سهم رفع راسه لمشعل الي يحاول فيه يوظف بنات يمسكون الحسابات :خلاص سو الي ودك لكن صدقني لو اخطأت خطا بسيط ما اتفاهم الا معك
وقف مشعل بابتسامه : مابغينا ابو نايف مابغيناااا
وطلع وهو مبسوط هو كان بيحط سهم بالامر الواقع لكن ماقوى وهذا شي ماينلعب
سهم مسح وجهه وتعوذ من الشيطان ومسك المويا يشرب نزلها على المكتب وبدا يشوف الملفات
—————
وقف طلع من مكتبه ودخل بمكتب عقاب وشافه مو موجود وطلع ناظر بجواله دخل على رقم عقاب واتصل
بالغرفه..
ناظر بجواله واستغرب الاتصال ورد: هلا فيصل
فيصل : بغيتك ومالقيتك بالمكتب
عقاب : اي طلعت للبيت عسى خير ؟
ركب السياره واردف : خير ان شاءلله بس المووضوع ماينقال بالجوال اذا تقدر نتقابل
عقاب : ابد حياك ببيتي
فيصل : الله يبارك فيك بخلص لي شغله وامرك
عقاب : زين
————-
تسوي السلطه وجهزتها بالسفره ولفت لروان: جهزتي الصحون
روان : يس
قربت نجلااء بصحن الغداء تغرف
روان : ايبااااه يالريحه
اثمار: يا جعل يد سوت هالغداء ماتمسها النار
روان : امين
ابتسمت بحب نجلاء لهم
بالصاله
جابت الغداء نجلاء
نزل من الدرج عقاب دخل الصاله وجلس قرب السفره
بدو ياكلون وعم الصمت الى ما نطقت
نجلاء ناظرت بعقاب: اليوم بطلع انا والبنات للحديقه
هز راسه عقاب : لاتطولون
ووقف : بروح للمكتب عندي شغل بكمله
نجلاء : زين اجل بقول لرانو توصل الشاهي لك
عقاب : طيب وطلع للمكتب
لفت نجلاء لرانو : رانووو تعالللي
دخلت رانو وبهالحظه ضرب الجرس
نجلاء : روحي اجل للباب شوفي مين وناظرت بروان : وانتي قومي وصلي الشاهي لابوك
وقفت اخذت الشاهي وصبت بالكوب واخذته للمكتب
——
بالمكتب
دخلت على ابوها بالمكتب مدت الشاهي له واخذه يشرب جت بتطلع وحست الحين وقته لفت لابوها وتقدمت للمكتب وصار بينهم طاوله المكتب
روان : ابوي
رفع راسه عقاب : هلا
روان : لو مثلاً مثلاً يعني طلبت طلبيه ب بالف توافق
عقاب : لا
روان : ب ثمان ميه ؟
عقاب :لا
حطت يديها على المكتب : ست ميه؟
عقاب : لا
روان : ابوووي طيب خمس ميه
هز راسه عقاب بأيه
نطتت روان بفرحه وقربت لابوها تبوسه ومن الحب تدور كرسي ابوها وهي معه تدور به وبصراخ : ابوووي احبكك ومستمره تدور فيه ضربها بكتفها بقوه توقف ووقفت دايخه وقفت جنب ابوها ومسكت راسها وحطت يدها الثانيه على المكتب رفعت عينها للباب وحست واحد واقف : ابوي تشوف الي اشوفه ولا بديت اهلوس
ماسك راسه عقاب دايخ من دوران روان منزل راسه على المكتب سمع كلمه روان وناظر للباب وانصدم رجع فيصل علطول للخلف لف عقاب لروان
وضرب
كتفهاا مره ثانيه : دوختيني قدام الرجال
انخرشت روان من الرجال الي يناظر فيهم ووقفت بعيد عن ابوها وقف عقاب وطلع برا المكتب وقابل فيصل واقف بعيد عن الباب وتقدم له يسلم
فيصل : اعتذر والله اني دخلت فجاءه
هز راسه عقاب: ماحصل شي تعال للمجلس
دخلو المجلس : حياك الله البيت بيتك بروح اجيب القهوه
فيصل : لاوالله انا جاي بقولك وبطلع عندي مشوار
عقاب : مشوار بعيد ولا قريب بتجيك القهوه انتظر
ووقف وطلع برا المجلس
دخل الصاله وشاف روان مو موجوده ولف لنجلاء : ضبطي القهوه والشاهي عندي ضيف
وقفت وراحت للمطبخ تجهز
طلع عقاب للمجلس وجلس قرب فيصل
عقاب : اسلم وش صاير
فيصل : يوم طلعت من مكتبك اليوم كان فيه ثنين اخوان
هز راسه عقاب ليكمل فيصل : في بنتين مخططين على اخته وحاطين بشنطتها كيس صغير
تفاجاء عقاب : يعني المجموعه بدو يستخدمون البنات الي بالمدارس بعد!
فيصل : للاسف هذا الي حاصل قلت لهم جيبو اختكم بكرا نحقق معها وبعدين نشوف البنات
هز راسه عقاب ووقف ياخذ القهوه والشاهي وبدا يتقهون ويكملون شغلهم
—————
كان واقف عند مكتبه يسولف هو ومشعل
ناظر بساعته : مشعل وقت الغداء قرب بطلع للبيت
مشعل : زين انا وراي كم شغله ماخلصتها احتمال ما اخلص الا بعد الغداء
سهم : لاتقعد اكثر اطلع وريح
مشعل : طيب
ودع سهم ورجع لمكتبه
أنت تقرأ
"خذني على قد الوله واشتياقي ترا الكرم بالحب حاجة عظيمة"
Historia Cortaمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
