اليوم المنتظر
الصباح قام صقر من ازعاج جواله ناظر برقم وكان فيصل رد صقر : ادري وشتبي بس تعقب قفل الجوال
اتصل من جديد فيصل رد صقر بقهر : انت الي بتعرس فكني اعتقني حتى وانت بتملك تبيني معك
فيصل بحزن يجذب صقر : ماعندي اخوان من يوم عرفتك قلت ذا اخوي
جلس صقر : ماتاثرت بالعكس ضاق صدري انك تحسبني اخوك
فيصل : ادري قلبك اسود المهم ابي تجي تساعدني نحلق ونخلص اشغالنا يالله ياولد
صقر: طيب
سكر الجوال ناظر صقر بالساعه كانت 8:20 اخ يالقهر صايم وقايم وش ذا الحماس فيصل اوووف
-
قامت نجلاء دخلت غرفه روان : قومي ياروان قوومي
قامت روان تناظر بامها : وشو ؟
نجلاء : وش بتلبسين فتحت الدولاب وشافت فستان سكري ناعم وحلو طلعته : البسي هذا بروح لاثمار اذا جيت ومالقيتك نازله تحت تساعديني ياويلك
دخلت نجلاء بغرفه اثمار وشافت المكيف بارد فتحت سكرته وفتحت الشباك
اثمار بصوت كله نوم : يمههه لاااا شمسسس
نجلاء : قومي ساعديني يابنت
جلست اثمار: يمه تكفين دقيقتين
نجلاء تخصرت : على اساس بتشعبين اثمار قومي ساعديني يامي بنطلب ونروح نجيب اشياء تكفين قومي
وقفت اثمار: طيب عشانك شسوي
دخلت دوره المياه يكرم القارى
بالصاله نزلت نجلاء تشوف روان منزله راسها على حافه الكنب نايمه : بنتت
اعتدلت بجلوسها روان : خلاص امزح كنسلو خلوني اشبع نوم
قربت نجلاء لها : ملكتك وبيجون ناس تدرين ولا ؟
روان هزت راسها ووقفت : بروح اغسل
ناظرت نجلاء باثمار الي تاخرت رقت فوق تشوفها فتحت الباب تشوفها مسكره الشباك ونايمه : يابنت قربت وضربتها بفخذها : قوممي قامت اثمار : تناظر بامها الحين انا الي بملك هي روحي قوميها يمه النومم
نجلاء : بتقومين ولا ؟
اثمار: لا بنام شوي
طلعت نجلاء دخلت غرفه روان وشافتها نايمه نزلت تحت واخذت جيكين مويا بارد رقت فوق قربت عند وجه اثمار كبته عليها قامت تناظر بفجعه : يمههه
نجلاء : قومي يابنت ساعديني
وقفت اثمار : خلاص
طلعت نجلاء لغرفه روان وشافتها قايمه ناظرت بالجيك : حسافه نزلت تحت بعد مده نزلو لها البنات وبدت تجهز وتطلب حلويات
-
ببيت الجد خلف
ناظرت سمو بنجد الي تكوي نقابها وتجهز اغراضها
دق فيصل على سمو : سم
فيصل : ناقصكم شي تبون سوق شي ؟
سمو : لا لا متقضين قبل
فيصل : زين
-
تحت بالصاله
جالسه مناير تحني يدها ناظرت ام فيصل بمناير : الحنا ريحتها شينه
مناير : ما اروق الا بريحتها
ام فيصل قربت لمناير : بسالك ياعمتي
مناير : وشو
ام فيصل : كيف خليتي عمي يسكت ومايفكر يتزوج
مناير : هو يقدر اصلاً ؟
ام فيصل : مايقدر بس انه خطب يعني
مناير : هذي مواضيع بيني وبين خلف وابو فيصل بس
ام فيصل : ادري بس س، قاطعتها مناير : انتبهي لنفسك يمكن يفكر ابو فيصل عاد وش ناقصه وضحكت
سكتت ام فيصل تفكر بقلق
-
الظهر
وقف صقر يناظر بالكراتين الي بالسياره لف يشوف فيصل يحاسب : الحين منجده ذا بيوكل رياجيل تمر بس
جاء فيصل لمه يسكر السياره من الخلف ناظر فيصل بصقر : شفيك
صقر : بتوكلهم تمر بس ؟
فيصل : اي فاضي اجيب لهم حلويات
صقر : طيب وراك تجيبها بيفقرك ابوها من الحين
فيصل : ابوها مشغول بدوام وارخص لي قال روح خلص اشغالك وجيب تمر وترا هو دفعها مو انا
صقر : لو مادفعها كان قلت لك انه فخ لك ركب فيصل يسفهه
وصلو عند البقاله وقف فيصل مد له البطاقه : انزل جيب ٦ كراتين مويا
ناظر صقر فيه : توكل بس والله مانزل
فيصل : انزل اقول تعبت انا وباقي لي اشياء ماسويتها
صقر : منجدك فيصل تبي انزل تبي تقهرني بالماء البارد !
فيصل : لاحول ولا قوه الا بالله ماتنسى الماء انت نزل فيصل لف يشوف صقر نزل معه : توك تقول ماني نازل !
صقر : مابي اجلس لحالي
فيصل : لو مااحتاجك ك،، سكتت
صقر : كمل كمل عادي اتقبل الانتقادات
دخل فيصل المحل اخذ كراتين مويا
وقف صقر جنبه : الحين بسألك مو على اساس اشخاص قليل يعني بس من قريب ليش كل هالماء والتمر
ناظر فيصل فيه : دافع شي من جيبك صقر ؟
صقر تحسس جيبه : لا
فيصل : انطم اجل
لف صقر بهمس : يقومني من عز نومي ويسفل فيني ناظر بفصيل :احمد ربك اتقبل انتقادات ولا كان رحت الحين
ناظر فيصل فيه : ادري ماتتقبل ولا شي بس لانك جاي بدون سياره معي خايف اقلب عليك
صفق صقر بيده : حسافه كيف عرفت ؟
فيصل : اعرفك
-
دخل مشعل مكتب سهم : بغيتني ؟
سهم كتف يده : شرايك اليوم الثاني ماداومت اثمار !
سكت مشعل
سهم : وين الملفات الي قلت لك تعطيها؟
مشعل : حطيتها بغرفتها
سهم : حلو قرب له اربع ملفات : وعطها ذي بعد
وقف مشعل اخذها وطلع
ناظر سهم بجواله اخذه يرد : هلا امي
ام سهم : سهم يامي ناقصنا اغراض نبي السوق
سهم : ابشري اجيكم الحين
-
مدت الفلوس للمندوب سكرت الباب شالت الحلا دخلت داخل للمطبخ : وخلصنا الحلويات ناظرت بامها: وش باقي ؟
نجلاء : نروح نتجهز
ناظرت اثمار بساعه : باقي ؟
نجلاء : قصدي يعني نسوي بدكير نجهز اغراضنا نرتب الميكب كذا يعني اما الكشخه بعد الفطور ان شاءلله
اثمار : طيب وش نفطر ؟
نجلاء : المفرزنات الي شريتهم طلعت منها
اثمار : حلو
-
فكت الكعب نزلته بجنبها : ياشينك ناظرت بكعب ابيض ااخذته لبسته وقفت تمشي فيه : يجنن
نزلته بجنب فستانها على السرير ناظرت بتسريحتها والميكب جلست قدام التسريحه تمسك شعرها رفعت خصل من قدام مسكتهم ورا : لا يع
صفقت يدها تذكرت : الجوهره!!!
لفت لجوالها تتصل بالجوهره ردت الجوهره : وشو ضهر وروان ورمضان !
روان : تونا خوذي الصدمه الثانيه
الجوهره : ايش ؟
روان : بملك واليوم
الجوهره : ووووشو اقول اذلفي من يوم دقيتي الظهر وانا عارفه ماعندك سالفه
روان : والله والله العظيم
الجوهره : بنت بزر انتي وش زواجه حتى اثمار مافكرت وهي اكبر منك
روان : طيب انقلعي
قفلت روان ناظرت بالمرايه : يالله بدايه خير صدق بدينا باثمار واثمارر اخخ ناظرت بكعبها : اهم شي اثمار عارفه وفاهمه الحمدلله بس
ناظرت بجوالها ترسل الجوهره فتحت المحادثه تناظر
الجوهره : بالله صادقه ؟
روان : اقولك والله!
الجوهره : ياخي مستحيل مدري
روان : والله صدق تعالي اليوم وجيبي امك
الجوهره : امي يمكن ماتجي بس بجي انا ان شاءلله
روان : حلو بس تعالي بدري بعد الفطور
الجوهره : اوكي
-
وقفت اثمار بغرفتها تناظر بالفساتين الي بالسرير
اخذت فستان اسود جميل : تقل بعزا استغفرالله نزلته بالارض اخذت فستان سكري : اوف روان بتلبس سكري
اخذت فستان احمر: ماش ماجاز لي احمر ناظرت بامها دخلت : يجنن الاحمر
اثمار : لا ماجاز لي
مسكت نجلاء فستان اازرق وكان قليله فيه كلمه يموت حطته على اثمار : وشرايك؟
اثمار : حلو بلبسه واجيك
اخذته دخلت دوره المياه لبسته وطلعت لامها
نجلاء: يجنننن
اثمار : اشوا
قربت نجلاء مسكت اثمار وجلست على السرير : بسم الله وشو
نجلاء : ودي اتكلم معك
-
الساعه 5:30العصر
وقف فيصل عند الحلاق ناظر فيه بيسكر
نزل صقر بقوه : يامدير حلق انا وهذا
العامل رفع المفتاح : خلاص يقفل الحين
صقر: بس ااحنا ثنين بس
هز راسه بنفي العامل
قرب فيصل للعامل ومد له ميه ريال: حلق انا وهذا غبي
فك العامل الباب ودخل فيصل وراه صقر
ناظر صقر بفيصل يجلس بالكرسي : انا معك من اليوم واساعدك واشيل واسوي واكرف معك ماعطيتني ريال !
فيصل : تقل حرمه تهرج
صقر : حتى فطور مانت مفطرني
فيصل : بوديك لبيتك تفطر
صقر : بخيل علي
فيصل ناظر بالعامل : سوي شعر انا كويس
هز راسه العامل جلس صقر ورا فيصل يناظر فيه
-
حطت المفرزنات بالقلايه اخذت السنبوسه تحطها بالفرن ناظرت باثمار داخله : اثمار توك متروشه ابعدي لا تجي ريحه الطبخ فيك
اثمار: باخذ السلطه بس اخذتها وطلعت لصاله ناظرت بروان نازله وشعرها مبلول : يوه روان غطي شعرك لا يصفقك الهواء
روان : فكيته شسوي ابي يجف بسرعه
جلست قرب السفره ينتظرون امهم والاذان
-
الجادل رتبت اغراضها فوق سريرها ناظرت ميار فيها
ميار : هالمره مو بكيسها شاطره
الجادل : اي حطيتهم بالسرير عشان يكونون قدام عيني ماتضيع
دخلت منار عليهم : سلام عليكم ياقوم
قربت ميار وحضنتها : اهلاً اهلاً
شالت الجادل سعود وحضنته : حبيب خالته
جلست منار على السرير وسحبت شنطه صغيره معاها حطتها على السرير
الجادل : وشو ام سعود هاجه؟
ضحكت منار : جبت اغراض العزيمه هنا بكشخ معكم
ميار : طيب وشو كل ذا ؟
منار : باقي لي اغراض باخذهم من هنا شفيكم مستغربين !
دخلت ام صقر : كلكم هنا ورا ماتنزلون نحظر الفطور ؟
قربت الجادل لامها : يلا بننزل
-
بالصاله
جت الجادل باخر صينيه فطاير حظرتها ناظرو بصقر الي دخل ينشف يده : سلام جلس قرب السفره
ابو صقر : وينك من اليوم ؟
صقر : رحت مع فيصل خويي
ابو صقر : اي ماشاءلله
صقر : اي مقومني من صبح ربي
ابو صقر : اي ماشاءلله قمت تركض له لو انا ماقمت علطول !
صقر : افا يبه
صدح صوت الاذان وبدا يفطر صقر ويشرب ماء
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Kort verhaalمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
