وقف عقاب قبل لايجي رائد ويشوفه : نجلاء انا بخطبك من ابوك ونعيش بعيد عنهم
عقدت حواجبها نجلاء من كلامه : ليش انا؟
عقاب: تسألين بعد ماقلت لك قرب شوي لسرير : احنا نعيش نفس الالم اذا اخذتك بتعوضيني وبعوضك
انا اعوضك عن الابو وانتي تعوضيني عن الام
دمعت عيون نجلاء من كلمته لفت بوجهه بعيد عنه
طلع عقاب برا
بعد اسبوع
طلعت نجلاء لبيتهم جلست بغرفتها تتنظر يجيها خبر خطبتها دخل رائد ناظرت فيه تتنظره يتكلم لكن ماجاب لها اي خبر مثل كل مره وقفت : اكيد صاير لهم شي نزلت تحت بصاله ناظرت بزوجه ابوها واختها رانيا كيف مبسوطات ورانيا طايره من الفرحه ناظرت ام متعب ف نجلاء : ابي تنظفين مجلس الحريم وتنظفين مجلس الرجال جاي خطاب لرانيا حست انقبض صدرها : من هم
رانيا : وشدخلك؟ ام متعب ناظرت برانيا تسكت وناظرت بنجلاء : ماودي اقولك والله بس عاد تعرفين بينتشر الخبر ف يعني كذا ولا كذا بتدرين وقفت ام متعب واشرت على بنتها رانيا : ابو عقاب جاء هو وولده يخطبون رانيا ناظرت نجلاء فيهم بصدمه مسكت دموعها لاتنزل تحس بتصيح بأي لحظه وقفت بتروح لغرفتها نطقت ام متعب : ماينردون عقاب عن مية رجال
سكتت نجلاء دخلت غرفتها سكرت الباب بقهرر حطت املها واحلامها بعقاب ماتوقعت حتى هو مثلهم جلست على فراشها بقهرر وغبنه بعد يوم دخل عقاب هو وابوه المجلس وبدا ابو عقاب يطلب يد نجلاء لزيد
زيد باستغراب : تبون نجلاء؟
ابو عقاب : اي
زيد : ماقدر اعطيكم اياها ان كان تبون اختها
ابو عقاب قاطعه : حنا جايين مخصوص لنجلاء
زيد بعصبيه : ماله نصيب اجل
وقف عقاب بقهر منه : ليه هي ترفضها واختها توافق عليها
ابو عقاب بعصبيه : عقاب !
طلع عقاب برا ناظر برائد جاي بالقهوه مسكه من كتفه ابعده عن المجلس : رائد
رائد استغرب منه
عقاب : اسمعني خطبت نجلاء ورفضها ابوك وبخطبها مره ثانيه اذا كان رافض باخذها غصب منه اذا هي راضيه عني
رائد : تبي نجلاء؟ توقعت اختي
عقاب :نجلاء
بعد يومين رجع عقاب مره ثانيه وخطبها ورفض ابوها وقف عقاب طلع برا ناظر بنجلاء وشنطتها الصغيره واقفه بالحوش وجنبها رائد ناظر عقاب فيها وهز راسه طلع ابوها وقف بمكانه يناظر مصدوم
ناظرت نجلاء بعيون ابوها بغبنه بصدرها حلم كل بنت يزفها ابوها لزوجها لكن هي راحت لزوجها بدون مايعرف عن شي ابوها كل شي كان تخطيط من رائد وعقاب
ناظر عقاب فيه : باخذها معي
زيد بدون مايلتفت لعقاب : ان طلعتي يانجلاء من هالباب لا انا ابوك ولا انتي بنتي
نجلاء : توك تعرف اني بنتك يوم سويت شي بدون رضاك ؟ طول عمري كنت امشي ورا رضاك واقولك سم امر لكن ماكنت تشوفني غير خادمه عندك حتى الخادمه تحبها اكثر مني ولو صار لها شي بتخاف عليها عكسي انا انا كنت انسانه زايده فقط بهالبيت حتى يوم جاء خطبني منك رفضتني ووافقت على اختي كانك تقول نجلاء ناقصه ف اعذرني انا لقيت الشخص الي يفهمني وبيعوضني عن الي انت ماعطيتني اياه زيد ناظر بصدمه من جراتها له : بتندمين
نجلاء : اذا شفتني مره ثانيه
اشر لها عقاب تطلع وطلعت لسياره مع رائد
كان ماسك شنطتها رائد حطها بالسياره وناظر فيها : بروح معاك الين نزوجكم بعدها برجع مسك يده نجلاء : رائد وش تبي اسوي عشان ارد كل شي سويته
رائد : اني اشوفك مبسوطه تقدرين تردين كل شي
ابتسمت نجلاء من تحت برقعها له
طلع عقاب ناظر بنجلاء ورائد : يلا ورا مشوار طويل
ركبو بسياره
رائد كان ساكت خايف من الي بيصير اذا رجع بيعيش شي قوي ولا بينساه
ناظر عقاب فيه : رائد وراك ساكت
رائد : ولا شي
انتبهت نجلاء لرائد ضاق صدرها تعرف شعور الي هو يفكر فيه ناظرت بشباك ساهيه تفكر بالي بعدين
بعد مرور ٣ سنوات
قربت نجلاء تجلس جنب عقاب : طيب خلنا نشوف وش فينا ونفحص عقاب ٣ سنوات مرت ماحملت
سكت عقاب ولا وده يقولها
نجلاء : بس نفحص
عقاب : لا انسي
سكتت بضيق
وقف عقاب : بروح اخلص اشغالي
نجلاء وقفت معه : متى بترجع ؟
عقاب : يمكن ساعتين كذا
طلع عقاب راحت لغرفتها نجلاء لبست عباتها واخذت شنطتها حطت جوالها وفلوسها طلعت برا تمشي مايهمهت البعد اهم شي تتاكد بعد مده وصلت المستشفى اخذت نوص ساعه تنتظر دورها بعد مده دخلت وبدت تفحص
نجلاء: متى تطلع النتائج؟
الدكتوره : ساعه بالكثير
وقفت نجلاء تنتظر اتصل عقاب عليها انرعبت
ناظرت بجوالها تنتظر ردت عليه : هلا
عقاب : وينك ؟
نجلاء : بالمستشفى
وقف عقاب بصدمه : كيف كيف رحتي بدون تقولين لي
نجلاء : عقاب تعال لي وبعدها نتكلم ارجوك
عقاب بعصبيه منها : انتظري
وصل عقاب لها وبنفس اللحظه طلعت النتائج نادتها الدكتوره ناظرت نجلاء فيه دخلت داخل بدون تنتظر وصوله له جلست دخل عقاب بالغرفه سكت من الخبر الي بتقوله الدكتوره ناظرت بنجلاء : انتي قد تعرضتي للعنف ؟ نجلاء ناظرت فيها بخوف : قبل ثلاث سنوات كنت انضرب الدكتوره : جايتك ضربه بطنك وادت ان الحمل عندك ضعيف وصعب عليك ويمكن يضرك كثير او يوديك للوفاه ناظرت نجلاء بصدمه من الخبر نزلت نظرها تحت بدون ترمش بدون لاتناظر عقاب وتشوف ردة فعله اما عقاب ف كان متقبل الخبر من زمان وعارف من يوم تنومت بالمستشفى قايلين له كملت الدكتوره : لو حملتي بتتعبين كثير ف انا انصحك شيلي فكره الحمل
نجلاء ضربت فخذها بقوه تبكي بكل مافيها : كيف اشيلها كيف انا ابي اكون ام ابي اعوض عقاب بالولد تعب معي هو هو عوضني كيف ماقدر اعطييه البنات والعيال
سكتت الدكتوره وقفت نجلاء تبكي طلعت برا تمشي بدون تحس بنفسها وقف عقاب وراها علطول مسكها من يدها
نجلاء ببكاء : صدقتها؟ تكذب تكذبب
عقاب سكت اخذها وركبت السياره
بعد فتره طويله مايقارب السنه
سكرت نجلاء القران خلصت من سوره البقره لها فتره تقراها بنية ربي يرزقها بالحمل معافيه
ناظرت نجلاء بالعلاج الشعبي الي انتهى وقفت تناظر بجاراتها المعالجه نقلت عندهم من فتره وشكت لها نجلاء وحاولت تساعدها بالحمل
نجلاء : خلصتها امس
جارتها : الحمدلله مرت ثلاث شهور بسرعه رفعت يدها : الله يرزقك بالبنات الي يكونون سند لك ولعقاب
نجلاء ابتمست من تخيلت انها يكون عندها بنات
بعد فتره
بدت تحس نجلاء بهالفتره بانها حامل
ناظرت بعقاب الي جالس
نجلاء : عقاب
رفع عيونه عقاب لها: سمي
نجلاء قربت له : مو قلت لك اني بتعالج عند حرمه معالجه
سكت عقاب كملت: انا احس اني حامل
عقاب سكت بقهر منها وكيف عندها امل وهو الحمل نهائي ممستحيل عندها
عقاب ناظر فيهاا كملت : ابي نروح نشوف
عقاب : نجلاء متى تتقبلين ؟
نحلاء : تكفا بس هالمره واذا ماحملت خلاص صدقني بشيل الفكره
هز راسه عقاب ووقف
بعد يوم واقفه نجلاء دخلت تحلل بعد ساعه نادوها دخلت وعقاب واقف عند الباب يسمعهم
الدكتوره : مبروك فيه جنين
نجلاء ابتمست بفرحه : صادقه؟
الدكتوره ابتسمت لفرحتها : اي
ناظرت نجلاء بعقاب الي فرح ناظرت فيه بفرحه
لف عقاب وسكر الباب رفع راسه لفوق وحمد ربه على هالمعجزه
بالبيت
عقاب : مين الي عالجتك؟
نجلاء : جارتنا
عقاب : اذا ولدتي بصحه وسلامه انتي والي بطنك لها ذهب من عندي ابتمست نجلاء له
ناظر عقاب بفيصل : وجابت لي البنات وعشنا مبسوطين ومرتاحين بحياتنا
فيصل : طيب مافهمت وش المشكله ؟
عقاب : رجعو ينادونها تدري وش المشكله نجلاء تنسى تنسى ايش صار فيها تقولي يبوني يافيصل مستحيل
فيصل : رائد وينه ؟
عقاب : مدري وش صار عليه لكن هو بيعرس وعزمها
فيصل : طيب عادي خلها تروح وانت معاها
عقاب : خايف يضرونها هذولا مب اهل
فيصل : استودعها الله وقول يارب ان كان فيها خيره تسرها وانا فيها شر ابعده عنا
-
الواقع مسك الخط عقاب ناظر بنجلاء تناظر من الشباك وتفكر سكت عقاب بكرا الزواج ولا يدري وش بيصير فيه
فرك عيونه باصابعه همس : يارب ان كان فيها خير يسرها
-
وقف فيصل عند البيت : بنزل افتحه واجيكم
نزل فيصل ناظرت اثمار بسمو : مو طبيعي حتى المفتاح معاه
سمو : يمكن تقابلو
اثمار : وربي قلبي يعورني ليكون صاير لهم شي
سمو : طيب اتصلي عليهم
اثمار : اتصلتت مقفلين جوالاتهم
روان لفت راسها لشباك تبكي بصمتت
فتح الباب فيصل وابتعد بالحوش واقف ومعطيهم ظهره
دخلو البناات داخل دخلت اثمار ناظرت بشغاله جالسه وتتقهوى وتحلي ناظرت اثمار بصدمه فيها : ماعليش اذا قطعنا روقانك
وقفت رانو بصدمه: انتا مافي روح مع ماما
اثمار قربت لها : تدرين انهم راحو؟
رانو : ايوا ماما يجي ياخذ هذا فستان كبير و
قاطعتها اثمار جلست : الزواج!!
سمو : وشو تعرفين شي
اثمار: اتوقعع
ناظرت اثمار بروان ماهي موجوده وقفت استغربت وقفت
عند الباب ناظرت مسكر ناظرت بسمو :وينها روان ؟
سمو : ماعرف
اثمار قربت لها : قولي والله!
سمو سكتت تناظر فيها
اثمار: معه؟
سمو : متزوجين ترا
اثمار مسكت راسها : ياربي ياربي
سمو : وشفيك ماهم مسوين شي
اثمار ناظرت فيها
قبل لاتدخل روان وسمو
فيصل : روان انتظري
وقفت سمو معاها : انا ؟
فيصل : ادخلي
سمو : اخاف تسوون شي ترا ينخاف منكم
فيصل ابتسم وسكتت
روان سفهت سمو بنظرها سمو مروقه
دخلت سمو قرب فيصل لروان واخذها للمجلس
فيصل : المفروض انتي تدخليني وتجبين لي فراش بس يلا نمشيها
روان انتبهت بفيصل ماسكها من الكتف ابعدت يده ناظر فيصل : ترا ماتحملين من يدي
ناظرت فيه : وصخ
فيصل : قايل شي غلط اعلمك
روان : لاتعلمني
فيصل جلس اشر لها تجلس بجنبه جلست بعيد بشوي عنه : ايوا ياروان قولي لي وش مضايقك وانا اقولك
روان قربت لها بشوي : وش صاير لامي وابوي تكفا قولي
فيصل : مسافرين
روان : لاتقول مسافرين تكذببب علي
فيصل :مااكذبت صادق وربي
روان : ليش يسافرون ؟
فيصل: عندهم شغله بيخلصونها ويجونك يقولون لكم
روان : وشهي
فيصل : حتى انا ماعرف
روان : تكذب
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
