بالغرفه
جالسه تطالع بسعود يلعب ولاهي حطت راسها على المخده تناظر بسقف ماخلت يوم ماتصدقت فيه ولا فيه يوم مادعت فيه لعبدالرحمن تتمنى ترجع لايامها الي قبل الايام الجميله الي كانت تعيشها مع عبدالرحمن حياتها انقبلت من يوم دخل سطام ناظرت بسعود معقوله من يوم تزوجنا وهو مانسى ابداً اخخ وقفت تناظر بسعود : تعال سعود قرب سعود: تعال بنروح عند امي
-
جاء في بالها بما انها فاضيه تتتعرف وتشوف المستشفى رقت فوق لدور الثاني ناظرت بالدكتورات كيف يمرون من حولها مرت وحده ريحه عطرها قويه همست : رمضان وصايمين وتعطرين ياربي رحمتك ناظرت بالدكتور الي يمشي مستعجل معاه ايباد ويناظر فيه همست : درينا انك دكتور وقفت بسرعه تشوف سهم يتكلم مع دكتور عطت ظهرها ومشت بسرعه تنزل لمكتبها ناظر فيها سهم ابتسم بخفيف وكمل يتكلم مع دكتور سيف
-
الجادل واقفه على الطاوله تجهز المشروع ناظرت بمهره جايه عندها ابتسمت : اهلين
مهره : اهلاً اهلاً بديتو بدوني ؟
الجادل : لا تونا بس نجهز الاغراض
مهره رفعت اللوحه الفلين : جبتها يالله حصلت هالحجم
الجادل : اهم شي حصلتي الحمدلله
ناظرت مهره بالبنات كيف جالسين يسولفون ويتقهون والجادل هي الي تشتغل : يلا بنات قومو نسوي شغلنا
تأففت وحده : لازم ياخي مالي خلق
مهره : خلاص اجل اقعدي واذا شفتي ماقلنا بالمشروع اسمك لاتسأليني انا والجادل !
وحده ثانيه ناظرت بصاحبتها : مو لهدرجه عاد
مهره : الا حبيبتي اذا كان بس الي يشتغل انا والجادل بكتب اسماءنا احنا بس وانتم دبرو لكم درجات تنجحكم
-
ساعدت امها بالمطبخ وتجهز الحشوات وتجهز السفره
ناظرت بامها : وشو يمه قولي
ام صقر : والله يامي لا ليلي ليل ولا نهاري نهار بس افكر ذبحني هالتفكير ابي يطلع عبدالرحمن ويعيش مع ولده ناظرت منار فيها وابتسمت : ان شاءلله يمه بيطلع
ام صقر : ماكلمتو احد يساعده؟
منار مسكت السفره تجهزها : الا بس شفتي يمه سالفه طويله بس منها السكيورتي الي يشتغل عند ابو سعود خلاه يوقع لانه هددوه وعبدالرحمن يقول كلموه اكيد بيتكلم ناظرت ام صقر بسعود : حسبي عليه ربي وينه هاجد هو ليكون يدبر شي بعد
منار : لا ابوي وصقر يراقبونه بمكانه
ام صقر : الله يعين ويحمينا منهم
-
جالسه بصاله تناظر بام فيصل : شفيك
ام فيصل : نجد جوها خطاب انا اقول لابوها وافق الرجال مايتفوت
عقدت حواجبها سمو : ليش يوافق بدون شورها؟
ام فيصل : احنا ادرى فيها
سمو : حتى لو انك ادرى فيها نجد كيف تاخذ شخص حتى ماقلتو لها شي عنه !
ام فيصل : رجاءً سمو لاتتدخلين
سمو : بتدخل والله لو اقول لجدي بعد سمعتي وقفت سمو تطلع لدرج طلعت جوالها تتصل على فيصل لكنه مشغول ماعندي غيرك يافصيل
-
رفعت راسها الجادل: شصار مين يخطط لنا ؟
مهره : انا اخوي يخطط عند واحد حلو خطها بس رافض
الجادل : طيب شنسوي ؟
مهره : مدري الصدق
الجادل : اجل شرايك نتقابل عند خطاط ونتفق معاه؟
مهره : حلوه الفكره اجل يلا اكتبي الي نبيه يسوويه عشان ماننسى
الجادل طلعت ورقه من شنطتها: يلا
-
العصر
دخلت البيت ناظرت بامها بصاله تقدمت وباست خدها : اهلاً باحلى ام واجمل ام
ابتسمت نجلاء : ياهلا ببنتي ليه تاخرتي اليوم؟
تأففت اثمار جلست جنب امها : لان الاربعاء اطلع العصر تعباننه حيلل
نجلاء : روحي بدلي وتروشي عشان تتنشطين وانزلي تحت تلقينا قد جهزنا الفطور
هزت راسها اثمار ووقفت
-
بالمطبخ
ام سهم تسوي الفطور ويساعدونها حنين ورفيف
ناظرت رفيف بحنين كيف تسوي ولاهيه وناظرت بامها
ام سهم ناظرت بحنين : يامي حنين روحي اجلسي عند امك انا ورفيف نحهز الفطور
حنين : لا ياخاله ابي اساعدكم
ام سهم : ياحبيبتي روحي ارتاحي عند امك جالسه لوحدها
وقفت حنين بهمس : طيب طلعت عند امها
بصاله
ام سيف جالسه وبلغها نياف انه بياخذها بعد الفطور
جلست حنين جنب امها تناظر فيها مسحت بيدها على ظهر امها : تهون يامه هذا هو بمستشفى زين والكل يهتم فيه ماعليك
لفت لها : انتي جامعتك دروسك ما ذاكرتيهن من بكرا بنوديك
ابتسمت حنين بهدوء : يمه وحنا بوسط القلق تفكرين بجامعتي بستين داهيه اهم شي اخوي
ام سيف : اخوك يحب جامعتك وتخصصك
ابتسمت حنين بدت تتذكر سيف كيف فرحته لما انقبلت قانون
جالس بصاله مع امه يناظر التلفيزيون دخلت حنين بهدوء لهم : سلام جلست جنب سيف
ناظر سيف فيها : شوفي توني جاي تعبان مابي طاقه تحارشيني
حنين : لا وين احارشك فتحت جوالها لفت له رساله قبولها
ناظر سيف اخذ الجوال يتاكد وقف : اخص محاميه ياحنين
ناظرت حنين بامها وحضنتها تبارك لها
وقف سيف يناقز على الكنب ويررد : المحاميه حنين
ناظرت حنين فيه تضحك : توك تقول مابك حيل
سيف : الخبر هذا غير عندي هذا لو يبي اتسلق الجدران تسلقت
حضنته حنين
-
-القارئين بالواتبااد اثبتو حضوركم بالكومنت✨-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
