وقف فيصل برا ويتصل على سمو الي ماترد
ناظر بسياره الي وقفت بجننبه كان ابو اثمار
نزل ابو اثمار وتوجه لسياره فيصل نزل فيصل له
ابو اثمار: ارحب يافيصل
صافحه فيصل : ياهلا والله
ابو اثمار: عسى خير ؟
فيصل : خير خير بس بنت عمي موجوده داخل واتصل ماترد
ابو اثمار: ماشاءلله ماشاءلله
فيصل حك راسه : اي والله
ابو اثمار : معقوله طلعنا نعرفكم
ضحك فيصل: مدري والله
ابو اثمار: من هي اختك؟
فيصل : سمو
ماصدق ابو اثمار: صادق انت؟
فيصل : اي والله
ابو اثمار: اعرف سمو ماعندها اخوان!
فيصل نزل راسه : سمو بنت عمي
ابو اثمار: فيصل صادق انت سبحان الله يالدنيا
فيصل : اي والله حتى هي قبل شوي انصدمت الدنيا صغيره تعرف سمو؟
ابو اثمار: هذي بنيتي الثالثه من وهي صغيره مع بناتي
فيصل همس : ماشاءلله
ابو اثمار : اي والله تعال حياك القهوه
فيصل : لا والله بس اب..قاطعه ابو اثمار يسحبه للمجلس دخلو
—-
البنات
جاء دور سمو وبدت تشرح لهم كلمه سبع سمكات بكيس بالبحر
رفيف لفت لهم :سمو تشرح الكلمه بجهه والي مكتوب بجههه
روان : صاددقه مافهمت عليها
تكتفت سمو : قولو والله اجل وحده تقوم تشرح!
وقفت رفيف : عطيني بس شافتها وانصدمت : امزح وتركتها
سمو قربت تجلس وناظرت بميار : اصلاً اتركو هالكرت مره صعب
وقفت ميار ونزلت الكرت بجنب ولفت لروان : يلا حبيبتي دورك
وقفت روان وسحبت كرت انخطف وجهه: لا خيرررر
قربت ميار لها وانهارت ضحك: هههههه رواننن ماتخيللل
الجادل: وشو المكتوب
روان لفت الكرت : احط بالقهوه ملعتين سكر واخليه بفمي وامشي ١٠ خطوات خير ذا بيموتني
احلام : مااتتتخيللل هههههه سكر وقهوه هههههههههه
كشرت روان
رفيف وقفت: اتحداك اتحداكككك تسوينه
ناظرت بروان بصدمه ماتدري وش تقول !
دخلت اثمار وناظرت بوجه روان : وش طلع لك؟
لفت روان الكرت لاثمار : شوفي ماقدر
رفيف : افا بنت عقاب
اثمار لفت لروان: انتي قدها روان ماعليك جربي بس
نادت اثمار رانو تجيب سكر بملعقه
قربو لفنجال روان مسكت السكر احلام وحطته بلفنجال : يلا ياستي
اخذت الفنجال روان وكشرت : يععع
ميار: ترا مو تبلعينه بس تحطينه بفمك
قربت روان الفنجال لفمها وهي مكشره والبنات يشجعونها حطته بفمها ووقفت تمشي عشر خطوات ماكملت الخطوه الرابعه الا وتحس بلعت نوصه ركضت روان لهم وهم يضحكون عليها لفت بقوه لقسم الرجال ركضت دخلت داخل ودخلت دوره المياه وفكت المويه وكبت الي بفمها : الله يقرفكم يععع يععع
غسلت فمها وطلعت وسكرت الباب سحبت منديل ومسحت فمها واقفه عند المرايا : انتي غبيه تجربين غبيه !
لفت بتطلع وسمعت صوت ابوها بالمجلس استغربت وجوده
ميلت راسها تشوف وشافته شافت الي دخل عليها بالمكتب بهمس : غريبه وش جابه ذا!
وقف فيصل : انا استئذن والله طولت على الوالد
وقف معه ابو اثمار: ماتشوف شر يافيصل وسلم لي على الوالد
حطت يدها بفمها بخوف انهم يطلعون ويشوفونها
لفت للدوره المياه ودخلت فيها وسكرت الباب
وطلعو برا ركب سيارته فيصل ينتظر سمو
طلعت روان للبنات برا
ناظرت بسمو لابسه عباتها وتفاجاءت!
اثمار: ياحسافه ياسمو مو بنسهر
سمو قربت لاثمار تحضنها : والله بخاطري بس فيصل الله يهديه جا بدري
انصدمت روان بهمس :فيصل !
مسكت اثمار يد سمو ودخلتها داخل : اجل عشاك تاخذينه معاك
سمو : لاوالله لاتتعبين نفسك
اثمار: لا تعب ولا شي عشاك بتاخذينه
سمو : ياعمري ياثمار ماتقصرين
—
بالصاله
ماسكه كوب حوايج تشربه
ام صقر وهي تسولف مع صقر : انت وش رايك اخطب لك
ناظر بمنار : منار دورك ارجوك
منار ضحكت : لا الحين ماعاد بسكت امي المره هذي حتى انا ابيك تعرس
صقر : خير ليكون جالس على قلبك
منار : لاوالله ياصقر ودي انك تعرس ويجي لك عيال
لف صقر لامه: لعبتي بعقلها
ضحكت ام صقر : والله حتى انا مصدومه
لف صقر لمنار: انا قايل لكم شايل هالفكره
دخل ابو صقر وكمل يناظر بصقر : انا اقول تشوف لك امك بنت سنعه ومتربيه ونخطبها لك
وقف صقر : دام الوالد جاي انا استئذن وطلع
لفت ام صقر لابو صقر: متى بتغصبه ترا راح عمره وهو ماتزوج
منار: يمه حرام عليك وش تغصبونه
ابو صقر : الا ذا الي بيصير بعطيه اسبوع ان ماجاء بنفسه بروح اخطب له فجاءه
وقفت منار: مو منجدكم يبه الزواج مو لعبه وطلعت
رقت فوق لغرفه صقر وطقت الباب
فتح صقر لها : ارحبي ام سعود
دخلت بالغرفه وجلست على كرسي المكتب: صقر ببدا معك بدون مقدمات ورجاءً جاوب معاي ولا تتردد
استغرب صقر : وشو قولي
منار: احد ببالك
صقر ناظر تحت: لا
منار: صقر قول بالعكس والله بساعدك
صقر قرب لها وجلس جنبها : بقولك بس لاتفهمين غلط والله انه ماصار شي غير موقف بسيط ومماعرف ليه ابيها والله عجزت اطلعها من راسي
منار باستغراب : ايش الموقف؟
صقر شرح لها يوم شاف سمو عند دوره المياه : والله تخيلي ماعرف شي عنها بس انها دخلت براسي عجزت اطلعها
منار : خويك هذا فيصل الي نعرفه ؟
هز راسه صقر
منار: طيب ماعليك لاتشيل هم انا بقول لامي عنها
صقر : بس كيف تقولين اني شفتها؟
منار: لا هالشي بيصير بيني وبينك ابو سعد وغمزت
صقر لف يمين : وجع
وقفت منار: انت دامك قلت لي ازهل
صقر : انشهد انك شيخه
منار قربت للباب : ادري
—-
أنت تقرأ
"خذني على قد الوله واشتياقي ترا الكرم بالحب حاجة عظيمة"
Contoمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
