بالبر
جالسين عند النار يسوون قهوه وشااهي
صقر ناظر بفيصل : اقول يالشايب
ناظر فيصل فيه وكمل : يوم عشاكم قلت لك بعرسك وقلت ان شاءلله الصدق كنت اناظر بنفسي اذا كبيت علي الدله وانا بحاله صدمه ماستوعبت يعني الحراره ويوم ناظرت بنفسي ماكبيتها علي بس شسالفه
فيصل : وقعت بالحب
صقر : قول والله
فيصل : والله
صقر : ماش ياخي عاجز اصدقك
فيصل : حلفت !
صقر : ادري بس انت وينك والحب وين
فيصل : صاددق
صقر : منهي
فيصل : تخيل انهم كانو حولي وابوها معي تقريب ٢٤ ساعه ماتوقعت بحب بنته
صقر استوعب وبلع ريقه خاف تكون سمو : منهو
فيصل بيكمل وقاطعه اتصال طلع جواله من جيبه وناظر كانت سمو : اصبر سمو تدق علي
فز صقر خاطره يسمع المكالمه
فيصل : هلا
سمو : فصول وينك
فيصل : بعيد
سمو : طيب
فيصل : ليه تبين شي ؟
سمو : لا بس بشوف احسبك بالعشاء ولا
فيصل : زين بعيد انا لاتحسبين
سكر فيصل وناظر بصقر : عيوني سمو تبي تشوف بجي ولا
صقر : تحبها ؟
فيصل : عشقتها انا مصدوم من نفسي ماعرف كيف اصارح ابوها
بلع ريقه صقر : غريب يعني توك تحبها وانت معها دايم
بقق عيونه فيصل : معها دايم ولد ارفع علومك
صقر : ماقصدي شي قصدي ان يعني مع بعض انتم تقابلون وكذا
فيصل : متى قابلتها
صقر : ياخوك تستهبل انت
فيصل : انا ماشفتها الا مره
صقر : كيف ماتجي عندكم؟
فيصل : تجي وين بالشغل ؟
صقر : اي شغل؟
فيصل : البنت الي حبيتها تكون بنت مدير القسم حقي
صقر الي يحس رجع له الحياه : قل والله فيصل
فيصل : انت فيك شي تبين احلف لك لين متى؟
صقر نط وحضنه : ياخوك الله يوفقك
فيصل مصدوم منه
كمل صقرر : صدقني انت ماتنرفض انت لو اني بنت وخطبتني مارفض
فيصل.: وتسبدي مالقيت الا انت تضرب مثال فيك
صقر بتكبر: هو يحصل لك مثلي
-
بالصاله..
جالسه وتشرب قهوه وتاكل من المعمول
نجلاء: يابنتي خلاص درينا انه لذيذ
روان : وربي الحبه مدري كم عاجزه اوقف
نجلاء : ذبحتي نفسك بهالحلا
اثمار: روان شرايك تسوينه اذا عزمنا البنات ؟
روان : تمم تمم
النجلاء : متى بتعزمونهم قرب رمضان ترا
اثمار : صح يالله ياسرع الاايام
النجلاء : اي والله الله يبلغنا رمضان واحنا بخير وصحه يارب
روان : امين
اثمار : اجل بشوفهم الثلاثاء اذا يقدرون لاني بعزم سمو
رفعت راسها نجلاء : سمو ياعمرري من زمان عنها
اثمار : اي والله يالله اقابلها بالجامعه
نجلاء وقفت : انا بروح انام بس تخلصون ان شاءلله نامو وراكم دوام
هزو راسهم بايه
———-
ام سهم طالعه حديقه مع اغلب الجارات بما انها فاضيه اليوم احلام ورفيف بغرفهم يجهزون ويذاكرون بما انه بكرا دوام
بالصاله..
دخل ومعاه سلة القهوه رفع عينه سهم لدخول نياف : شايف الساعه كم ؟
نياف جلس : قسم ماحسيت بالوقت
سهم : بالله وين كنت فيه ؟
نياف : بالاستراحه مع العيال
سهم : صدق تو ادري عيال الي معك
ضحك نياف : اشوف ودك تعصب على اي شي شفيك
سهم بتأفف عدل جلسته: تخيل يوم كنت افكر بمشكله رفيف بالمستشفى مداوم جاني مشعل يبي بنت تمسك حسابات وانا بلحظه تفكير وافقت وتوني استوعب
ضحك نياف بقوه : تو تستوعب هههههههههه تو تستوعب ههههههههه
سهم : وش يضحك بالله
نياف : ههههههههههه ياخوك ماقدرر ماقدرر
قام سهم : اضحك اجل الين تقول بس
وقف نياف يجلسه : لا خلاص بسكت وناظر بوجه سهم وضحك ههههههههههههههههههههه
سهم : كل تبن
نياف وقف ضحك وناظر بسهم : طيب وش الي يمنعك توضف بنت بالاداره
سهم : ماقدر هذي حسابات صعب يمسكونها
نياف : عادي مو لازم تخليها علطول تمسك عطها فتره تدريب
سهم : قالي مشعل بس ياخي مدري ماني مرتااح
نياف : ومشعل شسالفه يبي يوظف بنت عنده يعني احد متخرج؟
سهم :لا ماعنده بس الحين القصيم قبل سنه ونوص تقريباً فاتحين هالتخصص وفيه خريجين بنات
نياف : مافتحو للعيال؟
سهم : لا تخيل
نياف هز راسه : انت اطلع من المووضوع خل مشعل هو الي يتكفل بذا الشي
سهم : والله اتعبته
نياف : صدق هانت ماعاد باقي لي شي واجي معك واوقف معك
ابتسم سهم : ان شاءلله باذن الله
تلفت نياف : غريبه امي وينها مو بعادتها تنام الحين
سهم : مانامت طلعت لجاراتها
نياف : حلوو
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
