اتصل سهم رد : سلام عليكم
صاحب الاستراحه : وعليكم السلام ورحمة الله
سهم : صاحب استراحه ال**
صاحب : اي حياك
سهم : بغيت اسال عندي حفله بعد يومين موجود حجز؟
صاحب : لا ياخوي مافيه حياك الله متى ودك؟
سهم : اذا فاضي الحين بنجي نشوفها ونتفق
صاحب : فاضي حياك الله
-
ناظرت نجلاء بالفستان لفت تنادي البنات : شرايكم؟
اثمار : يارربي يمه ام عروس
سمو : مره يخبل عليك
روان ابتسمت لها
-
وقف نياف عند الاستراحه نزلو العيال يشوفونها
ناظر سهم بصاحبها : بكم؟
الصاحب : ٢٥٠٠ اليوم كامل
بلع ريقه نياف : سلامات والله لو تسوي الحفل كامل
ابتسم الصاحب : لااسف هذا سعرها
سكتت سهم مصدوم
سيف : يوم بس ب ٢٥٠٠؟
عقد حواجبه الصاحب ناظر بسهم: قلت يومين؟
ارتاح سهم : لا قلت الحجز بعد يومين
ابتسم صاحب الاستراحه : ١٠٠٠
سهم : طيب نبدا نحجز
-
العشاء طلعو البنات من المول
نجلاء لفت لهم : بنتعشى بمطعم
اثمار : مره حدي جوعانه
سمو : مطعمكم علي
روان : ارجوك عطينا شي يشبع
ركبو السياره وحركت نجلاء للمطعم
-
مسح على وجهه سهم يناظر بالقهوجين
سهم ناظر بصاحب القهوجين : بعد يومين؟
الصاحب: من العصر الين الساعه ٢ الفجر ٢٧٠٠
اخذ نفس سهم : طيب بحجز
نياف : ولد وش بتدفع؟
سهم : وش اسوي خلني ادفع بس وارتاح
نياف : بوديك للي جبتهم بملكتي ولا انك تعطيه
سهم ناظر بملابسهم وكيف اهتمامهم :باخذ هذولا اعجبوني
سيف ناظر بنياف : خله يسوي الي وده
-
وقفت نجلاء عند المطعم نزلو كلهم
دخلو داخل سألت سمو عن حجزهم دخلو الغرفه الصغيره طلبو اكلهم وبدو ياكلون
-
اليوم الثاني ماقبل يوم الملكه
الظهر
صحت اثمار من ازعاج سمو عندها اعتدلت تجلس تناظر بسمو
سمو : حجزت صالون من العصر بنروح ولنجلاء وروان نبي نسوي حمام مغربي وبدكير
اثمار: سمو احبك
سمو : اقول قومي بس لو ماحجزت ماقلتيها لي
ضحكت اثمار : والله احبك
ابتسمت سمو : حتى انا قومي يلا تجهزي بروح لروان
وقفت اثمار تدخل دورة المياه
طقت الباب سمو وماردت روان فتحت الباب شافت الغرفة بارده وظلام طفت النور والمكيف
رفعت راسها تناظر بسمو : ليه ؟
سمو : قومي حجزت لنا صالون
روان : مضيعه حبيتيي ماني باثمار
سمو ابتسمت تتخصر : حياتي روان حجزت لنا كلنا
اعتدلت روان تجلس : مالي خلق
قربت سمو تدفها : اقول يالله بس
روان : فيصل وينه مختفي
ابتسمت سمو : شكل الهداوه كلها عشانه
ضحكت روان : ههههههههه وقفت تدخل دورة المياه
نزلت سمو تحت ناظرت بنجلاء : قومتهم
قربت وجلست جنب نجلاء
نجلاء : كفو عليك شيخه
سمو : افا عليك
نزلت اثمار وجهها ميت من النوم : ياخي العصر مصحيتني الظهر؟
سمو ابتسمت : ابي تصحصحين
-
بدا سهم يرجع لشغله طبيعي ناظر بالاوراق والملفات تذكر ملف اثمار حق التخرج اخذ نفس وبدا يكمل
الشغل دخل له ماهر : سهم هذي اوراق يقول مشعل مهمه
سهم : اي عطني اياها
-
وقف نياف وسيف يناظرون بالمحلات وياخذون من التمر والفواكه وغيرها والمويا
نياف : جالس عند المكيف وغاصبنا نسوي الاشغال
سيف ناظر بالعامل الي جاي لهم بالكراتين: شيل بس وانت ساكت
نياف : حتى افضفض ماتسمع لي اخو زوجتي على الفاضي
ناظر فيه سيف : اذا جبت طاري حنين لعنتك
نياف : يالله خفت والله
-
العصر
حركت نجلاء بعد ماودعو عقاب وتركوه بالبيت
وقفو عند الصالون
سمو : اي هذا هو
اثمار : وش بتروشينا سوا؟
سمو قربت وجهها لاثمار: تدرين ليه اخترته؟ لانهم اذا درو فيه عروسه يقومون يرقصون لها ويغطرفون ف قلت عندي عروسه
لفت نجلاء : منجدك يدرون؟
سمو فتحت الباب : انزلو بس
دخلو داخل
وقفت سمو تناظر بالصالون همست : جملني ارجوك
بعد مده دخلو داخل قسم خاص للحمام المغربي
ناظرت سمو قبل تدخل بالمناشف الي حاطنيها بلعت ريقها لفت لهم : احسني استحيت اتفصخ
اثمار ضربتها بكتفها : الله يفشل عدوك ليكون يرقصوني بمنشفتي
ضحكت نجلاء منهم اخذت منشفتها ودخلت غرفه تلبس
لفت اثمار لسمو : صدقيني بندمك
سمو : اتحداك
اثمار : لاتتحدين
سمو : والله اتحدك تخليني انقهر
روان : انا مع اختي بعد والله اندمك
سمو : خير ماسويت لك شي
روان : الا ناشبه لي انا وفصيل
سمو : ياكذابه والل قاطعتها اثمار ترمي المنشفه عليها
بعد مده طلعو لافين المناشف
دخلت نجلاء ووراها البنات سمعت اصوات الحريم بالحريم يغنون ويصارخون دخلت ووراها البنات وقفت روان تناظر بالحريم : اشوا لافين مناشفهم توقعت بشوف مفصخات دفتها سمو سكتت روان
ناظرت المسؤوله بحجز سمو وغرفتهم ناظرت بالحريم وصارخت : فيه عروس ياجماعه لفت اثمار تناظر فيهم
المسؤوله ناظرت بسمو: مين اي وحده
سمو اشرت على اثمار لفت بتشوفها انصدمت انهم اخذوها يرقصونها بينهم
ضحكت نجلاء : حياتي اثمار
روان صارخت لهم : في عروس بعد اشرت على سمو لفت سمو لها بتهاوشها سحبوها الحريم يرقصونها ويغنون لهم
اندمجت اثمار معهم وضحكت من ترقص قدامهم سمو
ضحكت اثمار منها كيف عطتهم على جوهم وترقص لهم وينثرون الورد الطبيعي لها
كانو اثمار وسمو واقفين بينهم وهم ينثرون المويا والورد عليهم ويرقصون كلهم
ناظرت روان بنجلاء : يمه شفيك تناظرين
نجلاء ابتسمت تشوف فرحة اثمار وسمو : مدري وش اسوي لو كلكم تزوجتو
ابتسمت روان وحضنت كتف امها
لفت سمو ناظرت فيهم واقفين مكانهم ناظرت باثمار: واقفين فهمت اثمار ومشو يسحبون نجلاء وروان يرقصون
العشاء طلعو من الصالون طاقتهم انتهت لفت اثمار: اخخ ياسمو ماتوقعت بنبسط
سمو : احسني تكسرت
نجلاء : يالله بس باقي لنا المصوره والكوشه
اثمار : الشاليه ابوي كلمه؟
نجلاء هزت راسها وركبو السياره يحجزون
-
يوم الملكة
الصباح الساعه ٩:٣٠
بعد ماخلص سهم من دوامه بدري طلع برا المستشفى يركب متوجهه لمحل الذهب دخل للمحل قرب يناظر بالخواتم ناظر بالدبله ابتسم من جاء باله يوم شاف الخاتم باصبعها تذكر هالخاتم كيف بيكون عليها ناظر باموظف : ابي هالخاتمين بعد ابي سلسال ذهب اخذ اغراضه ومشى للبيت
بعد مده دخل ناظر بنياف : نياف كلمت المملك؟
نياف : اي يقول العصر ان شاءلله
سهم : كويس جلس بالصاله ياكل تمر والقهوه
ناظر نياف فيه : العيال قالو انهم حاجزين حلاق
سهم باستغراب : مين حجزه
نياف : فيصل يقول بنروح نسوي لعريسنا بهدوء
سهم ابتسم
نزلت احلام تركض ناظرت فيهم : سهم اثمار قالت لي انها حاجزه شاليه لكم يعني غير عن الي انت حجزته
سهم عقد حواجبه : ليه
نياف : شو شاليه انا الضعيف بشمس منح،،
احلام ناظرت بسهم : عادي هذا لضيوف هي حجزت لك ولها عشان تاخذون راحتهم وتتصورون بدون مااحد يزعجكم
سهم ابتسم : حلو
نياف ناظر فيه
سهم ناظر بنظراته : لاتناظرني كذا توني ادري
نياف : لا وش قصدها ب تاخذون راحتهم
سهم : وش قصدها؟ او وش تفكيرك انت يالوصخ
نياف : امانه عاد سمه علي
رما المخده سهم عليه : وصخ
ناظر سهم بامه الي لابسه فستان تشوفه جت لمهم : شرايكم
سهم : يامي ياعيني ياخذ العقل
نياف : امي خير بمكلتي مالبستي كذا
سهم غمض عينه : ياربي مقهور ذا
نياف : ياخي حق قسم والله بزواجي تل
مشت عنه ام سهم بدون تسمعه شيقول
وقف سهم بيطلع لف له: اجهز بنروح نكوي ونشري اغراض
نياف ناظر بصاله : حمدلله والشكر
-
الساعه 11:00
دخلو الشاليه ومعهم اغراضهم دخلت اثمار غرفه وحطت اغراضها
سمو : بتتحهزين هنا؟
اثمار : اي بس بشوف اول شي الكوشه متى تجي
رفعت جوالها تتصل وسمو طلعت تاخذ باقي الاغراض وتساعد نجلاء وروان بالفساتين
طلعت اثمار : بنات يبي الموقع بيجبونهم
نجلاء : طيب بس ندخل ارسليه
-
بعد اذان الظهر
ناظرت اثمار بالكوشه الي تمت والتززين للصاله الكبيره حطت كوشتها بصاله الشاليه لانها كبيره وحلوه
ناظرت بفستانها الي معلق ومكوي ابتسمت تشوف كل شي نفس ماكان ودها
لفت تدخل الغرفه ناظرت بسمو وروان والمكيب بينهم نفس كالعاده قربت وجلست بينهم تتجهز ناظرت بامها الي تتزين ابتمست لها وبدت تحط ميكب
سمو : لحظه ادارك كلنا بملكتنا سوينا انفسنا
روان : صدق طلعنا نفس الشي مانحب الا انفسنا
اثمار : مدري بزواجي مين يسويني احس بسوي نفسي
سمو : صدق حتى انا وبسوي نفسي افضل
روان: خير اجل معكم ضحكو كلهم
سمو : يالله خلونا نخلص من اثمار الحين ونشوف زواجاتنا متى
-
مع اذان العصر
لبس ثوبه سهم ووقف عند المرايا يناظر بشكله اخذ الكبك يلبسه ناظر بعطره حق المناسبات الكبيره: وقتك
تعطر نزله ياخذ شماغه ويلبسه طق الباب نياف : شصار عليك
لف سهم يناظر بنياف جاهز
سهم : خلصت
نياف : طولنا والشاليه اضاهر بعيد
سهم : لا قريب ارسله ابوها
نيااف: اجل يالله قبل يجي المملك
-
الشاليه
وقفت اثمار بعد مالبست فستانها وفلت شعرها : بنات خلاص؟
سمو وقفت وبدت تجهز اثمار قربت لها تسوي غرتها من قدام : مرره مرهه خيااااال
اثمار ناظرت بامها الي واقفه قربت لها نجلاء وبدت تحصنها : الله يحفظك
سمو ناظرت بنجلاء : البسي فستانك
نجلاء : توترت ونسيت يالله بلبس
قربت سمو بعطر لاثمار : هذا ريحته تجنن تعطري فيه
اثمار شمته : يجنننن وربي
تعطرت منه قربت روان لاثمار بالبخور : بخري شعرك
مجلس الشاليه
دخل عقاب وجلس ينتظر سهم والمملك
بعد مده دخل سهم ووراه نياف : سلام عليكم
قرب عقاب لسهم : وعليكم السلام ياهلا والله
سلم سهم عليه وعلى راسه جلسو ينتظرون المملك بعد ١٠ دقايق دخل المملك وبدا فيهم
كانت هالليله غير بنسبه لسهم ولاثمار رغم انهم مافصحو عن مشاعرهم الا انهم عارفين بعضهم
وقف عقاب بالدفتر
واخذه دخل داخل : نجلاء
طلعت نجلاء له لفت لاثمار وقفت اثمار عند الباب وقعت ابتسمت من شافت اسمه واسمها الي جنبه
ناظرت بابوها ابتسم عقاب لها وقرب حضنها
طلع بدون يقول شي من فرحته
لفت اثمار لامها زغرطت نجلاء بصوت عالي ابتسمت اثمار طلعت سمو وروان وراها مبتسمين
سمعو زغرطة نجلاء سهم ونياف ناظر نياف بسهم : ماسوت كذا امها لي
سهم همس لنياف : اذا انحسدت الليله ف بسببك
ضحك نياف وقرب يحضن سهم : والله امزح معك جعلني اشوف فرحتك دايم وعسى ربي يوفقك
ابتسم سهم من دخل عقاب بالدفتر
بعد مده طلع المملك وقف سهم وعقاب
عقاب : حياك سهم
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
