فيصل : انا معي قروب القروب لهم اكثر من كم شخص ماسكين انا توني ما مسكت شخص مدمن
هز راسه صقر : الله يكفينا شرهم
فيصل : امين ووقف
صقر : تونا
فيصل : والله اعذرني الشيبه مسوين لي عشاء هالايام بجهز اغراض باقيه
صقر : ماشاءلله ووقف ومشو يطلعون
فيصل : ترا معزوم
صقر : عزيمه خويي واتركها ان شاءلله اكون من الحاضرين
——————-
صار يدور على خريجات وللاسف ماجازت له ولا وحده كلهم نسبهم ضعيفه وانقهر قفل الملفات لازم يلقى احد يمسك الحسابات هو مضغوط كثير ومايقدر يقول لسهم
لف على دخول ابراهيم : نزلت إعلان وان شاءلله نلقى
مشعل : بدا احد يرسل؟
ابراهيم هز راسه بايه : الايميل شفت فيه رسايل
مشعل قام : حلو بكرا ان شاءلله افتح الايميل وشوف
—————
رفيف وقفت عند الكافتيريا وبدت تشري رجعت لمكانهم المعتاد جلست وبدو يسولفون
هيا: بنات امس جونا جارات امي يوووه يابنات غثا
ابرار وهي تفتح عصيرها: ليه شفيهم
هيا : سهرو الين الفجر وجعع قسم يعني العائله عندهم اشغال ورا ماتذلفون
ابرار : ياشين الي كذا ياخي صدق الله يعينكم طيب قولي لامك ماتعزمهم بالبيت
هيا : يووه لو افتح فمي عنهم تبرت مني امي تشوفهم اغلى مني
ضحكت ابرار : ماقدر ههههههههههههههههههههه
اننتبهو لرفيف انها مو معهم نهائي لفو لها
حركت يدها هيا لرفيف : بنت بأي طريق وصلتي ؟
لفت رفيف لهم بفهاوه : اي طريق
ضحكتت ابرار بقوه : بنت شفيك ورا مخطوف وجهك
رفيف تنهدت وبخوف : بنات شفتو البنات الي قدام عند طاوله الاستاذه ؟
هزو راسهم بأيه
كملت رفيف : بنات شفتهم يتكلمون عني وكانهم يخططون علي
كبت العصير هيا بقووه : ههههههههههههههههههههه رفيف اخخ هههههه مكثره افلام ههههههههههههههه وبقوه وقفت ضحكتها ولفت لابرار الي مصدومه : لا ابرار الا انتي لاتقوليين انك صدقتي
لفت ابرار : الا حتى انا لاحظت بس قلت مابي اخوف رفيف ولفتت لرفيف : انا بعد اشوفهم كثير يتكلمون عنك بس مدري وش ناوين عليه
بدا الخوف يكبر بقلب رفيف مسكت قلبها
لفت هيا لهم : بنات شيبسون يعني ؟
لفت ابرار : مدري مدري
رن الجرس وشالو اغراضهم ورجعو يكملون حصص
—
احلام سلمت مشروعه وطلعت قابلت رنيم عند باب القاعه : تعالي شكلي بدق على اخوي نياف يجي
رنيم رفعت راسها بطاري نياف : بكيفك وشوفي وش يقول لك
طلعت جوالها واتصلت ورد بعدت عن رنيم شوي
انقهرت رنيم ف داخلها انها بعدت كان ودها تسمع صوته من زمان ماسمعته ولا شافته
احلام : ارجوكك وافق وافق وافق
نياف : لا لا لا
احلام : رجعني بما انه ويكند واسوي لك معكرونه بشاميل
نياف : امي الله يخليها
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
