو وش مايكون
اثمار : زواج وش يامريض
ناظر سهم في المره : انتي من وين جبتي هالكلام ؟
المره : شفتكم تتكلمون توقعت متزوجين
ناظر سهم باثمار : هذي مبتدئه عندنا
المره لفت عنهم : بتكونون زوجين جميلين .
فزت من نومها تناظر : زوج وزوجه ايش !!
ناظرت بغرفتها مسكت جوالها تشوف الساعه : ناظرت ١١:٤٠ طيب وش لليل ولا نهار ناظرت بالغرفه نزلت تحت لامها شافتها تاكل يمه حنا لليل ولا نهار؟
ناظرت نجلاء فيها : بسم الله لليل
اثمار : نمت بعد الفطور واحس اخ يالخمول
نجلاء : اي حتى روان راحت نامت
اثمار : وانتي ؟
نجلاء : مافيني نوم
-
دخل سهم بغرفه سيف ناظر فيه : سلام عليكم
سيف ابتسم : وعليكم السلام
جلس سهم مقابله : تعرفني ؟
سيف : عرفتك من اسم المستشفى
ابتسم سهم : ماقولك كيف شعوري يوم جابوك عندي
سيف : خفت يفقدوني
سهم هز راسه : خفت يجربون الفقد مرتين اهلك
سيف : ماتخطيت ياسهم
سهم : حتى انا ماتخطيت ولا بتخطى احس شي بداخلي حزن ماني قادر اشيله
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
