العصر
وقف فيصل يعدل غترته عند المرايا ومبتسم دخلت سمو بالبخور تبخره : لو تحلف بالله الين بكرا ما اصدقك انك ماكنت تبيها من قبل
ضحك فيصل: شفيك مابيها انا
سمو : علينا فصيل علينا
لف للباب لدخول امه وناظر فيها جايه لمه معها دهن عود وكانت ساكته مانطقت بحرف لفت سمو لفيصل وناظرت فيه : بطلع انا وانسحبت بشويش برا الغرفه
مسك فيصل اكتاف امه وناظر فيها : ام فيصل فيها شي ؟
ناظرت فيه ساكته هزت راسها بنفي وطلعت
تنهد فيصل بقوه وهمس : الله يعين بس
——
بالمطبخ
يجهزون القهوه والبخور والمجلس وهي مو عاجبها ابداً الوضح نهائياً
لفت لاثمار الي ماسكه صينيه: احظر بذي القهوه
هزت راسها نجلاء بدون تنطق
دخلت روان لهم ساكته ناظرت بامها وناظرت باثمار لفت للصاله تجلس ناظرت بمكان ابوها وهي الظهر
تتذكر كلامه لها وكيف ان الرجال عاجبه وكثيررر حتى لو بترفض مافيه سبب مقنع رفعت راسها فوق تمسك دموعها من الخوف والتوتر الي هي تعيشه
—-
بصاله واقفين تقدمت نجد لفيصل : اسمع بصورك وانزلك سناب وبحط شيله عن الاخو ناظر فيصل فيها تقدمت تمسك البخور وعطته وبدت تصوره واخذت كم صوره لف فيصل لصوت ابوه يناديه وطلع من الصاله لعند الدرج وناظر بابوه نازل
ابو فيصل: يلا طولنا ترا
هز راسه فيصل وقرب لبوابه يطلعون لف لصوت سمو تناديه تركض له ناظر فيها باستغرااب : يعني تروح وما ابخرك من العود الي احبه تعال تعال وسحبته للمرايا الطويله الموجوده عند المدخل : شوف اوقف هنا بخر وبصورك ابي الصوره تكون حلوه
فيصل : سمو خليه اذا جيت الحين طولنا
سمو ابتسمت : ادري منت بقادر تصبر بس ثانيه لف فيصل للمرايا وبدا يتبخر وهو متبخر من قبل كثير لكن هالمره عشان تصور
صورته سمو صوره تجنن : تجننن
فيصل لف لها وعطاها البخور : ارسليها لي يلا مع السلامه وطلع
بدت تعدل وتزين الصوره وكشرت ماتعرف وش تكتب
دخلت الصاله وشافت نجد تتابع : اسمعي وش اكتب على صوره فيصل ؟
نجد : مدري انا كتبت الله يتتم لك على خير
سمو : صدددق جبتيها تم تم
شافت الصوره وكتبت الله يتتمم لك على خير فيصل
———
جالسه على طاوله المطبخ تناظر بامها الي ماتتكلم معهم بشي
اثمار: بنت قومي تجهزي يمكن يطلبون شوفه لفت نجلاء لهم بقوه : مابقى الا ذي بعد يخسون
اثمار: يمه من حقهم ترا
نجلاء : يموتتت يشوفها
وقفت روان وهي الي شوي وتصيح من القهر داخلها
دخلت غرفتها وطاحت بقوه على سريرها تناظر بسقف لفت لجوالها بتراسل الجوهره ولفت انتباها سنابة سمو والواضح صورته من برا ناظرت بسنابه وشافت فيصل وهو يتبخر والكلام المكتوب شهقت بقوه حطت يدها على فمها : النذل الكلب بيتزوج الحيوان الوصخ وقفت بصدمه ماهي بمستوعبه ابداً الي تشوفه
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
