دخل سعد البيت ناظر بالصاله جالسين البنات وام صقر : سلام عليكم
ام صقر : وعليكم السلام
جلس سعد : صقر جاكم؟
ام صقر : اي فوق
وقف سعد قرب لغرفه صقر فتح الباب ناظر فيه جالس وقف سعد تكتف : وش قلت؟
صقر وقف : سم وشو
سعد : وينه الملف؟
صقر باستغراب : اي ملف
سعد غمض عينه : صقر لاتجننني قايل لك جيب الملف جاهز عشان اقرر اليوم وينه!!!
صقر غمض عينه بقهر : نسيت والله
سعد : شسوي فيك ؟
صقر: يبه وربي نسيت
سعد : المشكله منت بزر اعاقبك
صقر : وربي طلع لي شغله ونسيت الملف
سعد رفع حواجبه : شغله؟ اقص يدي اذا سمو مو معك حتى هي ماكملت شغلها
صقر سكتت
سعد : بزران انتم تبون اركض وراكم تكملون!!!
سكت صقر مايعرف وش يرقع وضعه
كمل سعد : سمو سكتت عن شغلها ماتكمله والسبب انت مدلعها بكرا اتفاهم معكم قرب بيطلع مسكه صقر: يبه سمو لاتقولها شي هاوشني انا واذا عشان شغلها بكرا بقولها ارجوك
سعد ابتعد عنه يطلع
-
ابتسم فيصل يناظر برساله عقاب له انها تمممت موافقة روان دخل البيت : ياجماعه
مناير : هنا
دخل فيصل الصاله : وينه جدي؟
مناير : طلع مدري وين راح
فيصل : انا بعرس
نزلت سمو وسمعت كلامه : حركاتتتت
فيصل : اي والله طولت قسم
سمو : متى؟
فيصل : بعد شهر
سمو بصدمه: وشوو!!
فيصل : للاسف مابي ابعد
سمو : والحجز والتجهيزات
مناير : تهون وبعدين يمدي
سمو : مايمدي
فيصل : ياشيخه توكلي بس اكنسل عشان مايمدي
سمو: طيب اهلك؟
فيصل اخذ جواله : بتصل على ابوي وبقولهم
-
ناظرت نجد بتجهيزات زواجها خلصت تماماً وباقي فقط اسبوع
دخلت ام فيصل : نجد تعالي تحت
وقفت نجد ونزلت ناظرت بابوها قربت وجلست بجنبه تحضنه
ابو فيصل: خلصتي يابوي؟
نجد : اي كل شي
ناظر بام فيصل : تو فيصل كلمني وبلغني انه بيعرس بعد شهر
نجد : واو ماشاءلله
قربت تصب لها قهوه ام فيصل وتشرب بدون ترد عليه
ابو فيصل ناظر بنجد : بس نخلص ان شاءلله من زواجك بنرجع مع فيصل
نجد : تمام
-
ناظر صقر برسالة فيصل انه حدد زواجه بعد شهر اتصل عليه : خيرررررررر ليه ماقلت لي
فيصل : هذا انا قايل بالقروب
صقر : والله ماتعرس قبلي
فيصل : تحدي هو
صقر : لا بس مابي قبلي تعرس
فيصل : الله يشفيك
صقر : الله يسمع منك
فيصل : طيب شوف
صقر : وشو
فيصل : نتزوج سوا وماهر معنا
صقر : ماعليش اعتذر ادري ودك فيني اشارك معك الليله لكن ابي ليلتي تكون خاصه فيني انا وزوجتي
فيصل : ياشيخ توكل قال ابي تشاركني عشان مصاريف الزواج تقل علي
صقر : انا داري
فيصل: ونروح شهر العسل ونطول عن العالم معنا فلوس
صقر : دخلت براسي
فيصل : بقول لماهر ونشوف
دخل سهم الحوش ناظر بسيف بالمجلس
سهم : سلام سلم على سيف وجلس قدامه يشرب قهوه
وبعد الاخبار
سيف : انا جاي بقولك
سهم : سم
سيف : سم الله عدوك، انا ابي ملكتي وزواجي بنفس اليوم
سهم : هذا رايك وماعندنا مشكله بس ببلغ احلام
سيف هز راسه وقف سهم ودخل بالصاله ناظر باحلام جالسه مصدعه
سهم جلس جنبها ناظرت فيه احلام : وشفيك
سهم باستغراب : وشفيك انتي
احلام : بس مصدعه من الجامعه اليوم عندي فاينل بكرا ولا رضت توضح لي
سهم : طيب عندي شي بقوله
احلام : وشو
سهم : سيف يقولي يبي الملكه والزواج بنفس اليوم
احلام : ليه؟
سهم : سيف يستحي بس اني اعرف انا هو مايقدر على الملكه وبعدين زواج
احلام : انت وش رايك؟
سهم : الي تبين انتي عادي لو تبين ملكه سويت لكم بحسابي
ابتسمت له : لا مايخالف بلغه اني موافقه
ابتسم سهم : والله حظ سيف فيك وحظك في سيف
-
ناظرت اثمار بامها وروان يناظرون سلسالها الي لابسته بلعت ريقها تسحب تيشيرتها تغطيه
دخلت رانو الصاله : ماما في رجال برا يبي بابا عقاب
نجلاء : من هذا؟ جاء اليوم صبح
رانو :هذا بابا يجي صبح يجي ظهر بعد يطلع اثمار له
بلعت ريقها اثمار تناظر فيهم
نجلاء : يجي ظهر؟
رانو : ايوا ناظرت باثمار : انتا يطلع له بعد
اثمار سكتت تناظر بروان وامها
نجلاء : روحي شوفي عقاب بالمكتب
طلعت رانو
ناظرت نجلاء باثمار لفت لروان : طلع حبيب القلب جايب السلسال
روان : مايستحي جانا الصبح مرتين الله يستر للعرس
نجلاء : ماسبتعد يحط له غرفه بيتنا ناظرت باثمارر: بس ها ماحنا فاضين يحط غرفه ياخذك مره وحده
ضحكت روان من صدمة اثمار
اثمار : ماياخذني يجي بغرفتي مره وحده
رمت المخده نجلاء : استحي
اثمار : صدق وش له خساير ياخذني ولا يبني يجي بغرفتي احسن
نجلاء : ماتستحي
-
يفكر صقر ويقلب الفكره براسه اخذ جواله يتصل على سمو
سمو : هلا
صقر : اسمعي برمي الخبر
سمو : صقر وشو لاتصدمني
صقر : بنعرس
سمو : يهبي فيصل اعداك
صقر : زواجنا مع فيصل وماهر قررنا سوا جهزي عمرك والي ينقص تكملينه معي والسلام عليكم سكر الجوال
نقزت سمو تركض تحت لفيصل : يهيب ياوجهك قايل له
فيصل : وشو
سمو : صقر يقولي عرسنا معكم
فيصل : الحمدلله قلت المصاريف
رمت المخده عليه وحده ورا الثانيه : ياحيوان يافيصل الله لايسامح عدوينك
الصباح الساعه ٨:٣٠
صحت اثمار شايله هم بكرا اخر يوم ويقفلون الكليه
دخلت دوره المياه تغسل طلعت برا الغرفه
نزلت تحت ناظرت بامها توها داخله بعباتها
اثمار : من وين جايه؟
نجلاء : وديت روان
اثمار : امس غريبه ماطلعتي؟
نجلاء : اجلوها اليوم
اثمار : حلو وروان؟
نجلاء : مدري اذكر قالت بتشوف اليوم
نزل عقاب ببدلته ناظر باثمار : اثمار
ناظرت فيه : عيونها
قرب بيجلس : والله مايمديني اليوم ولا بكرا
اثمار : ياربي وش اسوي
نجلاء : قول لسهم مافي غيره
اثمار بصدمه : مستحيل اروح معه لعنيزه
عقاب : بشوف يمكن مشغول
نجلاء : ياشيخ يفضى ماعليك
اثمار : يمه
نجلاء: يالله بس
-
ناظر سهم برسالة عقاب من برا : الله بس، ماني بشايفها بسوي نفسي ثقيل اخذ دقيقه ودخل : ولا يهمك بوديها ان شاءلله اليوم اذا فاضيه قبل الظهر
عقاب : الله يجزاك خير
ابتسم سهم
-
نزلت جوالها اثمار بعد مابلغها ابوها نزلت تحت لامها : يمه سهم بيوديني
نجلاء شربت من قهوتها : ااي انتبهي بس لاتاخذكم السوالف وتمسكون خط غير عنيزه
اثمار ناظرت بامها : انتي شفيك علي ماسويتي كذا بروان
نحلاء : ماكنت عارفه انها ميته عليه لو دريت جمعتهم عادد من نصيبك الحين
ركضت اثمار فوق لغرفتها تجهز طلعت لها بنطلون ابيض مع تيشيرت رمادي وعبايه جهزت اغراضها
وجلست عند الطاوله تجهز اغراض التخرج
ناظرت بجوالها رقمه ابتسمت تاخذه
سهم : صباح الخير ، متى ودك تروحين؟
اثمار : متى مافضيت
سهم: فاضي متى تبين بس
اثمار: عادي الحين او بعد ساعه
سهم : بعد ساعه حلو
اثمار : تمامم
-
وقف سهم عند بيت عقاب طلع جواله من جيبه ارسل لاثمار : تحت انا
اثمار: طيب جايه
اخذت نقابها اثمار تتلبسه عند المراايا اخذت شنطتها وملف التخرج نزلت تحت ناظرت بامها : مع السلامه
نجلاء : هلا
طلعت برا اثمار ناظرت فيه بسيارته قربت له وفتحت الباب ركبت بجنبه اخذ سهم الملفات حطها ورا
لفت اثمار له : عسى مو مشغول اليوم
سهم حرك لطريق : حتى لو مشغول بفضى لف لها ولف لطريق ابتسمت اثمار له
سهم اخذ الحزام يسكره
اثمار:اربط حزامي
سهم : اذا عشان مايصير لك شي اي اذا قصدك عشان المخلفات ناظر فيها : فداك
اثمار ابتسمت تسكر الحزام
سهم : قبل شوي كنت باخذ لنا قهوه بس قلت اخذك وتختارين الي تشربينه
اثمار : اشرب اي شي عادي
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
