مشعل اخذ نفس : قبل فتره شفتها جايه لغرفتك لكن مادخلت كانت بتدخل ورجعت
عقد حواجبه سهم باستغراب
مشعل رفع اكتافه : عجزت اعرف وش تبي بس قلت اقولك يمكن تعرف شي
سهم : ماعرف بس عادي يمكن تبي تتطمن
مشعل : شلون تتطمن عليك؟ وهي كانت ماتحط عينها فينا من الخوف
سكت سهم يلف طلع مشعل
سهم همس :ماتحط عينها فيكم لكن قدرت ترفع صوتها علي مو بس تناظر
-
الصباح
دخل الدكتور ناظر بسهم : ماشاءلله استاذ سهم استجبت لكل شي وفادتك الادويه
تحرك سهم بشوي : الحمدلله ، متى اقدر اطلع؟
الدكتور ابتسم : تو ياسهم باقي
سهم : بطلع على مسؤوليتي
الدكتور : هو انت واخوك واثقين ؟
سهم : ليه؟
قاله الدكتور عن نياف يوم نقله بالاسعاف وهو كان خطر عليه
ابتسم سهم
الدكتور : لازم تكون عندنا
سهم نزل رجله انصدم الدكتور : ياسهم ارجوك
سهم : انا بخير والله ابي اطلع للبيت ماحب المستشفيات
الدكتور هز راسه بأسف
-
ناظر نياف بسهم الي جالس على سريره قربب نياف وساعده يلبس ثوبه
نياف : ترا خطر عليك
سهم : ياشيخ مافيني شي
نياف : الحمدلله
وقف سهم بهدوء ومسكه نياف يقربه للكرسي
جلس سهم ودفه نياف يطلعه قرب للبوابه ووقف يناظر بمشعل
مشعل : خير يالطيب طالع ارجع بس
سهم ابتسم : لاوالله برجع للبيت
لفو لسياره الي وقفت ونزل منها عقاب ناظر سهم بالسياره لو تنزل اثمار او يلمحها لكن مافيه احد انتبه لقرب عقاب له مد يده يسلم عليه
عقاب : كان ودي اجيك امس بس قلت الاهل اول
سهم ابتسم له : انت من الاهل بعد ماتقصر والله
عقاب : دامك طلعت عشاك عندي ان شاءلله
سهم : لا والله لاتكلف على نفسك ابد
عقاب : والله العظيم لاسوي العشاء ولتجي ياسهم وجودك قدامنا اكبر فرحه ولازم نذبح لها
سهم سكتت
قرب عقاب يعطي نياف موقع الاستراحه
-
دخل سهم البيت ناظر باحلام ورفيف الي واقفين عند الباب انحنو مع بعضهم يحضنونه
سهم : اووو شوي شوي خنقتوني
نياف ضربهم بضهورهم : اوجعتوه
ابتعدت احلام بتدفه ضربتها رفيف : انا بدفه
احلام : انا مسكته قبلك بدفه
قرب نياف وهاوشهم يبعدهم مسك العربيه ودفه
سهم مسك ايادهم ومشى فيهم
دخلو الصاله
سهم باستغراب : وينها امي؟
نزلت ام سهم من الدرج قربت له وحضنته : ياربي ياربي لك الحمد ياسهم ياربي احمدك الي كتب لي اشوفك حولي
ابتسم سهم يحضنها
ابتعدت ام سهم تجلس على الكنب قدامه وحوله
ام سهم : سويت لك الفطور نفس الي تحبه دايم
ابتسم سهم
نياف : عاشت ام سهم طيب سويلي السلطه الي احبها بعد
احلام : وانا بعد الي السلطه
رفيف ضحكت منهم: ترا ماتسوي الا للي يتعب
ام سهم : اعوذ بالله لاوالله بسوي لكم الي ودكم
-
دخل عقاب بالبيت
ناظر بالصاله : نجلاء ، نجلاء
نزلت اثمار : ابوي
عقاب لف لها : وين امك؟
طلعت نجلاء من المطبخ : وشفيك بسم الله
عقاب : سهم طلع وعزمته على العشاء الليله
اثمار ابتسمت انتبهت لنفسها
نجلاء : وشو مايمدي
عقاب : الا تونا مااذن الظهر يمدي تجهزون وتعزمون انا بطلع اجهز اغراض الرجال وبشوف الاستراحه
قرب بيطلع ولف لهم : قولو لروان وش تبون وخلوها تنزل لي
اثمار ناظرت بامها ركضو لفوق لغرفه روان
جالسه بجوالها تناظر
فتحو الباب نجلاء واثمار
ناظرت فيهم روان بصدمه : وشفيكم
فتحت دولاب روان اثمار وطلعت عباتها قربت نجلاء : روان عندنا عزيمه الليله اكتبي وش ناقص ووش نبي
بعد مده
نزلت روان وهي تلبس وتمشي طلعت برا ووقفت عند البوابه تناظر : وانا مصدومه انك اخترتني
اشر لها فيصل مبتسم بالنور قربت وركبت : سلام عليكم
فيصل : وعليكم السلام
عقاب لف لروان : قالو لك وش ناقص؟
روان : اي وبجيب الحلا
عقاب : زين
-
وقفت نجلاء تطلع صحون والكاسات والفنجايل حقت الضيوف نزلت نجلاء قربت لامها ماسكه جلابيه
اثمار : يمه ذي ؟
نجلاء : لا شينه جيبي غيرها
رقت اثمار فوق ناظرت بملابس امها الي طرحتها واغراضها الي حاستها عضت شفتها تعرف امها بتذبحها الحين
ناظرت بالجلابيه الحمراء صغرت عيونها : تعجبك زوجة عقاب
اخذتها ونزلت تحت تركض للمطبخ ناظرت بامها الي تجهز الاغراض بسلة
رفعته : شرايك؟
نجلاء : حلووه جهزيها وجهزي عطر والمكياج حقي وحطيهم بشنطة صغيره وجهزي اغراضك
اثمار : اوكي لفت تركض تجهز
-
بالسوق ناظرت روان بفيصل الي يقرب عربيته لها ابتعدت روان : ولد
فيصل: مدري شفيها العربيه
ناظرت فيه روان وقربت لابوها تمسكه
فيصل ناظر فيها تمسك ابوها : حيوانه
لفت له روان ناظرت فيه يناظرها لفت لابوها الي يختار الاغراض الناقصه للاستراحه
عقاب قرب يحاسب ناظر بشوكلاته تحبها روان ناظر بروان الي تناظر فيها ضحك : روحي اخذي لك
روان : بعيد المشكله خايفه
ناظر فيصل فيهم : وشو
عقاب : روان تحب هالشوكلاته تبيها
فيصل ناظر بروان: تعالي معي
مشت روان وراه الين ابتعدو عن ابوها لفت له قرب يده ليدها ومسكها فلتت يدها روان : ابوي
شد يدها فيصل : زوجك ماني بغريب
روان ناظرت بيده الي شدها على يدها سكتت تمشي
الشوكلاته قريبه لكن معه تحسها بعيده
-
ناظرت اثمار بالاغراض الي جهزوها بالصاله وشناطهم الي فيها اغراض العزيمه الليله
ناظرت بامها الي تكلم وتعزم الحريم
ارسلت اثمار لسمو
اثمار : بتجين صح؟
سمو : ماعرف
اثمار : حاولي تكفين
سمو : ان شاءلله
ناظرت اثمار لرسايلهم الي عادت غريبه فعلاً لكن متسحيل بتسمح ان سمو تبعد ابداً
-
بعد اذان الظهر وقف عقاب عند التمور ناظرت روان بالشمس الي صاقعتها وابوها وفيصل الي يدرون ولهلحين ماختارو
فتحت جوالها ترسل لاثمار
روان : جهزي لي اغراضي وحطي لي اغراض بتروش
ماردت اثمار
روان : اووف
بعد ١٠ دقايق
فتح الشنطه فيصل يحط التمر ويرتبهه
ناظر براس روان : عسى يام راس ماطفشتي
روان لفت له وتكت بيدها على الكراسي : لا ابد بس اشوفك انسى الروحه ذي
فيصل ناظر فيها وكيف مكتيه ابتسم لف لعقاب الي يحاسب ومشو ركبو للبيت
وقف عند البيت
نزلت روان تركض بالحلا نزلته بالصاله ناظرت باثمار الي واقفه بعباتها : انتظروني باخذ اغراضي بتروش
اثمار: استعجلي
ركضت روان فوق فتحت الدولاب تشوف الفساتين ناظرت بفستان رمادي حلو اخذته وحطته وحطت كعب قربت لتسريحه اخذت الاكسسورات والفير والعطر حطتها بالشنطه قربت لدوره المياهه اخذت كيس وحطت فيه شامبو وغسول للجسم قربت وحطتهم اخذت شنتطها تطلع ناظرت بالصاله الفاضيه قربت للباب وفتحته كان مسكر البوابه : بسم الله شمداكم تمشون قربت فتحت البوابه ناظرت بفيصل بسيارته يناظر باالباب اشر لها بنور السياره طلعت برا وسكرت الباب بقوه قربت لسيارته فتحت الباب الي ورا وحطت شنطتها الكبيره ركبت معه قدام
ناظر فيصل بالشنطه ولف لها : ليكون بتهاجرين ترا قريب الاستراحه
روان : كيف اهاجر وانت معي؟
فيصل سكت يناظر فيها
ابتسمت روان : اعرف اسكتك
فيصل : وصخه
ناظر بجواله يدق اخذه : هلا
سمو : فيصل تقدر تمرني؟
فيصل : للاستراحه تروحين؟
سمو : ايوا
فيصل : طيب بجيك خليك جاهزه
سمو : اوكي
-
وقف عقاب وبدو ينزلون الاغراض هو واثمار بالحوش
رفع راسه عقاب يناظر بالقهوجين الي جو
اثمار: يبه جايبه من بدري؟
عقاب : شسوي ابيهم يساعدوني
بعد مده بدو يجهزون نجلاء واثمار الاغراض
-
ناظرت روان وين وقفها فيصل عند البيت تحت الشمس ماوقفها عند الظل
روان : فيصل
فيصل : عيونه امري
روان : الله يسلط على عدوك
ضحك فيصل بقوه قرب بسياره بيوقف عند الظل طلعت سمو ضحك : ياخي مادريت اسف
روان تقلده : مادريت اسف
قربت سمو وركبت : سلام عليكم
روان لفت لها: وعليكم السلام وينك مختفيه
فيصل : وشتبين فيها اساليني انا طيب
روان : مايحتاج مرتز عند بيتنا
فيصل : تعقبين
مشى بسياره للاستراحه
العصر
جهزو كل شي وضبطو كل شي عقاب جهز الجلسه برا وحط الكراسي والفرشات وحط الطاوله وعليها الفناجيل
والكاسات ناظر بالقهوجي الي يرتب القهوه
ابتسم برضى لف لفيصل : تعبتك معي ياوليدي
فيصل: ماعليك
عقاب : بدخل اتروش
فيصل : اجل بمشي اجهز
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
