بعد الفطور
وقفت نجلاء والقمه بيدها : بروح اشيك على الحوش والباقي وبعدها بتروش واتجهز طلعت
ناظرت اثمار بروان : اليوم امي كلمتني
روان : عن ايش
اثمار ابتسمت : عمري امي ماتبي اتحسس من كلام الناس وقعدت تعلمني وتفهمني
روان : مامي اخخ
اثمار : اليوم بيجون جارات امي شوي حريم مانعرفهم عزمتهم امي يعني يبي لنا كشخه
روان : تدرين افكر ما انزل لهم
اثمار : اذا راحو حريم الجدد اجي اناديك تطلعين اصلاً رمضان مستحيل يطولون يمكن ساعتين كذا
روان : صح ان شاءلله يروحون بدري
-
دخلت نجلاء غرفتها بعد ماتاكدت دخلت تتروش
سمعت صوت عقاب دخل ناظر بالحمام : نجلاء اخلصي بتروش
نجلاء : روح اي حمام ثاني توني دخلت
عقاب اخذ اغراضه وطلع سكر الباب بقوه
ابتسمت نجلاء : احسنن
-
جلست روان على تسريحه وبدت تحط ميكب يبرز ملامحها ناظرت بجوالها يتصل كانت الجوهره : اهلاً
الجوهره : انا تحت افتحي
روان : طيب
نزلت تحت تناظر برانو تبخر : روحي افتحي للجوهره
طلعت رانو برا دخلت الجوهره داخل ناظرت بروان واقفه على الدرج : اوكيه قلنا ملكه بس ترا ماتمنعم تسلمين
روان ضحكت : اسفه اسفه توني انتبه قربت حضنتها
الجوهره : شكله هو الي ماخذ عقلك يوم طلعنا اخر مره!
روان : وجع تعالي لغرفتي
رقو فوق وناظرت الجوهره بفستان روان : يجنن
روان : انتي تجنني
الجوهره : ترا ما سويت شي جيتك بتكشخ عندك
روان : تعالي وانا بكمل
-
نزلت جوالها بعد مابلغتها سمو انها بتتأخر شوي
ناظرت بميكب حقها ابتسمت برضى لفت لبسها بتلبس ودخلت نجلاء : شرايك ؟
اثمار : يجنننن
نجلاء : كنت بروح لروان بس عندها الجوهره
اثمار : ماشاءلله تجنين امي وحتى جلابيتك
ابتسمت نجلاء نزلت تحت ناظرت بعقاب داخل : وين تروشت ؟
عقاب : بحمام الملحق مغبر وحالته حاله
نجلاء : كنت رحت لحمام الرجال !
عقاب: عشان تطنقرين وتفلسني
دارت نجلاء بخفيف : على هالجمال ما استاهل افلسك ؟
ابتسم عقاب : لا
وقفت نجلاء تناظر فيه : وجع عقاب حتى كلام زين ماعندك
ابتسم عقاب لها : انتي تدرين ان مايجي ربع جمالك احد
ابتمست نجلاء : طيب توكل البس بيجون الضيوف
-
وقفت اثمار تختم كشختها بعطر طلعت برا غرفتها وقفت عند باب غرفتها تناظر بابوها : حي بنيتي وش هالجمال
اثمار استحت : ابوي
عقاب : ماشاءلله تبارك الله انا اقول اقعدي لاتطلعين ابد اخاف عليك
اثمار ابتمست
راح عقاب لغرفته يلبس
طقت الباب اثمار فتحت الجوهره : اهلين اثماررر سلمت اثمار عليها : مانشوفك الجوهره
الجوهره : ياختي تعرفيني انسانه ماحب الطلعات
اثمار : كلنا والله لفت راسها تشوف روان : وينها روان ؟
الجوهره : دخلت تلبس
لفت اثمار بتطلع ونادتها روان : انتظري شوفي
ناظرت اثمار فيها ابتسمت : يابنت وش هالجمالل!!!
الجوهره ناظرت بانبهار بجمال روان : روان احس احس بياخذك اليوم !
اثمار لفت للجوهره : مافيه شوفه
الجوهره صفقت بيدها : حساافه وانا راسمه لقاء بخيالي
اثمار : بالعكس افضل بعد العيد ان شاءلله يشوفها
ناظرت روان فيهم ولفت للمرايه تتعطر
اثمار : انتظري بجيب لك عطري الي تحبينه
راحت اثمار للغرفه واخذت العطر ودخلت غرفه روان : تفضلي
اخذت روان بتوتر وتعطرت لفت لاثمار : احس متوتره
اثمار : ماعليك يابنت
لفت لنجلاء الي دخلت : اخ يارواني يابنتي تخبليننن
ابتمست روان بحياء
ناظرت نجلاء باثمار : اثمار انتي تعالي ساعديني بنستقبل وانتي روان اجلسي الين نقولك تنزلين لهم
هزت راسها روان
-
وقفت احلام عند البوابه تناظر بامها وام سيف الي يسولفون ناظرت بحنين الي جايه لمها : سيف بيجي
احلام ابتعدت عن الباب ووقفت داخل الحوش : تمام اجل
وقف سيف سيارته برا نزل نياف وشغل سيارته جت ام سهم وركبت وركبت رفيف ناظر باحلام مو فيه : وين ذي احلام
ام سهم : مستحيه ماتبي تطلع قدامه
نزل نياف ودخل داخل شاف احلام واقفه: منجدك واقفه !
احلام : شسوي استحيت
نياف : الحياء ذا نشوفه بالخمس سنين مره وعلى شي مايسوى انتي متغطيه امشي اطلعي من جنبي
طلعت احلام بجنب نياف ركبت السياره ومشى نياف
وقف سهم يناظر برساله بجواله استغرب من مشعل وكان محتواها
سهم فيه اوراق ماكملتها اثمار اليوم بيجون الاشراف بيشوفون المستشفى ونواقصه سكر جواله سهم : يالليل
ركب سيارته متوجهه للمستشفى
دخل داخل وناظر بمشعل جالس عند الاستقبال : وين الاوراق ؟
مشعل مدها له : هذي هي
ناظر سهم فيها وكانت عنها وعن تدريبها : طيب كيف هذي عن تدريبها ؟
مشعل : اي الاشراف بيجون حقين كليتها يشوفون وهي ماوقعت شي ولا كملت شغلها
سهم : يعني لازم تكمله الحين ؟
مشعل : اي لازم لازم لانه بيضرها وبيضرنا يمكن يسبونا اننا متجاهلين شغلها
سهم : قايل لك لا تحط مره اخذ الاوراق سهم : روح عطني رقم عقاب ابوها !
اخذ سهم رقم عقاب واتصل عليه رد عقاب : هلا؟
سهم : مساء الخير معك سهم نايف
عقاب : هلاوالله هلا
سهم : ماعليش على الازعاج بس عندي اوراق مهمه لاثمار
عقاب : بعطيك الموقع تجيني ؟
سهم : ماتقدر تجي ؟
عقاب : لا والله
سهم : خلاص ارسل لي الموقع
بعد 20 دقيقه
وصل سهم البيت شاف سياره نياف موقفه عند البرحه نزل سهم وقرب لسياره نياف وشافه بالسياره طق الشباك
شفيك واقف هنا ؟
نياف : انتظرهم متفشل ادخل
سهم : تتنظر مين ؟
نياف : امي وخواتي شفيك نسيت عزيمتهم؟
سهم : اما معزومين هنا !
نياف ناظر بالاوراق : وش جابك !
سهم : تخيل البنت الي تشتغل عندي بنت عقاب !
نياف : صادق !
سهم : والله ناظر بالاوراق : بدخل اعطيه وبطلع
هز راسه نياف وسكر الشباك
قرب سهم لباب البيت كان مفتوح وطقه
سمع صوت عقاب : اقلط حياك دخل سهم متفشل ناظر بالهدوء عرف انه مااحد وصل طلع عقاب له : حياك الله ياسهم
سهم : الله يبقيك
عقاب ناظر بالاوراق : ادخل ياسهم
سهم : لا والله اعذرني واضح مشغول
عقاب : لاوالله سهم سكت شوي عقاب وناظر بسهم : عادي اطلبك ؟
استغرب سهم : سم
عقاب : ابي توقف معي هالليله
عقد حواجبه سهم
عقاب : انا ماعطاني ربي عيال وابي احد يوقف معي ياسهم
ابتسم سهم : ابشر من يوقف معك لف وراه سهم : بس معي اخوي بجيبه واجيك
ابتسم عقاب له : الله يسعدك
-
قرب لشباك نياف : انزل
ناظر نياف فيه : ليه ؟ عزمك؟
سهم: يبي نوقف معه ماعنده عيال
نياف كشر : يالليل مالي خلق
سهم فتح الباب : انزل بس لفو لسياره الي جتهم مسرعه ووقفت بجنبهم
ناظر سهم بسيف وناظر بنياف : ماتاب
نياف : يبي من يلعنه
وقف نياف يناظر بسيف ناظر سهم بسيف ابتسم لهم سيف نزلت امه ونزلت حنين ناظر نياف بحنين وعباتها الساتره لف لسهم : شنسوي فيه ؟
سهم : بنسكت الين ينتهي الليله
نياف : زين
قرب سهم لسيف : اسمع
سيف : سم ؟
سهم : انزل عزمني وعزمكم بنوقف معه
-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
